Param Marikanka 1:10 - DAWAN BÎLA AISKA

¹⁰ Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku,

Param Marikanka 1:10 ပူးပေါင်းရင်းမြစ်များ

Kulki Kaikanka 24:2

Bara Balaam kaikan, Israel luhpia nani ba ai watla mâkan ba ai kiamka nani 12 ba kulkan ba kat, bara Gâd spiritka witin purara balan.

Matiu 22:43

Bara Jisas witin nani ra win: —¿Nahki kan Spirit Holikira ingnika yan ba mita, Debit mita Dawan mâkan? Kan Debit naku aisan:

Jan 20:19

Baha sim piua tihmika tutni pali ra, disaipil sut asla taki kan, bamna utla durka nani sut prakan kan, Ju nani sîa. Jisas bal dimi, disaipil nani lilapas kat buan, baha nani ra lakula dauki, naku win: —¡Kupia kumi lâka man nani wal kabia!

Jan 20:26

Yu 8 luan ningkara, disaipil nani ba kli utla kum ra asla taki banhwan kan, bara naha piua lika Tamas sin baha nani tilara kan. Bamna dur nani ba sut prakan kan, sakuna Jisas ban dimi disaipil nani lilapas kat buan, lakula dauki, naku win: —¡Kupia kumi lâka man nani wal kabia!

Apastil Nani Sturka 20:7

Wik yua pas pali ra, wan muihni nani asla takan brit krikaia; bahara Pal mita smalki kan. Witin yu wala ba mahka waia kan bamna, tihmia wâl bakriki kat ban aisi kan.

1 Korint 12:3

Baha mita, nanara want sna kaiki kama, ani uplika naku wibia kaka: “¡Jisas ba lahtuban kabia!”, witin ba Gâd Spiritka karnika mita aisaras sa. Bara upla kumi sin sip wiras: “¡Jisas ba Dawan!”, witin ba Spirit Holikira karnika mita aisisa kaka lika.

1 Korint 16:2

Wik bani yua pas pali ra, man nani kumi bani lalah wiria tnaya ra laki swiaia sma, dîa pura sakan ba praiska kat; bamna baha ba suni bri bas, bara baku mika yang balamna ba ra, man nani lalah plikaia apia kama.

Param Marikanka 17:3

Spirit ba ai karnika munhtara ai brin, bara insal ba mita upla iwras tasbaya ra ai brih wan. Bahara mairin kum kaikri daiwan saura pauni kum purara iwi kan, bara daiwra wîna tara pura aiska ba, Gâd mapara saura aisaia nina baman kan; baha ba lal 7 bri kan, aringka sin matawalsip.

Param Marikanka 21:10

Spirit ba yang purira karnika brin, bara insal ba mita il tara kum purara ai brih wan. Witin Jerusalem, tawan holikira ba, ai marikan; baha ba lika kasbrika pura ba wina bal iwuya kan, Gâd mawan wina.