Param Marikanka 10:1 - DAWAN BÎLA AISKA

¹ Bara insal karnakira wala kum, kasbrika pura ba wina bal iwuya kan kaikri. Witin ba kasbrika kum ni dingkan kan, bara ai lal purara kumadura kum bri kan; ai mawan ba wan yu lapta baku ingwi kan, bara ai kuhma nani ba lika pauta lakni playa nani baku kan.

Param Marikanka 10:1 ပူးပေါင်းရင်းမြစ်များ

Lawana Nani 104:3

¡Man wamtla playka nani ba, lî purara bapram sa, laih pura pali ba ra! Kasbrika ba man waginkam daukram; man pâsa tnawa purara impaki taukisma.

Lawana Nani 97:2

Kasbrika twakni ni kutbi kir brisa; kasakka lâka bara diara wapni daukaia ba, ai iwaika ra alki brisa;

Impakan Sturka 16:10

Eran kau Israel luhpia nani wal aisi kan ba ra, upla iwras tasbaya ba langnika ra kasbrika kum ra, Dawan prana ba param takan upla nani sut ba kaikan.

Yamni Kulki Lawana 5:15

Ai kuhma nani ba, sin walpa pihni painkira playka nani baku sa, gul painkira plamaika nani purara bapi mangkan ba baku; wan nakra ra witin ba Líbano yalamka dusa painkira nani ba baku sa.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 54:9

“Noa ra aisari baku, lisamra dukiara aisi ba ra, kli tasba purara lisamra pura lubia apia. Baku pramis takan nanara kli man mampara kupi baikram ra apia, kli sin mai ikaia mai wimna apia.

Inanka Nani 3:44

Man kasbrika tilara aiblakram, yang nani puri sunra ba walaia apia dukiara.

Isikiel 1:28

sim kumadura kasbrika ra lî auhi piua ra taki baku. Naha natka ra, Dawan prana ba yang ra bal takan. Yang baha kaikri ba ra, laila bawri tasba kangbaia prais kat.

Daniel 10:6

Ai prâka ba lipi kan walpa lalahni manakira lipi ba baku kan, ai mawan ba lipi kan imyula lipi ba baku, ai klahkla nani bara ai mina nani ba lipi kan bras lipi ba baku, ai bîla baikra binka ba upla ailal aisi ba baku kan.

Daniel 7:13

“Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Libait Lâka 16:2

Gâd bui Moses ra win: “Muihkam Eran ra wis, holi pliska ra ani taim dimbia ba ra, kwala paman ba ninara, lâ auhbaika watla pura prakaika ba lamara wabia apia, bara witin lika prubia apia; kan baha kat yang kasbrika kum ra param takamna bamna.

Matiu 17:2

Bahara Jisas wîna tara ba aihka takan witin nani mawan kat. Ai mawan ba ingni pali kan sim lapta baku, bara ai prâka ba pihni pali sim ingni baku.

Luk 21:27

Bâra mika, Upla Luhpia Waitna, kasbrika ra aula ba kaikbia, karnika tara bara ai prana ba wal.

Apastil Nani Sturka 26:13

Sakuna, king Agripa, yabal ra yu 12 aklak kan, ingni kum kaikri kasbrika pura ba wina. Ingnika ba sim yu lapta wal kau karnika bri kan, yang tnaiya kir ingwan, bara baha nani yang wal auya kan ba sut ra sin.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

Param Marikanka 18:1

Naha ningkara, yang insal wala kum kasbrika pura ba wina bal iwuya kan kaikri. Witin na karnika bri kan, bara ai ingnika ba mita tasba aiska na ingni takan.

Param Marikanka 18:21

Bara insal karnakira kum ba walpa kum bukan, baha ba akbaia walpaya tara baku kan; bara kabu ra lulki, naku win: “Babilon, tawan tara ba, sim naha walpaya naku mai batakan kabia, bara upla kumi sin kli mai kaikbia apia.

Param Marikanka 20:1

Yang insal wala kum kasbrika pura ba wina bal iwuya kan kaikri, ai mihta ra tihu tara kî ba brih, bara sîn tara sin kum.

Param Marikanka 4:3

Iwi kan ba lika jasper walpaya ingnikira, apia kaka karnilian walpaya baku kan; kingka iwaika ba kir kumadura kum bâra kan, bara baha ba lika esmeralt walpaya ingnika baku ingwi kan.

Param Marikanka 5:2

Insal karnakira kum kaikri, bara witinka ba ai bîla baikra tara ni wini, makabi wali kan: “¿Ya ba aitani sa sîl nani ba kriki, wauhkataya ba kwâkaia?”

Param Marikanka 8:13

Baha ningkara yang kaikri, bara yakal kum kasbrika pura ba lilapas ra pâli tauki kan walri; witinka ai bîla baikra tara ni aisi kan: “¡Alai, alai, alai kabia, tasba ra iwi uplika nani ba mapara, trumpit nani na insal wala yumhpa ba puhbia ba ra!”