Oseas 4:9 - DAWAN BÎLA AISKA

⁹ Bahamna upliki nani ba, prîs nani ba sut kumi ra baku, klala yabamna, witin nani ai daukanka saura ba mita.

Oseas 4:9 ပူးပေါင်းရင်းမြစ်များ

Sins Lâka 11:31

Kasakkira ba naha tasba ra ai mana bribia kaka, ¡nahki kau aitani sa rugkira nani bara saura dadaukra nani ra!

Sins Lâka 12:14

Waitna ba ai bîla wina yamni aisin mâ nani ba kriki brisa, bara sin dîa dauki ba kat ai mana brin kabia.

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Aiseya 24:2

Bara baku takbia upla sut ra, prîs ra taki ba baku, tawan uplika ra sin, alba nani ra, dawanka ra sin, alba mairin ra, ai dawanka mairin ra sin, diara lin muni ba, diara lin taki bri ba ra sin, diara atki brih bara kli bri si atki ba ra sin, tras dimi ba ra, tras yabi ba ra sin.

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Isikiel 44:10

Libait nani, yang wina laihura taki wan ba, Israel yabal wala ra taki wan bara ai lulki ai swin aidul ra mayunaia dukiara, aibapaia kabia ai saurka tâwan.

Isikiel 44:12

Witin nani Israel luhpia nani dukia dauki kata aidul ra mayunra daukaia, bara baku yan saura daukaia. Bahamna, ai saurka mana aibapbia. Yang, Dawan, kasak aisisna.

Oseas 1:4

Bara Dawan bui Oseas ra win: “Luhpia waitna baikan ba nina Jezreel mâks, yang tisku pali king Jehú kiamka nani sut klala yabamna, witin Jezreel ra wih upla nani iki tikan bamna, bara Israel kingka lâka ba kat takaskamna.

Oseas 10:10

Yang klala yabamna naha tawanka ra, ansa piua ra yang want sna ba ra. Witin mapara nisan nani asla takaisa, ansa piua ra, yang klala yabamna ai saurka tara mata.

Oseas 12:2

Dawan bui Israel ra blahwanka kum ra dingkan sa. Jekob kiamka ba klala yabaisa, witin nani ai lâka bri ba tâwan; witin dîa daukan ba kat mana aibapaisa.

Oseas 12:3

Jekob, witin kau aisubi takras kan ba ra, ai muihni kan dakbi pat mina ra alkan, waitna almuk takan ba ra, Gâd wal aitwaki kan.

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:15

Dawan aisisa: “Witin nani Guilgal ra wan ba wina mahka saura nani sut ba daukisa, bara baha wina, yang bui witin nani ra misbara kaikisna. Diara watawi nani witin nani dauki ba tâwan yang waitla bîla wina kangbi sakaisna; ban latwan kaiki kamna apia, kan wihta nani ba sut maipara babura nani taki ba mita.

Oseas 9:9

Man nani aisawan pali takram, Guibeá yua nani ra takan kan ba baku. Sakuna witin nani watawi daukan ba dukiara Dawan lukbia, bara saurka nani mana klala yabia.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.