6 Ai lukanka ba marikras, diara danh ba natka ra lapta daukisa, kubus kum muki swin aswi ba baku; brit âiangkra ba, tihmia aiska yapisa, sakuna titan kat kubus ra pauta ba ban buki klauhisa.
man bui witin nani ba pauta klauhi kubuska ra lulkma, witin nani ai lâka daukaia param takma ba ra. Dawan ai lawanka tara ni, pauta klauhi bara witin nani ba angki tikbia.
Witin nani sut ba ai maya lâka krakrikra atia: brit angkaika kubuska baku sa, pauta muki swin ba ra, pauta mamukra ba, krauhni puskaia bîla kaiki ba baku sa.
Âu, witin nani sut kubus baku aswi banhwisa, ai wihtka tara nani ba langkan. Ai kingka nani ba sut kauhan, bara upla kumi sin âpu sa, yang ra ai pura suni ba.
¡Nahki saura kabia baha nani, tihmia aiska ai krikrika ra prawi, nahki saura daukaia ba dukiara baman luki kaiki ba, bara titan yu baiwan wal saurka ba mahka daukuya, witin nani karnika ai mihta ra bri bamna!