Oseas 14:8 - DAWAN BÎLA AISKA

⁸ Baha yua ra Efraín aisabia: ‘¿Aidul nani ba dukiara, yang dîa lukamna?’ ¡Yang sika upliki ra wali ban kaiki kamna! Piu bani awas dusa baku sangni ban kamna, bara upliki nani ba, yang wina mâ nani wahbi kabia.”

Oseas 14:8 ပူးပေါင်းရင်းမြစ်များ

Job 33:27

Bara wibia: “Saura yâri, tanis lâka nani ba daukri, sakuna Gâd klala aikaia brin daukras kan.

Job 34:32

Ai mairiks anira sa swakwanki ba, yang mita sip kaikras sna ba, yang saura daukri sa kaka, kli baku daukamna apia?

Aiseya 41:19

Upla iwras tasbaya ra yalam nani mangkamna, tangni dusa nani bara oliv nani sin pâwbia; tasba lâwan ra yabrika awas sâtka dusa nani mangkamni, dus nani bara awas nani sin aikuki asla pâwbia,

Aiseya 55:13

Kiaya nani tasbaya ra awas nani pâwbia, tangni kiaikira watlika ra tangni kîa painkira pâwbia; bara nina kum kabia Dawan ra, ban kaia sainka kum dukiara, ban kaia ra klaki sakan kabia apia.”

Aiseya 60:13

Dawan ba Jerusalem ra aisisa: “Líbano ra prana ba man ra balbia, awas pauni nani, awas dusa bara saiprus dusa nani ba sut, yang tempelki bilara prana daukaia dukiara, bara yang mini taibaika watla bilara yamni kulkamni. Baku Dawan Jerusalem ra aisisa.

Isikiel 17:23

Israel ilka kau tara ba purara. Tnawa takbia, ai mâ sâkbia, bara yalam pranakira takbia. Daiwan sât sât nani baha munhtara raya kabia, piawira sât sât ai watla mâkbia baha tnawa distika ra.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Luk 15:20

Bamna witin mahka yabal ra aimaki wapan ai aisika watla mata. “Sakuna witin kau laihura kan ba ra, ai aisika mita latwan pali kaikan, bamna mapara plapi wih, ai klahkla ilingki, kiawali, witin ba brin.

Jan 1:16

Yang nani sut witin ai yuyaka tara nani ba wina, yamnika sât sât nani bri banhri sa.

Epesus 5:9

kan ingni ba latwan lâka brih aula, kasakka lâka bara rayaka wapni briaia lâka sin.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Pilipai 2:13

kan Gâd mita sika man nani ra brinka yamni nani ba maikisa, bara baku kat daukaia sin hilpka maikisa, ai kupia lâka yamni ba kat.

Pilipai 4:13

Diara sut mapara karnika brisni, Kraist mita karnika aiki ba mita.

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.