Nihimaya 9:27 - DAWAN BÎLA AISKA

²⁷ Baha mita man bui witin nani ra sin ai waihla nani mihta ra mangkram, waihla nani mita taibi kan. Witin nani ai pâtka saura wahwan bara man ra winan, bara man, laih kasbrika ba wina, witin nani ra umpira kaiki walram; bara tâ uplika nani yaram tataibra nani ba karnika wina pri sakaia.

Nihimaya 9:27 ပူးပေါင်းရင်းမြစ်များ

2 King Nani 13:5

Bara Dawan bui Israel ra swaki sasakra kum yaban, bara Siria uplika nani karnika ba wina pri sakan, bara Israel luhpia nani ba kupia kumi kli ai watla nani ra wih iwi kan, kainara kan ba baku.

2 King Nani 14:27

Bamna Dawan mita Israel nina ba kasbrika mununhta ba wina kau diki sakaia lukras kan, bahamna Jeroboam, Joás luhpia waitna mihta bâk swaki sakan.

2 King Nani 17:20

Bara Dawan mita Israel kiamka nani aiska ba ai lamara kaiki ba wina sakan, bara swira dauki âimplikra nani mihta ra mangkan.

2 King Nani 17:39

Kau kanra, Dawan man nani Gâdkam ra sibrin luks, bara baku lika yang mita man nani ra waihlam nani sut mihta ba wina dakbi mai sakamna.”

2 Kronikas 36:17

Bara Dawan ba witin nani mapara Caldea kingka ba blikan, bara wahma nani sut skiru wal ikan tempel bîla kat. Wahma nani ra umpira kaikras, mairin nani ra sin, almuk nani, skahwa nani ra sin kulkras kan, baha nani sut ba Dawan bui ai mihta ra mangkan kan.

Nihimaya 9:19

sakuna man, upla ra umpira kaikan lâka uya pali brisma ba mita, upla iwras tasbaya ra lulki swiras kapram. Kasbrika playka ba kakna ra, witin nani yabalka wina tnaya ra tawras kan, yabal bâk brih waia dukiara. Tihmia ra sin pauta klauhi ingni ba yabram, impaki kan yabalka bâk, witin nani auya ba ra.

Lawana Nani 136:24

Witin sika wan waihla nani mihta wina wan dakbi wan sakisa, ai latwanka lâka ba ban kaia ra ban sa bamna.

Libait Lâka 26:17

Yang lika man nani mampara takamna, bara waihlam nani ba mita puram lubia, misbara mai kaiki nani ba mita mai taibi kabia, upla ninam blikras man yakan plapi kama.

Abdías 1:21

Baha nani sut pura lui buaia karnika ba wal, bal Saion ilka ra uli wabia Isau ilka nani tasbaya lâka daukaia. Bara Dawan lika baha nani kingka aimaki kabia.

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.