Oseas 13:16 - DAWAN BÎLA AISKA

¹⁶ Sameria uplika nani, witin ai klalka ba bribia, ai Gâdka ba mapara buan bamna. Witin nani sord malika ra prubia, ai luhpia nani ba tasba ra lulki saban kabia bara mairin kwihra nani, biara ba klaki baikbia.

Oseas 13:16 ပူးပေါင်းရင်းမြစ်များ

2 King Nani 15:16

Bara Menahem mita Tífsah sauhkan bara diara nani bâra ai tasbaya ra kan ba aiska pali impliki âpu daukan, Tirsá wina tâ kriki, bara mairin kwihra nani ra sin biara baiki kalkan. Baku daukan witin nani bui tawan durka nani bukutbras kan ba tâwan.

2 King Nani 17:18

Bahamna Dawan ba ai kupia sauhkan Israel luhpia nani ba mapara bara ai mawan wina sakan, bara Juda kiamka nani baman yaban takaskan.

2 King Nani 17:5

ningkara kuntrika aiska kutbi brih ki, takaskras pali Sameria mapara mani yumhpa aiklaban.

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

2 King Nani 8:12

bara Hazael makabi walan: —¿Dîa kan man inisma, dawanki? Bara Ilaidsa pana win: —Kan yang kaikisni man mita Israel luhpia nani ra saura munaisma ba, kan kahbaika pliska nani ba sin pauta klauhira mukaisma, wahma nani ra sin sord ni iki tikaisma, tuktika nani lupia ba sin iki tikaisma, bara mairin kwihra nani ba sin ai biara nani ba wina kalki saki ikaisma.

Aiseya 13:16

Ai luhpia sirpi nani ba, witin nani ai mawan kat lulki saban kabia; ai watla nani ba bîla man swibia, bara witin nani ai maya ra saura munan kabia.

Aiseya 17:3

Efraín ai yukuwaika watla ba wina sakan kabia, Damaskus kingka tasbaya ba wina sin; Siria wina upla kau takaskuya ba sin; king tasbaya âpu kabia. Karnika sut bri Dawanka ba aisisa.

Aiseya 8:4

Tukta ba kau ‘papiki’, ‘mamiki’ aisaras ba ra, Damaskus, Sameria wal dukia kukanka nani sut ba, Asiria kingka mita dakbi brih wan kabia.”

Oseas 10:2

Israel ai lukanka wâl brisa, bara nanara saura daukan ba mana ba aibapaisa. Dawan bal ai altarka nani ba slingbi tikbia, bara ai gâdka bahki nani altarka walpaya nani paskan ba sin slingbi tikbia.

Oseas 11:6

Tawanka tara nani ba purara sord ba kauhbia, bara ai kan kahbaika pliska nani mâkan ba âpu daukbia, witin nani baku daukaia luki daukan ba mita, kli slingwi tiwbia.

Oseas 7:14

witin nani ai krikrika ra aitniki karna winisa sakuna, ai lukanka pali wina yang ra ai pura sunras. Witin nani plawar, wain briaia dukiara ai pura suni ba ra, ai lukanka ra insauhkisa; ¡sakuna witin nani, yang maipara buan!

Emus 1:13

Dawan naku aisisa: “Amón uplika nani saura ailal pali daukan; bamna yang bui witin ba sip klala yabras swimna apia, kan witin nani ai tasbaya piarkika ba kau kanra kitbi brih waia dukiara Galaad tawanka ra mairin kwihra nani bâra kan ba biara klaki baikan.

Emus 3:9

Asdod bara Idsip tasbaya nani ra, lâ watla tara nani bâra ba bilara upla nani ba ra, naha bîla dahra na aisas, witin nani walbia: “Man nani Sameria ilka nani ra uli bal kaiks, nahki bahara lâ kat apia, warha baman iwi ba kaiks, bara unsaban lâka nani bahara uba pali dauki ba, baha mita upla nani pât wahwi ba.”

Emus 9:1

Yang kaikri Dawan ba altar lamara bûi kan, bara witin bui yang ra ai wi kan: “Utla karnika alki playka ba kat pruks, bara dur nani ba bal kauhbia, ¡watla ba upla nani lal purara kriwi yakawbia! Bara ya bahara pruras swak takbia ba, sord ni ikamna, ban kra plapaia lukbia sin, kumi sin swak takbia apia.

Miqueas 1:4

Witin ai mina nani munhtara, il tara nani sut slilwan kabia, blas pauta lakni lamara slilwi lap tiwi ba baku; lî aubra tara nani mita klaki daukan baku, il bîla langnika nani ba, wâl ra kwâkan kabia.

Miqueas 6:16

Man nani king Omrí lâka nani kat, baku sin Ahab kiamka warkka saura nani lâka kat nina bliki saura daukram. Witin nani dîa daukan baku man sin daukram. Bahamna man nani ba upla sâtka sut nakra ra diara saura mai kaikaia mai daukamna, bara bahki mai kulki lamwaska kiki kabia; upliki nani swira lâka kaia ba sut, man nani puramra kauhbia.”

Nahum 3:10

Ban sakuna, baha karnika sut bri kan ba wal Tebas ba ban priski alki, alba takaia brih wan; tawan yabalka tara nani un ra ai luhpia nani ba, lulki sabi iki kan; tâ uplika tara nani kan ba yaura swiaia sapa kaikaia dukiara, ai tilara lat lulki kaikan, bara alki priski brih wan nani ba sut ra silak ra mangki swin.