Oseas 1:7 - DAWAN BÎLA AISKA

⁷ Ban sakuna, Juda kingka lâka ba lika umpira kaiki, yang ai Dawanka aimaki, witin nani ba swaki sakamna. Sakuna pantamangka, sord, aras nani, aras âiulra nani brih war aiklabi ni lika apia.”

Oseas 1:7 ပူးပေါင်းရင်းမြစ်များ

2 King Nani 19:29

Bara Aiseya bui Ezequías ra win: “Naha ba sain kum takaia ba tukinka kabia: naha mani na bara mani wala aula ba, man nani plawar mâ nani ban wina pâwi ba wina pima, bara mani yumhpika ba alkbia piua ra mangki dâki banhma; bara wain nani sin mangki saki, baha wina mâ nani pima.

2 King Nani 19:34

Kan yang mita naha tawanka na kaina kahbamna bara swaki sin sakamni, yang naipakan Debit latwanka ra, baku sin yang silp laitwanki ra.’ ”

2 King Nani 19:35

Bara baha sim tihmika, Dawan insalka ba taki wan Asiria nani kiampka ra, bara upla nani 185,000 ikan, bara titan ra bûi banhwan ba ra sut pali ba pruan atia kan.

2 King Nani 6:18

Bara ningkara Siria uplika nani ba witin nani ai mapara aiklabaia balan ba ra, Ilaidsa Dawan ra ai pura sunan bara win: “Man ra mamkabisna naha uplika nani na, nakra nani ba diara kaikras daukma.” Bara baha nani nakra ba diara kaikras daukan, dîa Ilaidsa aisan ba kat.

Lawana Nani 33:16

King kumi sin âpu sa, upla aiklaklabra nani ailal ba karnika mita swaki sakaia, kupia karnakira ba sin ai karnika bri mita ai wîna swaki sakras sa.

Lawana Nani 44:7

Man sika yang nani ra sip ai daukram waihli nani pura luaia; misbara ai kaiki nani kata ba, upla wala mita witin nani pura winaia daukram.

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Impakan Sturka 14:30

Baha yua Dawan bui Israel luhpia nani ba, Idsip uplika nani mihta wina swaki sakan. Israel luhpia nani ba, Idsip uplika nani wîna tara prui kabu un ra awi ulan nani ba kaiki kan.

Aiseya 12:2

Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Jirimaya 25:5

Witin nani bui man nani ra mai win: ‘Wapankam saura nani ba swis bara daukankam saura nani ba sin swis; bara baku Dawan bui man nani ra maikan bara damikam nani ra sin yaban ba tasbaya ra iwi ban kaia.

Jirimaya 25:6

Man nani bui gâd wala nani nina blîkpara; baha nani ra puram suni mayunpara. Dawan kupia tuskpara baha gâdka nani man nani paski baha ra mayunisma ba tâka, witin bui man nani ra diara saura kum sin blîkbia apia.’

Jirimaya 33:26

Jekob kiamka nani bara duki dadaukra Debit ba sip lulki swimna apia, Ebraham, Aisak, Jekob kiamka nani tila wina pura aimaki kaia wihtka ba sakras swimna apia. Witin nani ra luki kupi swapni lâka kli brimni, bara diara sut witin nani ra yamni takaia daukamni.”

Oseas 1:8

Lo-ruhama ba tiala dakban ba ra, Gómer kli kwihra tiwan, bara kli luhpa waitna wala kum baikan.

Oseas 11:12

“Efraín kuninka lâka nani ba mita kutbi kir ai brisa; Israel luhpia nani kunin aisi ba, kuninka mita ai kutban sa. Juda ba Dawan wina dakwi takan, bara nanara aidul nani aikuki lika wapni pali sa.

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

1 Samuil 17:47

upla sut nâra aidruban na kaikbia Dawan ba sord ni bara langsa ni sin swaki wan sakras. Naha na Dawan warka, witin bui wan mihta ra mai mangkbia.