Nihimaya 9:25 - DAWAN BÎLA AISKA

²⁵ Bara tawan karna nani paskan kan ba wina, tasba disang nani kan ba wina, utla bilara diara kau pain nani kukan ba wina, liwanhta nani pat bâra kan ba, wain nasla nani bâra kan ba wina, oliv dusa nani, bara dus wala ailal mâ bri ba wina, witin nani pin ai âuyapah takan ba kat, batanwi banhwan bara yamnika tara pali liliaka brin.

Nihimaya 9:25 ပူးပေါင်းရင်းမြစ်များ

1 King Nani 14:9

Ban sakuna, man kainamra kan nani ba wal kau saura daukram; bara man kupi sauhkram, gâd bahki nani lilka paski daukram, bara yang na man ninamra ai lakram.

1 King Nani 8:66

Bara yapra wala ba, upla nani lakula wisi mahka wan, bara upla nani bui king ra yamnika yaban bara mahka ai watla nani ra liliakira wan, diara sut yamnika Dawan wina Debit bara Israel tawanka ra daukan ba dukiara, ai kupia pah impaki wan kata.

Nihimaya 9:35

Witin nani daukaia kan ba watlika ra, ai kingka tasbaya ra ai dukia kukanka nani, tasba tara disang witin nani ai mihta ra yabram ba brin, sakuna witin nani man mamyunra daukras kan, baku sin ai yabalka saura ba wina sip kli tawi balras kan.

Lawana Nani 105:44

Nisan wala tasbaya ba witin nani ra yaban, upla wala nani wark takan mâ nani ba sin.

Lawana Nani 65:11

Man yamnikam ni, mani nani ba diara banhki daukisma, bara kasbrika nani ba wina, yamnikam tara pali laikisma.

Sins Lâka 30:9

Kan yang brinki ba pura lui brimna kaka, bara mai kulkras naku mai wimna: “¿Dawan ba ya sa ki?” Apia kra diara luha kamna kaka, upla dukia alkamna bara alkamna ra; Dawanki, ninam sin lahtubi aisamnara sîa.

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Aiseya 63:7

Yang aisan ai daukisa Dawan latwanka lâka ba, ai mayunra nani ba aiwanaia witin ai yamnika tara nani sut wan hilpka daukan ba, witin ai kupia yamnika tara pali Israel luhpia nani sut ra bri ba, ai kupia yamni luki witin nani ra daukan ba, witin mita latwan kaiki ba lâka kat.

Jirimaya 2:7

Tasba disang ra man nani ba mai bri balri, baha mâ nani ba wina man nani pima wisi mâ kau pain ba man nani piaia. Sakuna man nani balram bara tasbaya ba watawi daukram, kuntrika ba kaikisna bara âiya warbisa, yang prapatiki ba.

Jirimaya 31:14

Daukamni prîs nani ba plun kau pain ba piaia yang tawanki ba ai lilia bribia diara ailal brisna ba wal. Yang, Dawan, kasak aisisna.”

Jirimaya 32:23

Sakuna witin nani baha kuntrika ra dimi tasbaya ba brin ba ra, man bîlam walras takan, lâ nani smalkram ba daukras, wark nani daukaia wiram ba sin daukras. Baha mita man bui witin nani ba rausauhkaia blikram.

Isikiel 20:6

Baha yua yang pramis takri Idsip wina sakaia bara brih waia kuntri kum yang pali sakri kan ra, baha pliska ra nasma bara tiala laya lî baku plapi ra, ¡kuntri kau pranakira sut wal!

Daniel 11:24

Upla kumi sin lukras kabia piua ra, baha tasbaya ra ani pliska nani kau yuya bri ba sâtka ra dimi wabia bara ai aisika nani, ai damika nani daukras kan dukia nani ba daukbia, war aiklaklabra nani bui aiklabi dakban dukia ba, bara yuyaka nani sut sin war aiklaklabra nani aikuki yui bribia. Tawan karnakira nani mapara aiklabaia waia lâ daukbia, baha ba yu kum baman kabia kra.

Oseas 13:6

“Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Roman 2:4

Apia kaka, ¿man lika Gâd yamnika manis ba, bara wihka takaski lâka ba sin bahki kulkisma, bara damra sin walras pali sma, Gâd yamnika lâka ba lika kupiam lakaia dukiara sa?

Kli Smalkanka 3:5

Baha tawanka nani sut ba walpa ni kutbi sunan kan, get nani ayan kutbanka bilara apia kan nani ba kulkras.

Kli Smalkanka 32:13

Pura lui il tasbaya kuntrika nani bâk mai brih wan. Insla pata mâ nani mai dakakan, walpa wina nasma maikan diram, walpa karna ba wina batana laya maikan;

Kli Smalkanka 32:14

bîpkam nani wina tialka laya bara kwahadu mai dakakan, sîpkam lupia wîna kau pain ba maikan piram, Basán sîpka wina guts wainhka nani sin; plawar mâ kau pain ba sin piram, wain sin diram, wain tâlia ba wina sin.

Kli Smalkanka 32:15

“Sakuna Jesurún batanwan, bara ai mina wauhan (batanwan mita lipi kan), bara Gâd, witin ra papaskra ba, lulki swin; ai kaina kakahbra bara ai sasakra ba bahki kulkan.