Oseas 9:9 - DAWAN BÎLA AISKA

⁹ Man nani aisawan pali takram, Guibeá yua nani ra takan kan ba baku. Sakuna witin nani watawi daukan ba dukiara Dawan lukbia, bara saurka nani mana klala yabia.

Oseas 9:9 ပူးပေါင်းရင်းမြစ်များ

Impakan Sturka 32:7

Bara Dawan bui Moses ra win: —Man mahka mâyara was, man uplikam nani Idsip tasbaya wina sakram ba, witin nani saura daukisa.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Aiseya 31:6

Israel luhpia nani, witinka ra kli tawi bal, witin mapara man nani sîa briras pali buram ba.

Jirimaya 14:10

Dawan naku aisisa Israel luhpia nani ba dukiara: “Naha uplika nani na iwi kapras ban tauki kaia lihkisa. Baha mita yang bui witin nani ra yamni kaikras sna. Bamna yang nanara witin nani saura dauki ba luki kaikisna, baha mana ba witin nani ra kulkaia.”

Isikiel 21:28

“Man, upla luhpia, yang nini ra aisas bara wis, yang bîli Amón uplika nani ra, Israel ra lahtuban bîla saki ba, sord ba pat taya wina sakan sa: ikaia ridi sa, klaki wapni daukan, imyula lulkaia bara sauhki tikaia.

Oseas 10:9

Dawan aisisa: “Israel Guibeá ra wih saura daukan ba wina baha saurka swira dauki ban sa. ¡Ai saurka ra ban iwisa! Baha mita war ba Guibeá ra baha watawikira nani ba ra alkbia.

Oseas 4:9

Bahamna upliki nani ba, prîs nani ba sut kumi ra baku, klala yabamna, witin nani ai daukanka saura ba mita.

Oseas 5:8

¡War aiklabaia puhbaika aringka ba, Guibeá ra puhbi banhs, bara Ramá ra trumpit ba puhs! ¡Bet-avén ra bin tara dauks! ¡Benjamín ra bin tanis pali dauks!

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:8

Gâd mita ai prapitka ba, Efraín aihwaki kaiki kaia mangkan, sakuna man nani bui witin ai yabalka ra mina alkaika nani kahbisma; ¡Gâd tempelka bîla kat sin man nani bui witin ra misbara kaikisma!

Sofonías 3:7

Yang klala yabri ba mita lukri: ‘Jerusalem ba yang ra siaibribia bara watawi dauki ba mahka swibia; baku yang bui witin nani slingbi sauhkaia apia kapri.’ Sakuna witin nani kau istikira saura lâka sâtka nani sut ba daukan.

Wihta Nani 19:12

Libait ba pana win: —Israel luhpia apia tawanka ra takaskaia apia, Israel luhpia nani tawanka kat lika.

Wihta Nani 19:16

Ban saiwi iwan ba kat, dama kum ai nasla wina aula kan, dama ba Efraín ilka nani tawanka wina tringsar Guibeá ra iwi kan, tawanka uplika nani sut ba lika Benjamín kiamka nani kan.

Wihta Nani 19:22

Witin nani bâra ai kupia kumi ai âuyapah pali kan, bara waitna saura nani kulki tawan ba wina balan, dama watla ba kutban bara mahka watla durka ba prukan, bara dama ra win: —¡Baha waitnika nani mai kaikaia wamtla ra balan ba, latara sâks! ¡Yang nani witin wal yapaisna!

Wihta Nani 20:43

Israel luhpia nani ba witin nani ra kutbi bri nina bliki ikan, Menuhá wina Guibeá tawanka lalmika ba kat.