Oseas 11:10 - DAWAN BÎLA AISKA

¹⁰ Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Oseas 11:10 ပူးပေါင်းရင်းမြစ်များ

Job 37:1

Pâsa saura ba kaikisna ba ra kupi tatatwisa, laima dusa wina ban taki kauhaisa baku daira walatna.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 2:11

Man nani bui Dawan ra liliakira mayuni banhs, bawikira lâka ni, tatatwi ai mawanra lulam kriks,

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 2:5

¡Jekob watla uplika, man nani bal, bara Dawan yabalka ingnika ra yawan wapi kap!

Aiseya 31:4

Dawan bui ai win: “Layan kum bui sîp kum ra alki ikan ba baku, sepad nani daknika kum aidrubi asla taki witin mapara balbia sin, sakuna ai bîla baikra ni sirang ikbia apia, witin nani binka dauki ba mita ni sin sasibrira takbia apia; karnika sut bri Dawanka ba sin baku aiklabi bal iwbia Saion ilka purara.

Aiseya 42:13

Dawan bal takbia pura lalura tara baku, bara war aiklaklabra lapta baku, aiklabia ai bîla baikra tara ni, ai waihla nani pura lubia, karna takbia sin.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 64:2

pauta klauhan kiaya ami ba baku, apia kaka, lî ba yan lukwisa. Baha ningkara man waihlam nani ba, kakaira takbia, bara nisan nani sut man mamwanra tatatwi kabia.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Jirimaya 2:2

“Jerusalem tawanka tara ra was bara aisas; wini karna aisas witin nani pain walbia: ‘¡Dawan naku aisisa! Kupi krawisa man tiara katma piua ba, mayi mai briri bara man wapni kapram, latwan ai kaiki katma bara upla iwras tasbaya bâk nini blikram, baha tasbaya ra diara pâwaia mangkras kan ba.’

Jirimaya 25:30

“Jirimaya, man bui yang nini ra naha sturka nani na witin nani ra wis: ‘Dawan ba pura wina alwani baku ai bîla baikra ba blikisa, ai iwaika holikira iwi ba wina. Ai sîpka nani ba mapara winisa wain tataibra nani wini ba baku, tasba ra upla nani iwi ba sin mapara.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Jirimaya 5:22

Yang Dawan sna ba, naku wisni: ¿Dîa man nani bui yang ra sip si briras sma ki? ¿Dîa man nani maiwanra sip tatatras sma ki? Kabu un kir tawan ba baku sika yang mita kabu piarkika ba mangkri, ripka tara nani karna âpu tilwisa bara bin tara daukisa, sakuna piarkika ba wina luras sa.

Jirimaya 50:4

Dawan aisisa: “Baha yua ra, Israel bara Juda uplika nani ba yang ra balbia ai Dawanka ai Gâdka ai pliki ini kabia.

Jirimaya 7:6

tringsar nani diara bri ba mihta dakbras kama kaka, rau nani bara piarka nani ba sin baku saura munras kama kaka, naha tasbaya ra sin upla pâtkas nani ba ikras kama kaka, gâd wala nani ba sin mayunras kama kaka, baha dukia nani brisma ba tâka mita sika kli pât ra tawisma ba,

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Isikiel 26:16

King nani kabu wina ba sut batakan kabia, bara ai prâka maman nani ba sut dakbi bribia; sibrin tara ba mita tasba kat iwi kabia, awar bani sibri mita tatatwi kabia bara baha nani kaiki sibrin takbia.

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Joel 3:16

Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Emus 1:2

Jerusalem, Saion ilka ba wina, Dawan ai bîla baikra bin tara alwani binka baku aisisa ba ra, tasba nani ra twi painkira pâwi ba srawisa, Carmelo ilka bahna ra twi nani ba sin sut lâwisa.

Emus 3:4

Layan il nani tilara ba piua ra, daiwan kum alkaia ridi takan bamna; layan luhpia nani ba tasba unta ra ihbi lawi ba, witinka daiwan kum alkan bamna.

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Miqueas 4:5

Upla kiamka wala nani ba sut, ai gâdka nani lilka paski, baha nani bîla wali daukisa, ban sakuna, yawan lika wan Dawan, wan Papaskra ba, bîla wali dauki kabia ban kaia ra.

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

Sakaraya 10:10

Witin nani Idsip wina kli bri balaia daukamni. Asiria wina sin bri balamna, bara witin nani ba Galaad ra, Líbano ra brih wamna, upla ailal pali kabia ba mita, dimaia utla sin âpu kabia.

Sakaraya 10:12

Witin nani ra karnika nani yabamna, bara yang nini mâki witin nani ai kainara impakbia. Yang, Dawan, bîli aisisni.”

Sakaraya 8:7

Yang bui upliki nani ba pri daukamni, lalma kuntrika, muna kuntrika uplika nani karnika ba wina,

Jan 8:12

Jisas kli upla nani ra aisi, win: —Yang sika upla nani ingnika; ya yang nini bliki ba, raya kaia yabi ingnika ba bri kabia, bara kli sin tihmia ra tauki kabia apia.

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

2 Pita 2:10

Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;

Param Marikanka 10:3

Bara ai bîla baikra tara ni winan, sim layan kum ihbi ba baku. Witin winan ba ra, alwani 7 ba ai bîla baikra nani saki winan.