Oseas 9:6 - DAWAN BÎLA AISKA

⁶ Witin nani ra sauhki tikan kabia ba wina plapan; Idsip witin nani ba bribia, bara Menfis raitika ra bikan kabia. Silbarka kukanka nani ba purara, inma nani pâwbia, bara ai kiampka ra iwan ba tasbaya ra, kiaya nani pâwbia.

Oseas 9:6 ပူးပေါင်းရင်းမြစ်များ

2 King Nani 13:7

Bara Joacaz aiklaklabrika nani waitna 50 baman takaskan kata, baku sin aiklabaia waginka nani matawalsip bara waitna nani 10,000 ai mina wapi aiklabi, kan Siria kingka ba bui aiska sut iki tikan bara yamhpus baman daukan kata.

Lawana Nani 107:34

tasba pain kata ba, sâl tasbaya daukisa, bahara iwi ba uplika nani saurka tâwan;

Sins Lâka 24:31

bara yang kaikri baha nasla aiska bîla ba, rahra pali man pâwan kan, baha yarka kutbanka ba sin walpaya nani ba slingwan kan.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 19:13

Saion kingka luhpia waitna nani ba sinskas sa, Menfis ra wihta nani ba sin witin nani ba tanis ra kunin munan, tawan wihtka nani ba, witin nani bui upla tâ briaia kata ba, witin nani kunin munan yabalka bâk Idsip ra brih wan.

Aiseya 27:12

Baha yua ra Dawan ai warkka daukbia Éufrates wina Idsip awala kat plawar mâ kriki baku; sakuna man nani, Israel luhpia nani, asla mai kukan kabia kumi mai wahbi.

Aiseya 32:13

Yang upliki nani tasbaya purara, kiaya bara rahra nani pâwbia, tawan tara ra, utla nani kau liliakira nani kan ba purara sin.

Aiseya 34:13

Kingka watla nani ra kiaya pâwbia, wahia kiaikira dusa nani sin pâwbia ai kan kahbaika pliska nani ra; bara yul wail nani iwaika watla kabia, bara daiwan pâlras tara nani luhpia watla latka kabia.

Aiseya 5:6

Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Aiseya 7:23

Baha piua ra sin wain nasla kum wain dusa 1,000 mangkan ba, ai mana ba silbar mâ 1,000 kulki kan ba, nanara kiaya bara rahra wal pâwi kabia.

Jirimaya 2:16

Menfis uplika nani Tafnes uplika nani bal lamla baikan.

Jirimaya 42:22

Baha mita, man nani pain tânka bris war ra, sanglang mita, siknis mita, ani ani kuntrika ra man nani iwma ba bâra pruaia sma.”

Jirimaya 44:1

Ju nani sut Idsip ra Migdol, Tafnes, Menfis tawanka nani waupasa tani ra bâra ba baha nani ra wiaia bîla blikan ba Jirimaya walan:

Jirimaya 44:12

Bamna yang daukaisna Juda ra takaskan uplika nani ba Idsip ra iwaia wan nani ba, sut pali sauhki âpu daukbia. Sut pali, sirpi lupia nani ba wina tara ba kat, war ra, apia kaka sanglang ra pruaia. Man nani ninam ba lahtuban uplika nani mâkbia, swira daukan upla ra sirang ikaika takma.

Jirimaya 44:13

Idsip ra iwi nani ba klala yabri Jerusalem ra iwi nani ra klala yabamna ba baku, war, sanglang, siknis blikamna.

Jirimaya 46:14

“Man nani Idsip ra maisa paks, Migdol, Menfis, Tafnes nani ra sin: ‘¡Aihwaki bas, man nani ridi bas! ¡Sord ba ai kaina kir langki aula!’

Jirimaya 46:19

Idsip uplika nani, ridi taks, mai priski mai brih waia aula ba, Menfis ba bîla man dauki swibia, slingban upla bâra iwbia apia.

Isikiel 30:13

“Yang Dawan sna ba, aisisni: Aidul nani ba sauhki tikamna bara Menfis ra gâd bahki nani ba âpu daukamna. Idsip ba kli, ya tâ briaia âpu kabia, bara sibrin lâka tara ni kuntri ba banhkamna.

Isikiel 30:16

Idsip ra pauta klauhan mangkamna, bara Sin ba latwan mita yuswi kabia; Tebas kutbanka ba sauhki tikan kabia, bara Menfis ba kakna pali ra bal rausauhkbia.

Oseas 10:8

Idan nani ai pura sunaia watla nani mâkan ba, sauhki tikbia, bahara Israel luhpia nani saura dauki kan ba. Altarka nani ba purara kiaya kiwka, kiaya dusa nani pâwbia, bara upla nani ba il tara nani ra wibia: “¡Yang nani puri biks!”, il purara pali nani ba ra wibia: “¡Man nani, yang nani purira bal kauhs!”

Oseas 11:11

“Daiwan tnawira nani baku, Idsip wina tatatwi balbia; butku nani baku, Asiria wina balbia; bara daukrika witin nani kli bal ai watla nani ra iwbia. Yang, Dawan, kasak aisisna.

Oseas 2:6

“Baha mita ai yabalka ba, kiaya nani ni prakamni bara kaina kir kutbamna, bara ai yabalka nani ba pliki sâkbia apia.

Oseas 7:11

Efraín ba, butku sinska tikan baku sa, sins lâka âpu. Idsip ra hilp makabisa, Asiria ra sin hilp plikisa...

Oseas 7:13

“¡Witin nani sari pali takbia, yang laima wina taki wan bamna! Sauhki tikanka witin nani ra alkbia, kan witin nani ba yang maipara buan bamna. Yang bui witin nani swaki sakan ai daukisa, sakuna witin nani, yang maipara kunin aisisa,

Oseas 7:16

Witin nani aidul nani ra tawi wan; witin nani trisba warha kum baku sa, mark ra sabaia lulki ba kat sabras. Upla ra swira dauki bîla nani aisin tâka, wihta tara nani ba sut sord ra prubia, bara Idsip uplika nani ai lawaska kikbia.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:3

Efraín kli Idsip ra wabia, bara Asiria ra wih tâski kulkan pata nani ba pibia. Witin nani lika Dawan tasbaya ra ban iwi kabia apia:

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Sofonías 1:11

¡Ini, uhbi banhwi bas, tawan pîska pakni ra iwi banhwisma uplika nani ba, kan baha nani diara âiatkra sut ba prubia, baha nani sut lalah wal, diara kwahki wauhi atki ba sin!

1 Samuil 13:6

Israel nanara ai dara walan witin nani ra karna pali dihbuya ba, kan filisteo nani aula witin nani ra aiklabaia, bara witin nani yukuwaia kan tasba kwalhni nani ra, tasba unta nani ra, walpa unta nani ra, tasba baikan ra, liwanhta nani ra sin.