Param Marikanka 1:16 - DAWAN BÎLA AISKA

¹⁶ Ai mihta aihkika ra slilma 7 bri kan, bara ai bîla ba sord napa wâl mala ba baku kan. Ai mawan ba lika ingni kan sim wan yu lapta ai karnika aiska ni ingwi ba baku.

Param Marikanka 1:16 ပူးပေါင်းရင်းမြစ်များ

Job 38:7

yu baiwaia slilmika nani, lawana aiwani kan piua ra, yang warkki dadaukra insalka nani lilia bri kan piua ra?

Lawana Nani 45:3

¡Kupiam karna brih, sordkam maisam ra wilks! Kan witin sika man pramna sakahkan ba.

Yamni Kulki Lawana 6:10

¿Naha na ya, lalma kahbi kan laptika baku biki wan kaiki ba? Kati baku painkira sa, lapta wal baku ingnikira sa, war aiklaklabra nani war ra aiklabaia taki auya baku, sip alki takaskras.

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 24:23

Karnika sut bri Dawanka ba, witin king baku ai warkka daukbia ba ra Saion ilka ba ra, Jerusalem ra. Kati, lapta tihmia takbia bara wihta nani ba Dawan prana ba kaikbia.

Aiseya 49:2

Bara yang twisi ba sord malira baku mangkan, ai mihta distika ni ai bikan; bara trisba lipni baku ai daukan, trisba watla ra ai mangki main ai kaikan.

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Daniel 8:10

Tara pali pâwan ba mita, kasbrika purara war aiklaklabra nani ba kat uli wan, slilma nani ba wina tila bataki, ai mina ni taiban,

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Matiu 17:2

Bahara Jisas wîna tara ba aihka takan witin nani mawan kat. Ai mawan ba ingni pali kan sim lapta baku, bara ai prâka ba pihni pali sim ingni baku.

Apastil Nani Sturka 26:13

Sakuna, king Agripa, yabal ra yu 12 aklak kan, ingni kum kaikri kasbrika pura ba wina. Ingnika ba sim yu lapta wal kau karnika bri kan, yang tnaiya kir ingwan, bara baha nani yang wal auya kan ba sut ra sin.

Epesus 6:17

Swaki sakan lâka ba sin lal pura bikaia baku lamla ra baps, Spirit Holikira mita wanki sord ba sin bris, baha sika Gâd bîla.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Param Marikanka 1:20

Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.

Param Marikanka 10:1

Bara insal karnakira wala kum, kasbrika pura ba wina bal iwuya kan kaikri. Witin ba kasbrika kum ni dingkan kan, bara ai lal purara kumadura kum bri kan; ai mawan ba wan yu lapta baku ingwi kan, bara ai kuhma nani ba lika pauta lakni playa nani baku kan.

Param Marikanka 12:1

Bara kasbrika purara sain tara kum takan: mairin kumi wan yu lapta ba ni kwala baku dingkan kan, bara kati ba ai mina nani munhtara bri kan, ai lal purara sin kraun kum slilma 12 ni daukan.

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.

Param Marikanka 19:21

Wala nani ba lika aras purara uli ba bîla wina sord taki kan ba ni ikan kata; bara tnawira nani ba sut baha nani wîna pih ai biara banhki takan.

Param Marikanka 2:1

“Bamna Epesus sertska insalka ra naku ulbi wis: ‘Witinka ai mihta aihkika ra slilma 7 bri ba bara kiandil mina silbar ni paskan 7 tilara tauki ba mita naku wisa:

Param Marikanka 2:12

“Pergamum sertska insalka ra sin ulbi wis: ‘Sord tatwa napa wâl mala bri uplika ba mita naku wisa:

Param Marikanka 2:16

Baku bamna, kli tawi Gâd ra bal; kan baku daukras sma kaka, pat pali man ra wamna, bara sord bîli wina taki ba ni man nani mampara aiklabamna.

Param Marikanka 3:1

“Sardes sertska insalka ra sin ulbi wis: ‘Gâd spiritka 7 bri ba bara slilma sin 7 bri ba naha aisisa: Dîa daukisma ba, yang sut kaikisna, bara kaikisna man ba pruram sa sakuna sturka brisma ba lika raya sma.

Wihta Nani 3:16

Sakuna Ehud sord kum bri kan, malika wâl, yarika ba 18 ins, bara baha ai prâka munhtara dingki brin ai aihkika tani ra;

Wihta Nani 5:31

“¡Dawan, man waihlam nani sut ba, yarka baku sauhki tikan kabia, bara baha nani latwan mai kaiki nani ba, yu lapta ai karnika aiska ingwi ba baku ingwi kabia!” Baha ningkara witin nani mani 40 kupia kumi bara lamni lâka ra iwi kan.