Oseas 2:13 - DAWAN BÎLA AISKA

¹³ Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Oseas 2:13 ပူးပေါင်းရင်းမြစ်များ

2 King Nani 1:2

Bara Ocozías ba king watla kum Sameria ra kan ba windarka pura pali ba wina kauhan, bara latwan pali brin. Bara sturi twatwilkra nani bliki win, Ecrón gâdka Baal-zebub ra tânka pliki kaikbia, naha sikniska na wina witin rawbia sapa.

2 King Nani 10:28

Baku sika Israel ra Baal kata ba Jehú bui âpu daukan.

2 King Nani 21:3

idan nani gâdka bahki watla nani ai aisika Ezequías mita sauhki tikan kata ba kli paskan; Baal altarka kata ba paskan, Aserá lilka sin kli daukan, Israel kingka Ahab daukan kata ba baku; baha sut purkara slilma nani kasbrika purara nani ra ba ra mayuni prias daukan.

Job 8:13

Saurakira nani ba sin baha baku takisa, Gâd ra ai âuya tiki nani ba, bîla kaikanka nani bri ba sut saura baman takisa.

Lawana Nani 106:13

Sakuna pat pali Gâd lika dîa daukan ba ai âuya tikan, bara ai warkka daukaia kata ba bîla kaikras kan.

Lawana Nani 106:21

Witin nani, Gâd sasakra ra ai âuya tikan, Idsip ra diara tara nani daukata ba;

Lawana Nani 78:11

Man dîa daukram dukia nani kata sut ai âuya tikan, diara aihkakira nani daukram kaikata nani.

Impakan Sturka 32:34

Bamna nanara, man mahka was, uplika nani ba baha pliska brih waia mai wisatna ba ra brih was. Yang insalki tâm bri wabia. Klala yabaia yua ba balbia ba ra, witin nani saura daukan ba mana yang klala yabamna.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Aiseya 65:7

Witin nani lâ krikanka nani daukan ba aisika nani sin daukan ba baku. Kîa pain angki kan il nani purara, kiuhsi nani purara swiri dauki kan. Witin nani dîa daukan ba pas kulki kaikamna, witin nani dîa briaia aitani ba yabamna.” Baha Dawan aisin.

Jirimaya 11:13

Juda gâd nani ailal pali brisa tawan nani ailal bri ba baku, Jerusalem ra iwi uplika nani ba sin kîa pain angki Baal ra yabaia altar nani ailal paskan sa tawan ra yabal ailal ba baku.

Jirimaya 18:15

Sakuna upliki nani ai âuya ai tikan, kunin gâdka nani ra diara kîa pain angki yabisa. Patitara yabalka almuk ra, aimawahkan, witin kakaira apia ba yabalka nani ra ban auya.

Jirimaya 2:32

¿Mairin kum ba ai prana dauki aiskahki dukia nani ba, marit takan prâka skahkan ba âuya tiwbia ki? Ban sakuna, yang upliki nani lika piua wihka pat ai âuya ai tikan sa.

Jirimaya 23:2

Dawan, Israel Gâdka ba, sepad nani dahra aisisa, witin nani ai uplika nani wihtka tara nani aimaki ba: “Man nani mita sîpki nani ba aihka aihka yakabram, main kaikras munram sut plapan. Bamna aitani pali sa yang bui man nani ra klala maikaia daukankam saura nani ba tâwan. Yang, Dawan, kasak aisisna.

Jirimaya 7:34

Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Inanka Nani 1:4

¡Nahki sari pali sa, Saion ra waia yabalka nani ba! ¡Upla kumi sin âpu sa liliaka nani ra balaia! Tawan getka nani sut ba bîla baman swin sa, prîs nani ba inisa, tiara nani ba sari takisa, bara Jerusalem pât wahwanka ba tahpla pali sa.

Inanka Nani 5:14

Nanara almuk nani âpu sa tawan tara getka nani ra; bara wahma nani sin aiwani kata ba mahka swin.

Isikiel 16:12

Kakmam lula maikatna, kiama lula, bara lamla kraunka pranakira ba sin.

Isikiel 16:17

Gul ni bara silbar ni paskan dukia nani prisant maikatna ba briram, baha ni waitna lilka nani paskram baha nani brih ur takaia lâka daukaia;

Isikiel 22:12

Uplikam nani kum kum ai wîna atkisa ai walka ra ikaia dukiara. Upla ra lalah yabisa implikbia dukiara, taiban lâka bara saura munaia lâka daukisa ai uplika ra, bara ai âuya ai tikisa. Yang, Dawan, kasak aisisna.

Isikiel 23:35

“Baha mita, yang Dawan sna ba, naku wisni: Man bui yang ra âmya ai tikram bara ninam ba yang ra lakram, bamna klala pât nani ba wahwaia sma uba pri kaia bara ur takaia lâka briram ba mita.”

Oseas 11:2

Sakuna yang bui witin ra kau ban wini kapri ba ra, witin ba yang wina kau laihura wan. Yang upliki nani ba gâd bahki nani ra sakripais dauki yabi kan, aidul nani ra dus taya kîa yamni angki yaban.

Oseas 13:1

Efraín uplika nani sturi aisi ba ra, Israel masraka wala nani ba mita kulkanka yabi ba tânka mariki kan; sakuna Efraín pruan witin pâtkira takan kan Baal ra mayunan tâka.

Oseas 13:6

“Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Oseas 2:5

Man yaptikam ba, rug lâka daukan; ai kulkanka ba tikan naha aisin ba ra: “Waitniki laitwankira nani ba pliki wamni, witin nani wina plun, lî aikisa, sîp taya kwalka, linin sin, batana laya, diranki nani sin aikisa.”

Oseas 2:7

Ai waitnika latwankira nani nina blîkbia, sakuna sip bliki alkbia apia; plikbia, sakuna sip pliki sâkbia apia. Bara witin aisabia: ‘Mayi almuk ra kli tawi wamni, witin wal kapri, kau pain ai bri kan.’

Oseas 4:13

Il nani bahna ra, il sirpi nani purara witin nani kîa yamni angki sakripais prisant nani yabisa, usupum dusa nani, usupum sâtka dusa nani distika ra sin wih, baku daukisa. Baha mita sika luhpiam mairin nani, rug mairin takan ba, mulam yapti nani sin, ai maya lâka kriki ba.

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Oseas 8:14

Israel utla tara nani mâkisa, sakuna ai Papaskra ba ai âuya tikisa. Juda tawan tara karnakira nani ailal paskisa, sakuna baha nani yang pauta klauhan kumi ra angkamna, watla tara nani ba sut ambia.”

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Kli Smalkanka 32:18

“Israel, aisikam bara kainam kakahbra ba âmya tikram; rayakam maikan Gâdka ra âmya tikram.

Kli Smalkanka 6:12

Baku kabia kra sin Dawan ra âmya tikpara, Idsip ra alba kapram wina mai sakan ba.

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.

Wihta Nani 3:7

Israel luhpia nani daukanka ba Dawan bui saura kaikan, witin nani Dawan ra ai âuya tiki si, Baal bara Astarté ra ai pura suni kan.

1 Samuil 12:9

Sakuna witin nani Dawan ai Gâdka ba ai âuya tikan, bara Dawan mita Sísara, suldiar nani wihtka tara mihta ra mangkan, Jabín ra bâra ba baku king Hasor mihta ra, filisteo nani karnika mihta ra, Moab kingka mihta ra sin mangkan, bara baha nani tawi damikam nani mapara aiklaban.