Oseas 14:5 - DAWAN BÎLA AISKA

⁵ Israel purara diwas laya baku takaisna, witin ai tangnika nani sâkbia, tangni pihni nani baiwi baku. Wakia nani ba karna pâwbia, Líbano ilka ra dus nani ba baku;

Oseas 14:5 ပူးပေါင်းရင်းမြစ်များ

2 Samuil 23:4

lalma kahbi ingnika baku kabia, titan kum ra kasbrika âpu yu ingnika taki ba baku sin, lî auhi luan ningkara inta wahia nani pâwi ba baku.”

2 King Nani 19:30

Bara ya nani pruras swakwan nani ba, Juda ra inta wahia baku pâwi kabia, ai wakia nani sâkbia bara ai mâ ailal sin sâkbia.

Job 29:19

Yang na dus kumi tingni un ra mangkan ba baku sna, ai tnawa nani ba tihmia piua ra diwas laya mita buskisa.

Lawana Nani 133:3

Hermón ilka diwaska laya ba baku sa, Saion ilka nani purara kauhisa. Bahara sika, Dawan ai yamnika blikisa ai yamnika raya kaia lâka ban kaia ra ba.

Lawana Nani 72:16

Naha kuntrika ra plawar mâ ailal bâra kabia, ¡il bahna nani ba sut plun pali man kabia! Pata mâ nani ba, Líbano ra dus nani pâwi baku kabia; plawar kura ailal inma nani tasba ra pâwi ba baku kabia.

Lawana Nani 72:6

Lî auhi bara diwas laya iwi tasba, twi lâwan ra buski ba baku kabia.

Lawana Nani 80:9

Baha mangkaia tasbaya ba klin daukram, bara wain kiwka ba ai wakia nani sakata bara kuntri aiska ba banhki daukan.

Lawana Nani 92:12

Upla kasakkira ba lika, kûku dusa tangnika baiwi ba baku kabia, bara Líbano yalamka dusa pâwi ba baku sin.

Lawana Nani 92:13

Baha nani Dawan tempelka ra mangkan kabia; tempel bilara kutbanka painkira ra, Gâd bui yan pâwi ba baku.

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Yamni Kulki Lawana 2:16

Laitwankira waitna ba, yang duki sa bara yang sin witin ai dukia sna. Tangni painkira paura nani tilara, witin ai sîpka daknika ba dakakisa.

Yamni Kulki Lawana 4:5

Man tialkam nani ba, snapuka luhpia wâl baku sa, snapuka luhpia sutki baku sa, tangni nani lilara twi pi ba.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 18:4

Dawan bui ai win: “Pliski ba wina trabil âpu kira kaiki kamna sin, mani piua ra lapta ingni pali taki baku, diwas laya kasbrika bitni pali piua ra buski ba baku, sâp kamna.

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Aiseya 27:6

Yua nani balbia, Jekob ai wakia nani bribia, tangnika baiwbia Israel slaunhka urhwi takbia, bara tasba mawan âpu mâ nani ni banhbia.

Aiseya 35:2

Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 44:3

kan upla iwras tasbaya ra yarka lî plapbia, awala nani daukamni, tasba lâwan diara pâwras pliska nani ra. Kiamkam nani purara, yang rayaka raya yabamni, bara yang yamniki nani blikamni.

Aiseya 45:8

“Yang pura luaia karnika ba blikamna, diwas laya baku kasbrika pura ba wina, bara lî auhbia kasbrika nani ba wina bara tasba ba bribia; mâ baku bal takbia swak takan lâka ba bara ai tnaya ra urhwi takbia kasakka lâka ba.”

Aiseya 57:18

Ai yabalka nani ba yang kaikri; sakuna witin ba rakamni, bara ris sin yabamna bara aiska ai âuyapah kaia, witin ra maisa nihkra yabamni, ai uplika nani sari bri nani ba ra maisa nihkamni.

Aiseya 57:19

Bara baha upla sut ra wimni: ‘Kupi kumi lâka laihura nani ba ra, laimara nani ba sut ra sin kupia kumi lâka. ¡Bara yang upliki nani ra rakamni!’

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Oseas 6:3

¡Yawan karna wapi kap, Dawan kakaira takaia! Dawan yawan ra balbia, kasak pali titan yu baiwi uli baku, kasak pali lî auhi tasba buski ba baku mani lapta luan, lî auhaia piua ra baku aula.

Miqueas 5:7

Jekob uplika nani baha aiklabanka nani tilara, pruras kau raya swin nani kabia ba lika, sim diwas laya bara lî tasba purara buski ba baku kabia, waitna lukanka wina lika apia sa.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Matiu 6:28

“¿Bara man nani kwala dukiara dîa muni uya lukisma ki? Tangni nani twi ra pâwi ba ra kaiks, witin nani wark takras bara sin kwala sipi dimras.

Luk 12:27

“Kaiks tangni nani ba nahki pâwi ba, witin nani wark takras bara ai prâka sin sipras, ban sakuna man nani ra mai wisna, king Salaman ai aiskahkaia dukia nani sut bri kan ba ni sip baha nani wal baku aiskahkras kata.

Epesus 3:17

kasak lukisma ba mita, Kraist man nani kupiam ra iwi kabia, bara baku mika man nani latwan lâka wakia nani purara karna taki tihu pali bapram kabia,

Kli Smalkanka 32:2

“Yang smalkanki ba lî baku auhbia, yang lukanki asla dauki aisamna ba diwas baku kabia, prata nani ra lî sikwan baku, lî tahwan baku twi purara.