Oseas 12:8 - DAWAN BÎLA AISKA

⁸ Efraín aisisa: ‘¡Âu, yang yuyakira takri, kan yang sans pain pali kum wal prawri; sakuna upla kumi sin sip daihra aisabia apia naha dukia nani brisna na saura dauki natka bâk saki briri!’

Oseas 12:8 ပူးပေါင်းရင်းမြစ်များ

Lawana Nani 49:6

Witin nani lika, ai dukia kukan nani ba ra man lukisa; witin nani ai yuyaka brisa wisi, bahara baman tniwisa.

Lawana Nani 52:7

“Man nani kaiks baha nani Dawan ra ai yukuwaika plikras nani ba; baha nani ai dukia kukan tara bri ba ra baman ai tâ baikisa, bara watawi lâka ra bawi banhwi ba.”

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Sins Lâka 11:1

Paun kunin mangki ba lika, Dawan nakra ra saura pali kaiki kan, kuna paun kat kasak mangki ba, yamni kaikisa.

Sins Lâka 30:12

Upla tila sin bâra sa, witin ai nakra nani ra witin ba sunu pali sa, ban sakuna witin nani ai tâskika wina sikbi sakras sa.

Sins Lâka 30:20

Marit lâka sauhki mairka ba naku daukisa: witin plun pi si ai un dikisa bara wisa: “Yang diara watawi kumi sin daukras.”

Jirimaya 2:23

¿Man nahki ai wima: ‘Yang tâski takras gâd bahki nani ra sin mayunras’? Il bîla ba ra kaiks man tânkam daukram ba, man dîa sut daukram ba bâra sa kiamil mairin wainhka pliki plapi taukan baku taukram ba, tnaya bani ra;

Jirimaya 2:35

Sakuna man baha sut dauki si bara aisisma: ‘Yang lika pâtkas. Gâd kupia baiwanka maipara âpu sa.’ Bamna aitani, man pat aisisma man saura daukras, sakuna lâ daukaia piua kum mangkaisna.

Jirimaya 5:27

Witin nani ai watla ba implikan dukia nani ni banhkisa, piawira nani ailal alki watla ra auhbi ba baku, witin nani baku dauki ai karnika manis brih yuyakira takan,

Isikiel 28:5

Diara âiatkra sip kaia lâka ba wal, yuyakam nani ba ailal pali daukram, bara yuyakam nani ba mita aimayunra mai daukan.

Oseas 13:6

“Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Oseas 4:8

Upliki nani saura dauki ba lal mana wina, witin nani raya sa; baha mita witin nani brin daukisa, upliki nani ba kau saura dauki kabia.

Emus 8:5

Man nani lukisma: “¿Kati raya yua liliaka ba ahkia lubia ki, ningkara plawar mâ nani ba atkaia dukiara? ¿Yu matlalkahbi pura kumi wan ris yua ba ahkia lubia ki, ningkara plun auhbi swin ba saki mana tara bara paun ra kasak kunin muni impliki atkaia dukiara?

Abakuk 1:16

Baha mita inska âialkra nani ba inska alkaia dukia nani bri ba, baha dukia nani ra mayunisa, kîa yamni daukaia dukia nani angki, pain kulkan lâka dauki yabisa, baha dukia nani ra ai pura suni tingki wisa, kan baha dukia nani ba wina, witin nani ai pata ailal pali saki pîsa bamna.

Sakaraya 11:5

Sîp atki âikra nani pâtkira taki ba, ai dara walras sa, bara wauhi âiatkra nani ba wisa: ‘¡Dawan ra tingki, yang pat yuyakira sna!’ Sepadka nani pali ba sin ai sîpka nani ra umpira kaikras sa.

Malaquía 2:17

Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa. ¡Gâd ba kasakkira sapa man nani tânka briras!

Malaquía 3:13

Dawan aisisa: “Man nani bui yang maipara bîla karna pali aisaram. Bara kau ban makabi walisma: ‘¿Dîa saura nani mampara aisari?’

Luk 10:29

Sakuna Lâ Smasmalkra ba ai makabanka ba wina swakwaia dukiara, witin Jisas ra naku win: —¿Yang upliki ba ya sa ki?

Luk 12:19

Baku bamna, yang kupi ra wimna: Upliki, diara manis pali suni swiram sa mani ailal praiska; bamna ris pain bris, plun pis, diara dis bara liliam bas.’

Luk 16:13

“Alba kumi sip apia sa dawan wâl dukia daukaia; kan kumi ra misbara kaikbia bara wala ra lika latwan kaikbia; apia kaka, kumi ba mapara kasak kabia, bara wala ba ra lika saura kaikbia. Sip apia sa Gâd bara lalah wâlsut warkka daukaia.”

Luk 16:15

Bara Jisas baha nani ra win: “Man nani sika upla nani mawanra wînam kasakkira sakaia lihki banhwisma ba, sakuna Gâd lika upla nani kupia ba kaikisa; bamna upla bui tara kulki nani ba, Gâd mita lika baha nani ba bahki kulkisa.

Kli Smalkanka 8:17

“Kupiam ra lukpara: ‘Naha kukanka sut na, yawan wan karnika ni sakan.’

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

Param Marikanka 3:17

Kan man ba lalahkira wisma, bara diara sut mapara pain baman, bara diara luha apia sma; sakuna damra walras sma man ba trabil saura ra sma, umpira pali sma, diara âpu, blain, bara kwala sin âpu.