Oseas 13:15 - DAWAN BÎLA AISKA

¹⁵ Ban kra Israel, twi baku tangnika baiwi kabia sin, lalma payaska ba krawbia, pâsa karna upla iwras tasbaya wina krawi, bara lâkbia laya kârma nani ba, laya aubi nani ba sin lâwbia. Waihla ba bal, mana tara dukia nani kuki bri ba, sut brih wabia.

Oseas 13:15 ပူးပေါင်းရင်းမြစ်များ

Blasi Sturka 41:23

bara mâ tilwan painkira ba ninara kli plawar mâ 7 wala pâwi takan. Sakuna mâ ba balan, mâ ba sin sirpi lupia kan, lalma payaska krawi ba mita sut lâkan kan.

Blasi Sturka 41:52

Ai luhpia waitna ningka ba nina Efraín mâkan, baha tânka win ba sika: “Yang pât nani uya wauhri ba tasbaya ra, Gâd bui yang ra luhpi nani aikan bamna.”

Blasi Sturka 41:6

Bara baha plawar ba ninara dusa wala 7 lalma payaska krawan ba mita angki lâkan ba bal takan.

Blasi Sturka 48:19

Sakuna ai aisika ba baku daukaia brin daukras kan, bara pana witin ra win: —Luhpi, yang pat kaikisni, almukka ba yang kaikisna. Manasés sin tara kulkan kabia bara nisan tara takbia. Ban sakuna, Efraín kau ai ningka ba kau tara pali kabia, witin ai kiamka ba wina nisan nani kau ailal takbia.

Blasi Sturka 49:22

“Josep lika, dus kum lî tingni lamara mangkan pâwi ba baku sa. Ai mâ nani sin ailal pali sakisa, ai tnawa nani ba sin giadin pura bâk baila wala ra luisa.

Job 18:16

Witin ba lika dus kumi ai wakia nani lâwan, ai tnawa nani sin srawan ba baku sa.

Lawana Nani 1:4

Upla watawi nani ba, baha baku apia sa; sakuna rais kapan taya nani pâsa mita yakabi ba baku sa.

Lawana Nani 109:13

Witin ai kiamka nani ba sin âpu daukbia, ai nina taitilka ba sin diki sakan kabia.

Aiseya 14:21

Luhpia nani ba ikaia ridi taks, ai aisika nani watawanka nani ba tâwan; witin nani kli bubiara, tasba na sin bribiara, tasba mawanka na sin tawan tara nani wal banhbiara.”

Aiseya 17:13

Sakuna Gâd mita witin nani ra lawi daukbia, bara witin nani laihura plapbia, munka plapbia, kapan taya nani pâsa ra pâli ba baku, pukpuka nani prari bri pâli ba baku sin.

Aiseya 27:8

Gâd uplika nani ra klala yaban tasbaya wina saki tasba wala ra blikan witin ai wingka puhbra ni sirang saura ikan, lalma pâsa karna krawi ba baku.

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Jirimaya 20:5

Naha tawanka ba sin waihla nani mihta ra swimna diara nani bri ba sut, diara mana tara nani dukia bâra ba, Juda kingka kukanka nani ba sin, baha sut Babilon ra brih waia.

Jirimaya 4:11

Baha yua aimakbia ba ra, naha uplika nani Jerusalem uplika nani ra wibia: “Upla iwras tasbaya wina pâsa lapta krawi yang upliki nani purara aula, plawar mâ taya puhbi sakaia payaska krawi ba baku apia;

Jirimaya 4:12

baha payaska yabrika balbia ba lika karna pali krawi kabia, plawar taya sakaia lika apia, nanara lâ nani ba yang bui witin nani mapara aisaisna.”

Jirimaya 51:1

Dawan aisisa: “Diara sasauhkra payaska kum blikaisna Babilon mapara, Caldea uplika nani mapara sin.

Jirimaya 51:36

Dawan aisisa: “Kasakka lâka ba yang dauki maikamni, waihlam nani ba ra pana munamna. Babilon ra awala nani bara lî kârma nani ba sut pali lâkamna.

Isikiel 17:10

Kli mangkbia sin slaunhka takbia apia; lalma payaska alkbia bara lâwbia; slaunhka takaia pliska ra lâwbia.’ ”

Isikiel 19:12

Kuna kupia baiwan wal daikan bara tasba ra batakan. Lalma payaska ba bui lâkan wainka mâ nani ba sut kauhan; bara tnawa karna nani ba lâwan, bara pauta klauhan ra lulkan.

Daniel 11:8

Baha purkara, ai gâdka nani sut ba Idsip ra brih wabia, bras ni lilka nani dauki bapan nani ba, bara gul wihki silbar ni diara nani paski daukan ba sut sin brih wabia. Mani kum kum ningkara lika, baha king tasbaya wâl ba war âpu iwi kabia.

Oseas 10:1

Israel ba, wain kiwka ra mâ ailal pali alkan ba baku sa; witin nani ba kau ailal alki kan ba ra, altar nani sin kau ailal paski kan; tasbaya kau painkira taki kan ba ra ai gâdka bahki nani walpaya ba sin, kau pranakira paski kan.

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Oseas 4:19

¡Pâsa kum bal ai tnawa nani ra suni brih wabia, bara witin nani aidul lâka dauki ba ai swira lukbia!

Oseas 9:11

Israel ra kulkanka tara ba tnawira kum pâli auya baku pâli wabia. Tuktan nani kau aisubi takbia apia, kau mairin kwihra nani âpu kabia. Mairin nani sip kwihra tiwbia apia.

Jona 4:8

Yu ulan ba ra, Gâd daukan lalma payaska lapta krawaia, bara yu laptika ba Jona lal kat angkan; bara mahka sinska tiwi kan, bara witin pruaia kat lukan. Witin naku aisin: —Yang pruaia kanra yamni, raya kamna ba wal.

Nahum 2:9

¡Silbar ba impliks! ¡Gul ba impliks! ¡Ninibi yuyaka nani ba tnata âpu sa!

Kli Smalkanka 33:17

Pranakira sa bîp wainhka kum tawahkia baku, karna pali buplu kum baku, upla sut ra ai aringka ni mangkbia tasba tâ kum wina tâ wala kat. Efraín kwârika tara nani ba baku sa; Manasés tausinka nani ba baku sa.”