Oseas 9:10 - DAWAN BÎLA AISKA

¹⁰ Dawan aisisa: “Yang lika Israel wal prawri yua ba, lilia ai daukan, sim upla iwras tasbaya ra wain pâwan kan sakan liliaka baku. Man nani damikam nani ba naikra ra kaiki kapri ba kwah mâ disang baku kan. Sakuna witin nani Baal-peor ra wan piua ra bara kuninkira nani ba gâdka ra tawan. Bara witin nani lika upla bahki pali takan, baha aidulka nani latwan kaiki ba wal baku takan.

Oseas 9:10 ပူးပေါင်းရင်းမြစ်များ

1 King Nani 16:31

Ban ai kupia lakras kan, Jeroboam Nabat luhpia saurka ba nina blikan, witin Sidón kingka Et-baal luhpia mairin, Jezabel ba ai maya brin, bara witin Baal mayuni dukia daukan.

2 King Nani 17:11

bara baha pliska ra dus kîa pain nani ba angkan upla sut ai natka baku, ai tasbaya wina kangbi sakan sainka Dawan brin daukras dukia nani daukan, baha tâwan sika pat witin nani ra kangbi sakan ba diara saura uya dauki kan mita, baku Dawan kupia sauhki banhwi kan.

Lawana Nani 115:8

Ya bahmuna aidulka nani dauki ba, baha nani wal baku sa, ya witin nani ra kasak lukbia ba sin.

Lawana Nani 81:12

Ai kupia karnika ba mita ban swiri nina blikaia, bara dîa want ba yâri daukan.

Yamni Kulki Lawana 3:6

¿Baha ba dîa ki, upla iwras tasbaya wina taki aula ba, impaki aula ba kiasma tara nani tilara, sîka mâka kîa painkira kiasmika tilara bara awas mâka kîa tilara sin bara isint sâtka kîa pain nani sut kira?

Aiseya 28:4

Bara tangni srasrawra painkira baha il plahpia pura prana ba, tâura kwah mâ nani alkan ba baku kabia, ani uplika pas baha kaikuya ba, mahka ai mihta ra alki pibia.

Jirimaya 11:13

Juda gâd nani ailal pali brisa tawan nani ailal bri ba baku, Jerusalem ra iwi uplika nani ba sin kîa pain angki Baal ra yabaia altar nani ailal paskan sa tawan ra yabal ailal ba baku.

Jirimaya 24:2

Baskit kum bilara kwah mâ nani ba pain pali kan, baha nani ba pat pawan kan, sakuna baskit wala ra mâ nani ba saura baman kan, piaia sip apia.

Jirimaya 3:24

Aidul mayunaia lâka swira pali ba mita yang nani ra ai munan yang nani kau tuktan katna bara almukki nani baha brin ba mita: sîpki nani, daiwri nani, luhpi waitna nani, luhpi mairin nani tikri.

Jirimaya 3:25

Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 31:2

Gâd bila: “Upla iwras tasbaya ra yang yamniki mamrikri tawan uplika wal prura wina swak takram. Israel luhpia ris briaia pliska kum pliki kan ba ra,

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Isikiel 20:8

‘Kuna witin nani lika yang maipara buan, bara yang ra walaia brinka apia kan; sakuna Idsip wina aidul nani brin ba âpu daukras, witin nani baha nani swiras. Yang lukri kupi baiwanka witin nani purara batakaia, bara klala yabaia Idsip ra, yang kupi baiwanka wina âuyapah takbia kat.

Oseas 11:1

“Israel luhpia nani ba kau tuktan kan ba ra, yang bui witin ra latwan kaiki katna; witin, yang luhpi waitna sa, Idsip ra kan yang winri.

Oseas 13:5

Yang main mai kaikri lapta baman upla iwras tasbaya nani ra.

Oseas 2:15

Ningkara ai wainka nasla nani ba kli yabamna, Acor ilka langnika ba witin mapara bîla kaiki kaia durka daukamna. Bahara, witin tiara kan piua ra baku ai aisabia, sim Idsip wina takata baku.

Oseas 4:14

Sakuna luhpiam mairin nani rug takisa wisi, klala yabamna apia, mulam yaptika nani, ai maya nakra praki banhwi ba sin apia, kan man nani pali sin rug mairin nani ba wal auma bamna; sakripaiskam daukaia, baha mairka nani aikuki asla takisma; witin nani ai pura sunaia lan taki baku ai maya lâka krikaia warkka dauki ba. ¡Sins lâka briaia tânka briras uplika nani ba baku rungwisa!

Emus 4:5

Plawar ba sin îs mangkras brit dauki, Dawan ra tingki wiaia prisantka dauki bas; upla sut ra wih, aisi maisa paks, witin nani ai prisantka nani, ai kupia lâka yabaia ba dukiara, kan man nani baku dauki kaia lihkisma bamna.” Dawan baku kasak aisisa.

Miqueas 7:1

¡Alai! Upla dus mâ nani sut dakbi brin ba ningkara wala kum bal mâ dakbaia pliki ba baku sna; dus mâ pain pawan nani ba âpu sa, baha mâ nani pin ai dauki kan ba.

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

Kulki Kaikanka 18:13

Baku sin insla mâ tawahkia nani wina yang ra aikaia brih aula ba sin, man ra maikisna. Ya ya man wamtla ra ba sunu sa kaka, witin sin sip sa baha piaia.

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

Kli Smalkanka 32:10

Upla iwras tasbaya ra prawan, tasba lâwan nani ra pâsa mita wipi bri tauki kan sakan; ai klahkla mununhtara brih smalki ai nakra yula baku mai kaikan.

Kli Smalkanka 32:17

lasa nani ra sakripais dauki yaram, gâd bahki nani man nani kainara kaikras kapram ba ra; gâd raya balan, wihka apia ba, papikam nani ai rayaka aiska ra mayunra dauki yabras kan.

Kli Smalkanka 4:3

man nani namkra ni kaikram Dawan nahki Baal-peor ra âpu daukata, man nani tilamra baha pliska ra aidulka ra mayuni kan ba.

Wihta Nani 6:32

Bara baha yua wina witin nani Gedeón nina ba Jerubaal mâkan, bara witin nani win: “Baal ba gâd kaka, witin yakan ai tâwan aisabia”, kan Gedeón mita ai altarka ba mâyara ikan bamna.