Oseas 13:10 - DAWAN BÎLA AISKA

¹⁰ ¿Kingkam ba nanara anira sa, tawankam nani bani ra swaki mai saki ba? ¿Tâm brabrira nani ba anira sa man nani makabatma baha nani kingkam, wihtkam nani aimaki kaia?

Oseas 13:10 ပူးပေါင်းရင်းမြစ်များ

1 King Nani 12:20

Bara baku kan, Israel luhpia nani sut bui walan Jeroboam ba kli tawi balan sapa, witin ba paiwi brih balan upla nani mawanra, bara witin ba Israel aiska kingka mangkan, kiamka kumi sin swiras kata Debit watla uplika nina blikaia, Juda kiamka baman lika.

2 King Nani 17:4

Sakuna Salmanasar ai adar walan Oseas yukuwan ra ai mapara diara daukaia luki kan ba, bara upla nani kum kum saki Idsip kingka So ra blikan, baha purkara lal mana aibapras kan mani bani aibapi kan mânka ba. Bamna Salmanasar adar yan Oseas ba alki silak ra mangkbia wisi;

Lawana Nani 10:16

Dawan lika ban kaia Kingka sa; ¡idan nani ba, ai tasbaya wina saki lulkan kabia!

Lawana Nani 149:2

Liliam bas, Israel luhpia nani Saion tawanka ba, kan Gâd ba man papaskrikam bara king sa.

Lawana Nani 44:4

¡Yang kingki! ¡Yang Gâdki! Man uplikam nani ra yaram pura luaia;

Lawana Nani 74:12

Blasi piua nani ba wina, man lika yang kingki sma. Man, Gâdki naha tasba ra pura luanka uya daukram tasba aiska ra:

Lawana Nani 89:18

¡Dawan ba wan kan kahbaika sa! ¡Wan Kingka ba sika Israel ra Holikira ba!

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 43:15

Yang sika Dawan sna ba, Israel Papaskra, Gâd Holikira ba, bara man nani kingkam ba.”

Jirimaya 2:28

Juda, ¿gâdkam nani paskram kata ba anira sa? ¡Gâd nani ailal brisma tawan nani ailal ba baku! ¡Nanara witin nani bal kaikbia, swaki mai sakaia sip sa sapa pât saura nani ba bal mai alkbia ba ra!

Jirimaya 8:19

Kan yang upliki nani inanka ba tasba aiska ra walisa bamna: “¿Dawan Saion ra âpu sa ki? ¿Kingkam ba bahara apia sa ki?” Bara Dawan pana naku aisisa: “¿Dîa muni witin nani mini prukan aidul nani ra mayuni, gâd wala nani witin nani kakaira apia ba?”

Inanka Nani 4:20

Silak watla kat kauhan sa Dawan bâk sakan uplika ba, wan rayaka ra wingka puhbra yabi kan ba, king baha pali dukiara aisi kan ba. ‘‘Ai distika ra tawan nani ba tilara iwi kabia.’’

Oseas 10:3

Bâra lika witin nani naku aisabia: “Yawan king âpu na, kan yawan bui Dawan ra kulkanka yaras ba mita. Sakuna, ¿king kum sin yawan wan dukiara dîa daukaia sip sa ki?

Oseas 13:4

Dawan aisisa: “Yang, Dawan, yang lika man Gâdkam ban sna Idsip tasbaya ra kapram ba yua wina: Yang tnaiya ra Gâd wala, yang baku man kaikma apia, sakuna yang baman lika, kan yang baman sna, man swaki sasakrikam.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Oseas 7:7

Âu, witin nani sut kubus baku aswi banhwisa, ai wihtka tara nani ba langkan. Ai kingka nani ba sut kauhan, bara upla kumi sin âpu sa, yang ra ai pura suni ba.

Oseas 8:4

“Witin nani ba yang ra walras, ai kupia lâka kat ai kingka nani ba mangkan; witin nani wihta nani sin mangkan, sakuna yang ra ai wiras. Witin nani gul, silbar nani sin aidul nani paskaia brin, ai paskanka nani ba wal, kli slingwi tiwaia.

Sakaraya 14:9

Baha yua ra, wan Dawan ba tasba aiska ra king aimakbia. Wan Dawan kumi baman kabia, ai nina sin kumi baman kabia.

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

1 Samuil 8:7

sakuna Dawan pana witin ra win: “Upla nani diara sut makabi ba kupia lâka ba kat dauks. Witin nani man ra lulki mai swiras, sakuna yang ra sika ai lulkisa, ai kingka kamna ba brin daukras.