Oseas 10:2 - DAWAN BÎLA AISKA

² Israel ai lukanka wâl brisa, bara nanara saura daukan ba mana ba aibapaisa. Dawan bal ai altarka nani ba slingbi tikbia, bara ai gâdka bahki nani altarka walpaya nani paskan ba sin slingbi tikbia.

Oseas 10:2 ပူးပေါင်းရင်းမြစ်များ

1 King Nani 18:21

Bara Ilayas upla nani ba lamara wih win: —¿Ahkia kat man nani ba lukankam wâl brisma ba swiaisma? Dawan ba Gâd sa, ai nina blîks, bara Baal ba gâd sa kaka, witin ninara was. Bara upla nani pana diara aisaras kan.

Impakan Sturka 23:24

Baha uplika nani ai saurka nani dauki ba, nina bliki man nani sin daukpara, witin nani gâdka ra sin lulam krikpara, mayunra sin yapara; sakuna gâd bahki nani ai walpaya playka nani aihka yamni kulki bri nani ba sut sin sauhki tiks.

Sins Lâka 11:18

Watawikira ba kunin lâka ra ai mana brisa, kuna kasakka lâka mâ mangki ba, ai mana kasak aihwa bribia.

Aiseya 44:18

Baha uplika diara nu âpu, tânka sin briras; kan ai nakra nani ba sut blain sa, ai kupia sin baku sa diara tânka briaia.

Jirimaya 43:13

Idsip tawanka ra Heliópolis lilka nani paskan ba yabal nani ra sauhkamna, Idsip gâdka nani tempelka nani ba angkamna.’ ”

Isikiel 14:5

“Israel luhpia nani sut kupia alkamna, witin nani ba yang wina dakwi taki banhwan ba ai aidulka nani dukiara.

Oseas 12:11

Galaad ra idan gâdka nani bâra sa, sakuna baha nani sut ba kuninkira baman. Guilgal ra bîp wainhka nani sakripaiska daukisa; walpa ailalka baku altar nani ba ai lainka ra paski brisa.”

Oseas 13:16

Sameria uplika nani, witin ai klalka ba bribia, ai Gâdka ba mapara buan bamna. Witin nani sord malika ra prubia, ai luhpia nani ba tasba ra lulki saban kabia bara mairin kwihra nani, biara ba klaki baikbia.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Oseas 7:8

“Efraín upla sât wala aikuki asla takan. Efraín ba turtiya tnaya kumi baman kiswan ba baku sa.

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Miqueas 5:13

Walpa ni karbi gâdkam lilka daukram ba sin, yang âpu daukamna; bara man nani mihtam ni paskram gâdka nani ba mawanra, kli bawi mayunma apia.

Sofonías 1:5

Utla nani bahna ra uli, slilma nani ra ai pura suni ba, ai gâdka Milcom mawanra ai lula kriki ai pura suni ba bara yang nini ra sin swer taki ba sut sauhki tikamni.

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Matiu 6:24

“Upla kumi sin dawan wâl dukia sip daukras, kan kumi ra misbara kaikbia, bara wala ra latwan kaikbia; kumi ra kasak kulkbia, wala ra bahki kulkbia. Man nani sip apia sma Gâd bara lalah wal dukia daukaia.

Luk 16:13

“Alba kumi sip apia sa dawan wâl dukia daukaia; kan kumi ra misbara kaikbia bara wala ra lika latwan kaikbia; apia kaka, kumi ba mapara kasak kabia, bara wala ba ra lika saura kaikbia. Sip apia sa Gâd bara lalah wâlsut warkka daukaia.”

Jems 1:8

kan ya naiwa diara kum lukisa, bara yauhka diara wala, ai daukanka ba wapni bapi buras sa.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

1 Jan 2:15

Tasba na bara diara nani bilara ba, latwan kaikpara. Ani uplika tasba ra latwan kaiki ba, Gâd Aisa ra sip latwan kaikbia apia;

1 Samuil 5:4

Asdod uplika nani kli balan yapra wala titan, bara kli kaikan Dagón ba Dawan lâka auhbaika watla ba munhtara kauhi prawi kan. Lal ba bara mihta wâl ba sin krikan bara dur bîla kat wîna tara ba baman prawi kan. Wîna tara lilapas pîska ba baman bâra kata.