Param Marikanka 10:4 - DAWAN BÎLA AISKA

⁴ Alwani 7 ba aisi kan ningkara, yang mahka ulbaia kapri; sakuna kasbrika purara ba wina bîla baikra kum ai aisan walri: “Alwani 7 diara nani aisan ba, pain yukuki bris; baha nani ba ulpara.”

Param Marikanka 10:4 ပူးပေါင်းရင်းမြစ်များ

Aiseya 29:11

Man nani namkra ra lilka nani kaikisma ba sut pura prakan; wauhtaya kum ulbi karbi praki swin ba baku. Bara aisi kakaira kum ra witin nani aisi kaiki yabia, bara witin ra wibia: “Nanara naha aisi kaiks”, bara pana wibia: “Yang sip kaikras, kan naha na sîl prakan ba mita.”

Aiseya 8:1

Dawan bui ai win: “Ulbaia tatka tara kum bris, bara bahara uls ulbanka ba aisi kaikaia param kaia: ‘Maher-salal-hasbaz.’

Aiseya 8:16

Naha bîla blikan na man nani pain wals; naha bîla nani mai wisna na, upla wala ra aisapara, yang mai smalkisna bîla nani ba.

Daniel 12:4

‘Sakuna, man Daniel, naha wauhkataya diara nani na yukuki bara sîl mangks, piua balbia ba kat. Upla ailal lika nahara bukra tauki kabia, ai sinska lâka kau briaia wisi.’

Daniel 12:9

Bara witin bui ai win: ‘Ban yabalkam ba nina bliki bas, Daniel, bamna naha diara nani na yukuwan ra ban bri kabia piua tnata alkbia ba kat.

Daniel 8:26

‘Diara aihka kaikram ba tutni bara titan wal tânka ba pat param mamrikan, bara baha ba kasak sa; sakuna man lika diara aisaras sâp katma, kan baha ba piua ailal lubia bara tnata alkan kabia.’

Kli Smalkanka 29:29

“Diara nani bâra sa yawan tânka briras: baha nani ba Dawan Gâd dukia sa. Sakuna diara nani yawan ra marikan bara wan luhpia nani ra sin mariki ba, baha lika piu bani ra alki daukaia sa naha lâka nani na.

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 1:19

Bamna, dîa kaikram ba sut uls, dîa dîa nanara bâra ba bara naika ra takaia ba sin.

Param Marikanka 10:8

Baha bîla baikra kasbrika pura wina aisi kan walri, yang ra kli aisin bara ai win: “Was, baha insalka kabu purara bara sauhka ra bûi ba mihta ra baha wauhkataya lupia ulbi karbi swin kan ba ilingki bri ba bris.”

Param Marikanka 22:10

Witin naku sin ai win: “Naha wauhkataya ra Gâd sturka ulban na, dahra yukuki bripara, baha aimakaia piua ba pat baila sa bamna.