Oseas 2:16 - DAWAN BÎLA AISKA

¹⁶ Baha yua ra ‘Yang Baalki’ ai wiaia watlika ra, man ‘Yang mayi ai wima.’ Yang Dawan, baha kasak aisisna.

Oseas 2:16 ပူးပေါင်းရင်းမြစ်များ

Blasi Sturka 34:3

Sakuna witin baha daukan ba ningkara, Dina ra latwan pali kaikan. Bara swiaia apia lukan, bamna kasak maisa nihkan kupia alkaia.

Aiseya 40:2

man nani Jerusalem ra ba latwan kaiki aisas, witin ra wis alba kaia piua kan ba pat luan, ai saurka nani pâtka mana ba pat aibapan, ai saurka nani ba tâwan yang mihti wina klala pat aima wâl brin.”

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Jirimaya 3:14

Dawan kasak aisisa: “Maipara babura kiamka nani kli tawi bal, yang sika man nani Dawankam. Tawan kumi bani wina upla kum brimna, kiamkam kumi bani wina sin upla wâl, bara baha nani ba kli Saion ra blikamna.

Isikiel 20:35

Witin nani ba upla iwras tasbaya ra upla nani bâra brih wamni, bara kumi bani mawan kat lâka daukaia winamni, aisika nani ra Idsip tasbaya ra upla iwras tasbaya ra winri ba baku. Yang, Dawan, kasak aisisna.

Oseas 2:7

Ai waitnika latwankira nani nina blîkbia, sakuna sip bliki alkbia apia; plikbia, sakuna sip pliki sâkbia apia. Bara witin aisabia: ‘Mayi almuk ra kli tawi wamni, witin wal kapri, kau pain ai bri kan.’

Jan 3:29

Marit lâka kum ra, marit taki mairka ba sika marit waitna maya mairin; bara marit taki waitnika pânika bâra ba, witin aisanka nani wali bara lilia manis takisa.

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

Param Marikanka 19:7

Yawan liliakira kap, wan kupia lilia ni aibanhwi, yawan bui witin ra prana yap, Sîp Luhpia marit takaia piua ba aimakan sa bamna, ai maya mairin ba sin ridi takan sa:

Wihta Nani 19:3

Libait ba ai kupia ra lukan ai mairka ba mata ninara waia, wal aisi maisa nihki kli ai watla ra bri balaia. Bara ai albika waitna kum, biriku wâl sin ridi daukan bara ninara wan, bara mairin ba witin ra yamni brin ai aisika watla ra.

Rut 2:13

Bara mairin ba pana aisin: —Wihtki, man yamni pali ai wisma, bara aisinkam nani ba kasak maisi nihkra nani sa. Man sin bîla yamni ni yang ra aisaram, yang lika man warkkam tatakra mairin kulkanka pan briras sna sakuna.