Oseas 14:9 - DAWAN BÎLA AISKA

⁹ Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

Oseas 14:9 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Job 17:9

Bara aisisa witin nani ba upla kasakkira sa, bara ai mihta nani ba tâski âpu sa.

Lawana Nani 107:43

Ani uplika sins bri ba, naha wal ai dara wali kaia sa bara Dawan latwanka lâka ba tânka briaia.

Lawana Nani 119:128

Baha mita tâi briram man lâmka nani bâk, bara misbara kaikisni kunin daukanka nani ba.

Lawana Nani 119:75

Dawan, yang kaikisni, baha lâ nani man aisi daukram ba kasakka lâka sa, bara kasak sa, yang sari brisna ba ra.

Lawana Nani 84:5

¡Lilia pali sa, baha nani man ra ai hilpka bri ba, brin dauki banhwisa, impakaia man ilkam ba kat waia!

Lawana Nani 84:7

karnika kau tara daukan kabia, bara Saion ra lika Gâd karnika tara bri ba kaikbia.

Sins Lâka 10:29

Dawan ba kan kahbisa yamni dauki uplika nani ra, sakuna sauhki tikisa ya saura dauki nani ra.

Sins Lâka 16:21

Ya sins lâka ra luki kaiki ba, baha ba sinskira nina mâkisa, kupia yamni bîla aisanka ba, kau pain kasak lukaia wankisa.

Sins Lâka 4:18

Upla kasakkira nani yabalka bîla ba, yu wala ingnika baku sa: baha kau ban kanra ingwisa, yu aihwa ulan ba wal.

Aiseya 1:28

sakuna mapara babura nani saurakira nani lika kriki yuya lupia baku daukamna, ai briras ai swin nani ba lika prui tiwbia.

Aiseya 17:8

Bara altar nani paskan ba ra kli tawi kaikbia apia, diara wala nani upla ai mihta ni paskan dus plamaya holikira nani ba ra sin kaikbia apia, baha altarka nani ra kîa yamni angki gâd nani ra yabi ba ra sin kaikbia apia.

Aiseya 26:7

Man Dawan sika, yabal nani ba wapni mangkisma ba, kasakkira nani yabalka ba wapni pali sa.

Jirimaya 29:12

Baha daukamna bara man nani bui yang ra winma, puram sunra yang ra wabia bara yang bui man nani ra walamna.

Jirimaya 9:12

¿Ya ba ban aitani sinskira pali sa baha tânka briaia? ¿Yaura Dawan baha tânka nani ba briaia marikan, bara witin tawi upla wala ra baha tânka wiaia? ¿Dîa muni kuntrika ba diara slingwan baku ba, lâwan upla iwras tasbaya baku ba, bahak sin upla impakras ba?

Isikiel 11:18

Witin nani kli tawi balbia ningkara, ai kuntrika ra diara saura nani dauki ba sut âpu daukbia, diara yamni apia nani witin ra ba sin.

Isikiel 18:25

Man nani wima yang ba kasak lâka kat diara daukras sna; sakuna Israel uplika, wals, ¿man nani lukisma yang kasakka lâka daukras? ¿Baha ba kir lakisma, man nani saura dauki ba?

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Daniel 12:10

Upla ailal lika pât saura wahwaia aisin ba bâk luaia sa, bara baha wina klin bara kasak aihwakira kulkan kabia. Watawikira nani ba lika ban saura nani dauki kabia, dîa taki ba dukiara tânka sin briras kabia, sakuna upla sinskira nani ba lika diara sut tânka ba bri kabia.

Sofonías 3:5

Sakuna Dawan baha tawanka tara bilara sa; witin yamni baman daukisa, saura lika apia. Titan bani ai piua kat ai lâka ba bapisa, ban sakuna, saura dauki nani ba ai swira lâka ba tânka sin briras.

Sakaraya 10:6

Dawan naku aisisa: “Juda kiamka nani ra karnika yabamna, bara Josep kiamka nani ba swaki sakamna. Witin ai kuntrika ra waia tapahkamna, kan witin nani ra luki kupi swapni takisa. Yang bui witin nani ra lulki swiras kapri kan baku lukbia, kan yang sika witin nani ai Dawan Gâdka sna, witin nani maikabi ba yabisna.

Matiu 11:19

Baha ningkara, Upla Luhpia Waitna ba balan, witin plun pîsa diara sin dîsa, bara witin nani aisisa bîla maihsira bara diara dadira, Rom ra yaia lal mana wawahbra nani kulkanka saura bri uplika nani ba pânika. Sakuna Gâdka sinska lâka ba ai daukanka nani bâk latan marikisa.”

Luk 2:34

Simian witin nani ra yamni munan, Jisas yaptika Meri ra naku wisata: —Kaiks, naha tukta lupia na mangkan sa, Israel luhpia nani uya kauhbia, bara kli bubia ba dukiara sin. Witin na upla uya bahki kulkaia sainka kum kabia,

Luk 7:23

¡Bamna yamni pali sa, baha nani yang ra ai mina pruki kauhras ba!

Jan 15:24

Naha tasba uplika nani ba pâtkas kaia kan, upla wala nani mita sip daukras dukia nani ba witin nani tilara daukras katna kaka; sakuna naha diara sut pali kaiki banhwan sakuna, ban misbara ai kaikisa bara Aisiki ra sin misbara kaikisa.

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 8:47

Ya Gâd wina sa kaka, Gâd bîla nani ba aman walisa; sakuna man nani na Gâd wina apia sma ba mita, walaia want apia sma.

Jan 9:39

Ningkara, Jisas bila: —Yang balri naha tasba ra lâ daukaia dukiara, blain nani ba diara pain brih kaikbia, bara diara pain kaiki nani ba blain takbia dukiara.

Apastil Nani Sturka 13:10

naku win: —Man kuninkira, saurakira, dibil luhpia, diara pain nani sut wailhka sma ba. ¿Dîa kan man Dawan yabalka wapni nani ba warbi lakaia munisma?

Roman 7:12

Baku bamna, lâ ba lika holi sa, bara lâ bîla ba sin holi sa, bara kasak pain sa.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Param Marikanka 15:3

Baha witin nani Gâd dukia dadaukra, Moses lawana aiwani nani kan, Sîp Luhpia lawana ba sin. Bara baha lika naku kata: “Dawan Gâd, karnika sut brisma ba, diara aihkakira daukram ba sut tara bara painkira pali sa. Nisan nani Kingka, yabalkam nani ba wapni bara kasakkira pali baman sa.