Oseas 6:7 - DAWAN BÎLA AISKA

⁷ “Sakuna yang upliki nani, Adam wal baku sa, lâika witin nani wal daukri ba krikan, bara maipara saura pali daukan.

Oseas 6:7 ပူးပေါင်းရင်းမြစ်များ

Blasi Sturka 3:11

Bara Gâd bui witin ra win: —¿Ya mamrikan man ba susu sma ba? ¿Yang bui man ra adar maikri baha dusa wina pima apia, dîa baha wina piram ki?

Blasi Sturka 3:6

Bara mairin baha walan ba ra, dusa ba kaikan, dusa mâ ba piaia painkira kan. Witin ai nakra nani ra sin pain kan, bara dusa ba sin mahka pin dauki kan, sinskira takaia dukiara. Bara mâ ba wina brin, bara pin. Baha ningkara ai maya ra sin yan, bara witin sin wal baku brih pin.

2 King Nani 17:15

Bara witin nani ai lâka nani ba lulki swin, bara sin ai damika nani wal lâ aisi daukan kan ba sut krikan, baha tânka bribia dukiara kaina wina ulbi swin kan ba witin nani dukiara. Bara baku gâd bahki nani ba nina blikan, bara witin nani ba sin bahki baman takan. Baha purkara sin, nisan sât wala nani witin nani ai lamara iwi nani kan ba ninara wan, baha pali dukiara sika Dawan mita pat win kan daukbiara naha uplika nani dauki ba.

Job 31:33

Upla wala nani dauki ba baku daukras katni, swakwanki nani ba yukukras katni, bara sin yukuki sin ban bri kan ai daukras kan.

Aiseya 24:16

Tasba tâ wala wina aiwananka nani yawan walan: “¡Kasakkira ba mayunra kabia!” Bara yang wîri: ¡Ay, dîa kan uba umpira uba umpira sa! Upla kuninkira nani ba kunin lâka ra ai uplika ra atkisa.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Jirimaya 3:7

Yang kupi ra luki kapri witin nani baku daukbia ba ningkara, kli tawi yang ra balbia; sakuna witin nani tawi balras. Muihnika mairin Juda, rugkira takan ba baha daukan ba kaiki kan;

Jirimaya 31:32

naha lâka blasi damikam nani wal lâ daukri kata ba baku apia, yang bui witin nani mihta wina alki Idsip wina sakri, kan witin nani bui yang lâika kulkras kan, yang pali witin nani Dawanka sna. Yang, Dawan, kasak aisisna.

Jirimaya 34:18

Wihta nani Juda ra, Jerusalem ra, witin watla ra nani ra dukia dadaukra nani, prîs nani ba tawan uplika nani sin yang ra bal aisi lâ kum daukan: bîp wainhka kum iki lilak baiki yabal tnaya bani ra wîna ba swin, bara baha lilak wapi lui witin nani lâ daukan. Sakuna witin nani lâ daukan ba pramis takan ba naika sut krikan.

Jirimaya 5:11

¡Israel Juda wal yang maipara buan! Yang, Dawan, kasak aisisna.”

Oseas 5:7

Witin nani lika Dawan mapara saura pali daukan, witin nani waitna wala luhpia nani baiki brisa. Witin nani saura pali daukan ba tâka mita, kati kumi bilka ra, ai tasbaya ba sut sauhkan kabia.

Oseas 8:1

“Trumpitkam ba puhs, aihwawakra aihwaki kaiki ba baku Dawan uplika nani ba walbia. Kan witin nani wal lâika daukri lâka ba krikan, bara yang smalkanki nani ba mapara buan.

Roman 5:14

Ban sakuna, Adam piua ba wina Moses piua kat, prura ba saura dauki uplika nani purara karnika bri kan, sakuna ai saurka ba Adam mita Gâd bîla lulkan ba sâtka lika apia; bamna Adam lika baha uplika balaia kan ba lilka kata.

Kli Smalkanka 31:20

Yang mita baha tasbaya tialka laya bara nasma wal lî aubi baku ai damika nani ra yabaia wîri ba ra yarka dimbia piua ra, witin nani plun pih aibanhbia, bara batanbia, bara gâd wala nani ninara wih mayunbia, bara yang ra bahki ai kulkbia, bara yang lâika ba wina dakwi takbia.

Hibru Nani 8:9

Witin nani damika nani wal lâ daukri ba baku kabia apia, witinka nani mihta alki, Idsip tasbaya wina brih sakri yua ba. Witin nani wal lâ daukri ba kat kulki banhras kan, bara ba mita witin nani ba lulki swiri, Dawan baku wisa.