Oseas 12:12 - DAWAN BÎLA AISKA

¹² Jekob, Aram tasbaya nani ra plapi wih, bâra kan ai maya briaia dukiara, sîp main kaikaia warkka dauki kan.

Oseas 12:12 ပူးပေါင်းရင်းမြစ်များ

Blasi Sturka 27:43

Bamna luhpi, nanara man bîli kat wali dauks: bus bara Harán tawanka ra plapi was laikra Labán watla ra.

Blasi Sturka 30:26

Luhpi nani bara mayi nani ba sin aik, kan baha nani dukiara yang bui man warkkam daukri, bara nanara ai swis wamna. Man nu sma yang nahki prais warkkam daukri ba.

Blasi Sturka 31:41

Yang 20 mani man wamtla ra bâra kapri ba, baku pât taki kapri. Luhpiam mairin nani briaia dukiara 14 mani warkkam takri. Bara 6 mani daiwram nani ba main kaikri; sakuna 6 mani yang maina ba aikaia wisi aikras kunin ai muni kapram.

Oseas 4:15

“Israel, man rug lâka daukisma kaka, Juda pan saura daukbiara. Man nani Guilgal ra wapara, Bet-avén ra sin uli wapara. ¡Dawan nina ra, diara daukaia swer takpara, Dawan raya sa bamna!

Oseas 6:8

Galaad ba saura dadaukra nani tawanka takan, tawan aiska ra mina taibanka nani, tala alki lâwan ba baman sa.

Kli Smalkanka 26:5

Bara Dawan Gâd lamara mai kaiki ba ra naku param aisama: ‘Damiki nani ba dakni sirpi, Aram uplika nani impapakra kan, Idsip ra diman ai pliska brih iwan, baha ningkara nisan tara kum, karnakira bara ailal sin sahwan.