Oseas 5:9 - DAWAN BÎLA AISKA

⁹ Yang bui Israel kiamka tilara maisa pakisna baha diara nani bal takaia ba, kasak pali baku takbia: klala yamna yua ra, Efraín ba âpu daukan kabia.

Oseas 5:9 ပူးပေါင်းရင်းမြစ်များ

Job 12:14

Gâd mita sauhki tikan ba upla âpu sa baha kli paskaia, ani uplika ra Gâd mita durka prakan ba upla wala âpu sa durka ba kwâkaia.

Aiseya 37:3

witin ra wiaia: “Ezequías naku aisin: ‘Naiwa yua sari tara yua sa, lawi wan dauki Gâd mapara saura aisin yua; mairin kum luhpa baikaia piua aimakan, sakuna aisubi sakaia karnika âpu ba baku.

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Aiseya 48:3

Patitara wina, diara luan nani dukia ba pat mai wîri; yang pali mita sika baha nani ba man kaikaia aisari. Tit bûi daukri bara baku dukia nani ba pain takan.

Aiseya 48:5

pat mai wîri kan piua nani luan ba wina, kau baha bal takras kan ba ra pat maisam pakri kan. Bamna man nanara naku aisama apia dukiara: ‘Yang aidul warkka daukri, lilka nani karbi bara slilki daukri ba mita naha diara nani na blikan.’

Aiseya 7:16

Sakuna kau tukta ba ai tânka pain briras ba ra, baha kuntrika king wâl bri ba, sirang mai iki ba lulki swin kabia.

Oseas 5:12

Bamna yang Efraín mapara itikmuk baku takamna, Juda uplika nani mapara sin, yang yula saura baku takamna.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Oseas 7:12

Sakuna witin nani bahara wabia ba ra, yang sin witin nani purara iliski lulkamni; piawira nani alki baku, alki pâsa wina batakamna, witin nani watawi daukan ba tâka, baku alkamna.

Oseas 8:8

¡Israel ba nisan wala mita aiska langkan! Baha nani mita witin nani ra diara kum bahki kulkisa,

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Emus 3:7

Dawan ba diara kumi sin daukras sa, witin ai prapitka ra param sakras sa kaka.

Emus 7:17

Man baku wisma bamna, Dawan naku man ra aisisa: ‘Man mayam ba tawan yabalka bilara wapi ur taki tauki kabia, luhpiam nani ba aiklabaia sordka ni ikan kabia, tasbayam na sin idan nani bal ai tasbaya kulki bribia, man wînam tara sin upla wala nani tâski kulkan nani ba tasbaya ra pruma, bara Israel luhpia nani ai tasbaya ba wina laihura priski brih wan kabia.’

Emus 7:9

Dawan ra mayunaia watla Aisak dukia nani ba sut slingban kabia, bara Israel tempelka nani ba sin sauhki tikan kabia. ¡Jeroboam taika nani mapara war aiklabaia sordka ba bukamna!

Miqueas 6:13

Baha saurka nani daukisma ba mita, yang klala maikaisna; sauhki mai tiki diara âpu mai daukaisna.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Jan 16:4

Naha diara na mai wisna, bara baku mika baha piua ba balbia ba ra, kupiam krauki kama baha dukiara yang pat mai wîri sa. “Tâ pali wina naha diara na mai wiras kapri, kan yang lika man nani wal katna.