Param Marikanka 1:4 - DAWAN BÎLA AISKA

⁴ Yang Jan, Asia tasbaya ra serts 7 ba ra ulbisna. Gâd wina yamnika nani bara kupia kumi lâka ba man nani bris, witinka bâra ban ba, ban kan ba, bara naika balaia ba; spirit 7 ai king iwaika mawan kat ba wina sin,

Param Marikanka 1:4 ပူးပေါင်းရင်းမြစ်များ

Lawana Nani 90:2

Il nani ba kau paskras kan wina, tasba na bara tasba aiska sin kau daukras kan ba ra, piua nani sut wan kanra aula ba ra, man ban wan Gâdka sma.

Impakan Sturka 3:14

Bara Gâd kli pana aisi, win: —YANG BA, YANG SNA. Israel luhpia nani ra wis: ‘YANG BA, YANG SNA ba, witin mita man nani ra ai blikan.’

Aiseya 11:2

Dawan Spiritka ba witin ai purara ban takaski kabia, bara sins lâka, âuyama kaia yabia, diara tânka luki sakaia, lâ tânka smalki mariki kaia, karnika sin yaia, diara tânka kaikaia bara Dawan sibrinka sin.

Aiseya 41:4

¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Sakaraya 3:9

Yang sin Jasua mawanra walpa kum tnaya 7 bri ba mangkri, bara yang mihti ulbanka kumi baha walpaya ra swimna. Baha wina yu kum bilka ra, yang naha tasbaya uplika nani saurka wina dakbi sakamna.

Sakaraya 4:10

“Zorobabel kainara wark tâ bukan nani ba, yamni wark sirpi nani ba tâ krikras kan, sakuna nanara Zorobabel wark aiska daukbia ba kaiki, witin nani sin lilia takbia.” Baha ningkara insal ba bal pura praki, aisin: “Ingni nani 7 bâra ba sika, Dawan nakra nani, tasba aiska ra kaiki tauki ba.”

Sakaraya 6:5

Insal ba pana ai win: “Baha nani sika pâsa walhwal, Dawan mawan wina taki tasba aiska ra auya ba.

Jan 1:1

Tasba na kau paskras kan ba ra, Bîla ba pat bâra kan. Bîla ba Gâd wal kan, bara witin sika Gâd kan ba.

Apastil Nani Sturka 19:10

Baha ba dauki kan mani wâl prais, bara Asia tasbaya ra iwi nani ba sut Dawan Jisas sturka ba walan, Ju nani bara Ju apia nani sin.

Apastil Nani Sturka 2:9

Yawan nâra na lika kuntri sât sât wina nani sa: Partia, Media, Elam, Mesopotamia, Capadocia, Ponto, Asia kuntrika tani wina,

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

1 Korint 1:3

Gâd wan Aisa bara Dawan Jisas Kraist mita sin, man nani ra yamnika nani bara kupia kumi lâka sin maikbia.

2 Korint 1:2

Gâd yawan wan Aisa wina bara Dawan Jisas Kraist wina sin ai kupia yamni lâka ba, ai kupia kumi lâka ba man nani puramra laikbia.

Hibru Nani 13:8

Jisas Kraist ba lika sim ban sa, nahwala, naiwa bara ban kaia ra.

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

Param Marikanka 1:1

Naha sika Gâd mita Jisas Kraist ra diara nani param marikan ba, witin mita laki ai dukia dadaukra nani ra diara nani pat pali takaia ba marikbia wisi. Jisas Kraist mita ai insalka bliki baha tânka ba ai warkka dadaukra Jan ra latan marikan.

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 1:17

Yang bui witin ba kaikri ba ra, ai mina kat pruan baku kauhri. Sakuna witin mita ai mihta aihkika ba purira kahbi, ai win: “Si bripara; yang sika tâ bara lâs.

Param Marikanka 1:20

Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.

Param Marikanka 1:8

“Yang sika tâ bara tnata lâs ba sin,”, Dawan karnika sut bri ba baku wisa, witinka bâra ban ba, kan wina sin ban kan ba, bara balaia ba sin.

Param Marikanka 1:9

Yang Jan, man nani muihkam sna, bara man nani wal aikuki asla sna pât wahwan nani mapa ra, Gâd King aimaki ba lâka ra, bara ban bapi buaia lâka Jisas Kraist mita wanki ba ra sin. Kî dakura kum nina Patmos wi ba ra lulki ai swin kan, Gâd sturka yamni aisi smalkri ba tâwan, bara Jisas Kraist witniska aisari ba tâwan sin.

Param Marikanka 16:5

Bara lî nani insalka ba naku aisan walri: “Dawan Gâd holikira, man ban sma ba, bara ban katma ba, man lika kasak pali sma naku lâ daukram bamna.

Param Marikanka 2:12

“Pergamum sertska insalka ra sin ulbi wis: ‘Sord tatwa napa wâl mala bri uplika ba mita naku wisa:

Param Marikanka 2:18

“Tiatira sertska insalka ra sin ulbi wis: ‘Gâd Luhpia ba, witinka ai nakra nani pauta lakni bri ba ai mina nani bras lipni baku bri ba mita wisa:

Param Marikanka 2:8

“Esmirna sertska insalka ra sin ulbi wis: ‘Tâ ba bara tnata ba sin, witinka pruan bara kli raya ba mita, naku wisa:

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”

Param Marikanka 22:8

Yang, Jan, naha diara nani kaikri bara walri. Diara nani ba kaikri, kaikri walri ba ningkara baha insalka naha nani ai marikan ba mina nani kat luki kriki, witin ra puri suni mayunaia.

Param Marikanka 3:1

“Sardes sertska insalka ra sin ulbi wis: ‘Gâd spiritka 7 bri ba bara slilma sin 7 bri ba naha aisisa: Dîa daukisma ba, yang sut kaikisna, bara kaikisna man ba pruram sa sakuna sturka brisma ba lika raya sma.

Param Marikanka 3:14

“Leodisia sertska insalka ra sin ulbi wis: ‘Naku wisa witinka Kasakkira ba, witnis kasak bara diara kasak kat aisi ba, Gâd diara sut paskan ba tâ wina:

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba:

Param Marikanka 4:5

King iwaika ba wina imyula nani, bin nani bara alwani nani sin taki kan; bara king iwaika mawanra pauta lakni lampka 7 klauhi kan, baha nani lika Gâd spiritka 7 ba.

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”

Param Marikanka 5:6

Bara king iwaika ba diara rayakira walhwal ba lilapas, almuk nani ba lilapas kat, Sîp Luhpia kumi bûi kan kaikri, baha ba ikan baku kata. Witin ba aringka 7 bara nakra sin 7 bri kan; baha Gâd spiritka nani 7 tasba aiska ra blikan ba.

Param Marikanka 8:2

Baha ningkara insal 7 Gâd mawanra bûi nani kan ba kaikri; witin nani ra trumpit 7 yan kan.