Oseas 1:10 - DAWAN BÎLA AISKA

¹⁰ Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Oseas 1:10 ပူးပေါင်းရင်းမြစ်များ

Blasi Sturka 13:16

Man kiamkam ba tasba puknika ba baku ailal daukamni. Tasba puknika lupia bani upla sip kulki sakras ba baku, man kiamkam sin upla sip kulki sâkbia apia.

Blasi Sturka 22:17

kasak pali yang yamni mai munamna, kiamkam ba slilma ailalka kasbrika purara bâra ba baku, ailal pali daukamna, kabu sin auhika ailal kabu un ra ba baku daukamna. Baha purkara, witin nani mita ai waihla nani sut pura lubia,

Blasi Sturka 32:12

Kan man param pali ai wiram bamna, man bui diara sut daukma ba yang dukira, yamni baman takbia; bara yang kiamki nani ba ailal pali aihwa takbia kabu un ra auhya ailalka nani sip kulki sakras ba baku.”

2 Samuil 7:24

Man ban baku lukram, Israel ba man uplikam ban kabia, bara man, Dawan, witin ai Gâdka kama.

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Aiseya 48:19

Man kiamkam nani ba ailal kabia, sip kulkras kabia, kabu auhika baku ba mita; yang aima kumi sin sauhki mai tikamna apia, baku sin yang maiwan wina sin mai slingbi sakamna apia.”

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Aiseya 64:8

Ban sakuna, Dawan, man sika yawan wan Aisika; yang nani na slaubla ba bara man sika wan paski wan daukram ba; ¡baku bamna yang nani sut na, man mihtam warkka nani sna!

Aiseya 65:1

Dawan aisisa: “Yang ra diara makabras uplika nani kata yang ra ai pliki balan; yang ra ai plikras kan uplika nani ba ai pliki ai sakan. Yang ra ai pura sunras kan uplika nani ba ra wîri: ‘Kaiks yang nâra sni.’

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Jirimaya 33:22

Duki dadaukra Debit kiamka nani ba, yang warkki dadaukra nani ba, Libai kiamka nani ba slilma ailalka kasbrika purara bâra ba baku, auhya ailalka kabu ra bâra ba baku ailal daukamni, baha nani numbika upla kumi sin sip kulki sâkbia apia.”

Daniel 6:26

bara lâ mangki maisa pakisna, yang kingki tasbaya ra upla nani sut Daniel Gâdka ra bawan kabia, bara kulkan kabia sin. “Kan witin lika Gâd rayakira sa, bara witin ba ban kaia ra sa, ai king lâka ba sauhki tikan kabia apia, ai karnika ba sin tnata âpu sa.

Oseas 1:9

Bara Dawan Oseas ra win: “Baha tuktika nina ba Lo-amí mâks, kan man nani ba nanara yang upliki apia sma, yang sin man Dawankam apia sna.”

Oseas 2:23

Upliki nani ba, yang yakan upliki nani kaia tasba ra swimni. Lo-ruhama ra latwan kaikamni, Lo-amí ra wimni: ‘Man nani ba yang upliki nani sma’, bara witin ai wibia: ‘¡Man ba yang Gâdki sma!’ ”

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

2 Korint 6:18

bara yang baman man nani Aisikam kamna, bara man nani ba luhpi waitna nani bara luhpi mairin nani kama, Dawan, karnika sut bri ba, baku wisa.”

Hibru Nani 11:12

Baku bamna, Ebraham ba ai rayaka yua nani tnata pat alkaia man kan sakuna, ai kiamka ailal pali takan, kasbrika purara slilma nani bâra ba baku, kabu un ra auhya nani ailalka upla sip kulkras ba baku sin.