Oseas 9:17 - DAWAN BÎLA AISKA

¹⁷ Naha uplika nani na, Gâdki aisi ba walan daukras sa; baha mita Dawanki mita witin nani ba lulki swiaisa, bara ai tasbaya âpu nisan nani tilara ban watauki kabia.

Oseas 9:17 ပူးပေါင်းရင်းမြစ်များ

2 Kronikas 18:13

Bara Micaías pana win: —¡Dawan nina mâki swer takisna, Gâd bui dîa ai wibia ba baha aisamna!

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Nihimaya 5:19

¡Yang ra yamni luki bas, yang Gâdki, baku sin diara sut pali naha tawanka na hilpka daukri ba!

Lawana Nani 31:14

Sakuna yang lika Gâd, man kat luki tniwisni; yang wîri: “¡Man sika yang Gâdki!”

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Aiseya 48:18

¡Bamna man, yang lâika bîla nani ra walram kan kata! Bâra lika man ra kupia lâka ba awala kum baku kaia kan, bara yamnika nani man ra taki ba kabu ripka nani baku kaia kan.

Aiseya 7:13

Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

Jirimaya 6:30

Witin nani nina ba mâkan kaia sa “silbar saura pali takan”, Dawan, man bui witin nani ba lulki swiram bamna.

Jirimaya 7:13

Bara ban kra yang bui man nani ra kli kli pat kupiam krauki daukankam ba dukiara, sakuna man nani bîli wali daukaia apia wiram, uni kahbaia pan sakuna man nani baha sin daukras. Yang Dawan, baha kasak aisisna.

Jirimaya 7:15

Man nani ra sin yang maiwan wina mai kangbi mai sakamna, muihkam nani Efraín kiamka nani ra pat kangbi sakri ba baku.’

Oseas 4:10

Baku witin nani Dawan warkka daukaia ba swin ba mita, plun pibia, sakuna witin nani ai âuyapah kabia apia; witin nani rug taki kabia, sakuna sip luhpa baikbia apia.

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Oseas 7:13

“¡Witin nani sari pali takbia, yang laima wina taki wan bamna! Sauhki tikanka witin nani ra alkbia, kan witin nani ba yang maipara buan bamna. Yang bui witin nani swaki sakan ai daukisa, sakuna witin nani, yang maipara kunin aisisa,

Emus 8:2

bara witin bui yang ra maikabi walan: —Emus, ¿man bâra dîa kaikisma? —Dus mâ pawan baman kûa banhki kum na kaikisna —wîri. Bara Dawan naku ai win: —Yang upliki Israel nani ba, dus mâ pawan baku sa; rausauhkaia yua ba bal aimakan sa; witin nani saura dauki ba ban kupi alki brih kaiki kamna apia.

Emus 9:9

Yang bui daukamna, Israel luhpia nani ba singbi kaikaia, plawar mâ singbaika ra auhbi singbi ba baku, mâ kumi sin tasba ra batakan kabia apia ba.

Miqueas 7:7

Sakuna yang lika Dawan ra baman bîla kaikamna; Gâdki swaki ai saki ba bîla kaikamni, kan Gâdki ba yang ra ai walbia.

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Jan 20:28

Tamas mita pana win: —¡Yang Dawanki bara yang Gâdki!

Jan 7:35

Bamna Ju nani pana pana tawi makabi wali kan: —¿Naha na anira waisa ki, sip wal prawras kabia wi ba? ¿Apia kaka Ju nani ra waisa, tringsar nani tilara yakabrira iwi ba ra, idan nani ra smalkaisa?

Apastil Nani Sturka 3:23

Upla bani baha prapitka ba bîla walras kabia kaka, âpu daukan kabia, bara Israel nisanka wina saki lulkan kabia.’

Kli Smalkanka 32:26

“Yang luki kaikri kan laihura yakabi swiaia, bara naha tasba lukanka wina sin diki sakaia.

Kli Smalkanka 4:25

“Man nani luhpiam bara mulam nani brima piua ra, bara naha kuntrika ra almuk kama ba ra, lilka bahki nani paski dauki baha ra ai pura sunbia kaka baku saura dauki, Dawan Gâdkam kupia sauhki kama.

Kli Smalkanka 4:27

Dawan mita kiamka wala nani tilara mai yakabia, bara man tilam wina kulki baman raya kabia.

Pilipai 4:19

Baku bamna, man nani dîa dîa âpu sma ba sut, Gâdki mita maikbia, ai yuyaka pranakira Kraist Jisas ra bri ba praiska kat.

Jems 1:1

Yang, Jems, Gâd bara Dawan Jisas Kraist dukia dadaukra, Israel kiamka 12 tasba aiska ra yakaban nani ra lakula wisna.