Nihimaya 9:19 - DAWAN BÎLA AISKA

¹⁹ sakuna man, upla ra umpira kaikan lâka uya pali brisma ba mita, upla iwras tasbaya ra lulki swiras kapram. Kasbrika playka ba kakna ra, witin nani yabalka wina tnaya ra tawras kan, yabal bâk brih waia dukiara. Tihmia ra sin pauta klauhi ingni ba yabram, impaki kan yabalka bâk, witin nani auya ba ra.

Nihimaya 9:19 ပူးပေါင်းရင်းမြစ်များ

Nihimaya 9:12

Baha ningkara kakna ra kasbrika playka kum ni witin nani ra tâ bri kapram, bara tihmia ra lika pauta playka ba ni, ai yabalka impaki kan ba ingni yabi kapram.

Nihimaya 9:27

Baha mita man bui witin nani ra sin ai waihla nani mihta ra mangkram, waihla nani mita taibi kan. Witin nani ai pâtka saura wahwan bara man ra winan, bara man, laih kasbrika ba wina, witin nani ra umpira kaiki walram; bara tâ uplika nani yaram tataibra nani ba karnika wina pri sakaia.

Nihimaya 9:31

Ban sakuna, man kupiam swapnika lâka uya pali brisma ba mita sut âpu daukras kapram, lulki sin swiras kapram; kan man sika Gâd, kupiam swapni bara umpira kaikan lâka brisma ba tâwan.

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Lawana Nani 136:16

Witin ai uplika nani ba, upla iwras tasbaya bâk yan wapan; ai latwanka lâka ban kaia ra ban sa bamna.

Impakan Sturka 40:36

Kasbrika ba kli utla ba pura wina purara ulan ba ra, Israel luhpia nani ai kiampka ba buki, ai yabalka ra impaki kata.

Impakan Sturka 40:38

Israel luhpia nani yabal ra impaki kan ba piua sut ra, witin nani kaiki kan, Dawan kasbrikika ba kakna ra tint watla ba purara kan, tihmia ra pauta klauhi playka taki kan.

Aiseya 44:21

“Naha diara nani dukiara kupiam krauks, Israel man, Jekob tawanka, kan man ba, yang duki dadaukra sma; yang mai daukri, man ba yang duki dadaukra sma; Israel, yang ra âmya ai tikpara.

Inanka Nani 3:22

Dawan latwanka ba ban kaia ra bâra sa, ai kupia yamnika nani ba sip danh takras.

Isikiel 20:14

Kuna yang nini kulkanka mita daukras katna, saura takaskaia apia tâwan. Baha nisanka nani kaikata, mawanra nahki Idsip wina sakatna ba.

Isikiel 20:17

Ban sakuna, umpira kaikri bara sauhki tikaia ba aitani apia kaikri bara upla iwras tasbaya ra âpu daukras kapri.

Isikiel 20:22

Kuna alki takaskri nini kulkanka tâka, saura takaskaia apia tâwan, baha nisanka nani kaiki kan, Idsip wina brih sakatna ba.

Daniel 9:18

Gâdki, kiamam ba laki yang ra ai wals, nahki rau wan sauhkan na kaiks, bara baha tawanka ra man ninam mâki wini kan ba, yang nani bui man ra mamkabras yang nani kasakki ba dukiara, sakuna man kupiam swapnika ba tâka mita.

Daniel 9:9

Sakuna man lika, wan Gâdka sma, bara man mihtam ra sa umpira kaikan lâka bara ban swin tikaia lâka ba sin. Yang nani lika man mampara babura takri sa,

Malaquía 3:6

“Yang sika Dawan. Yang aihka takras. Baha mita Jekob kiamka man nani ba âpu mai daukras sa.

Kulki Kaikanka 14:14

Kenan uplika nani ra sin aisisma na wibia. Man Dawan naha uplika nani lilapas ra katma, witin nani mai kaiki kan man param taki katma ba, âu, Dawan, kasbrika bukram witin nani purara kata, bara kakna ra witin nani tâura impaki katma kasbrika playa kumi ni, bara tihmia ra lika pauta klauhan playa kumi ni.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

1 Samuil 12:22

Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.