Oseas 9:1 - DAWAN BÎLA AISKA

¹ Israel, man nani lilia kapara; upla wala nani baku, âmyapah pali srutwi kapara, man bui Dawankam ba lulki swiram bara ur takram, plawar mâ taya saki ba watla ra ur takisma mana, mamna briaia lihkisma.

Oseas 9:1 ပူးပေါင်းရင်းမြစ်များ

Lawana Nani 73:27

Ani uplika nani man wina tnaya ra tawi ba sut lika, prui tiwbia; ani uplika man wal kasak apia ba sut sauhki tikma.

Aiseya 17:11

Baha yua dîa sut mangkram ba, sut pâwbia, titan ra witin nani ai mâ sâkbia; sakuna sikniska kli rakaia apia ba balbia piua ra pata mâ nani ba sut tiwbia.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Jirimaya 44:17

Sakuna yang nani dîa daukaia lukri ba baha ban dauki kamna, yang nani gâdki Kwin Kasbrika Purara bara witin ra kîa pain sakripaiska dauki wain sin bri sal yabamna, yang nani kainara dauki kapri ba baku nanara sin dauki kamna, damiki nani, king nani bara wihta nani Juda tawanka nani ra Jerusalem yabal ra sin dauki kan ba baku. Blasi yang nani plun ailal bri katna, diara sut yamni kan yang nani ra pât balras kan;

Inanka Nani 4:21

¡Edom nisanka nani, kiki bas; Us tasbaya ra man king aimakisma ba! ¡Dîa tahpla diaia ba man ra sin balbia, bara man bla taki kwala luha takma!

Isikiel 16:15

‘Kuna pramna ra baman kasak lukram, bara kulkankam ra luki, yabal mairka takatma; wînam tara ba ya ya bal lui nani ba ra yabi kapram.

Isikiel 16:30

Yang, Dawan ba, naku wisni: ¡Dîa sikniska kupiam ba bri kan, ur lâka, diara yamni kaikaia apia dukia ban daukram kaia!

Isikiel 20:32

Man nani lamla ra diman, nisan wala nani tasba ra ba baku kaia, dus ra bara walpa ra mayuni ba, kuna baku kabia apia.

Isikiel 21:10

Mala daukan sa, ikaia dukiara, lipni daukan sa ingnika ba biulwaia dukiara;

Oseas 10:5

Sameria uplika nani tatatwisa; Bet-avén ra ai bîpka lupia bri ba tiwuya ba dukiara inisa. Upla nani ba, prîs nani ba bîpka lupia ba pura mata inisa, ai prana ba lap tiwan bamna.

Oseas 2:12

Wainka nasla bara kwah damni dusa nani bri ba sut sauhki tikamna. Baha nani dukiara sika aisisata ba: ‘Naha ni sika laitwankira nani maina aibapan ba.’ Nasla ba yarka inma man pâwbia, bara daiwan wail nani man pibia.

Oseas 4:12

Upliki nani ba dus gâdka nani ra ai pura sunisa; ai mihta ra dus nani bri ba dusa ni, ai gâdka wal aisaia lan takisa. Ur takaia brinka ba mita taibi brisa, mistik takan nani ba yabalka ra upliki nani ba wapisa: tâski taki, Gâd lama wina taki wan.

Oseas 5:4

Witin nani lika ai daukanka saura nani ba mita, kli Gâd ra balaia luki ba alki takaskisa. Ur takaia brinka ba mita taibi brisa; Dawan ba sip kakaira takras.

Oseas 5:7

Witin nani lika Dawan mapara saura pali daukan, witin nani waitna wala luhpia nani baiki brisa. Witin nani saura pali daukan ba tâka mita, kati kumi bilka ra, ai tasbaya ba sut sauhkan kabia.

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Emus 4:5

Plawar ba sin îs mangkras brit dauki, Dawan ra tingki wiaia prisantka dauki bas; upla sut ra wih, aisi maisa paks, witin nani ai prisantka nani, ai kupia lâka yabaia ba dukiara, kan man nani baku dauki kaia lihkisma bamna.” Dawan baku kasak aisisa.

Emus 6:13

Man nani diara bahki kum daukram, bara mamyuni liliam taki wisma: “Yang nani karniki tara brisna ba mita pura lui karnika alkisna.”

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Jems 4:16

Sakuna man nani uya mamyuni aisisma; bara naha pura luaia lukanka na sika saura.

Jems 5:1

¡Yuyakira nani, naha na wals! ¡Man nani ini bas, bîlam baikra sin tara wins, trabil saura nani man nani wahwaisma bamna!