Nihimaya 8:3 - DAWAN BÎLA AISKA

³ Bara lâ wauhkataya ba aisi kaikan lî watla getka ba lamara, titan wina yu wan lal kat. Bara lâ aisi kaiki kan ba, upla sut aman pali wali kan.

Nihimaya 8:3 ပူးပေါင်းရင်းမြစ်များ

Nihimaya 10:29

ai taya nani aikuki, wihtka nani sut aikuki asla takan, bara swer takan Gâd lâka kat dauki kaia, baha Gâd napakan Moses mita lâ yaban ba, Dawan adarka nani, smalkanka nani ba, lâka nani ba sin alki daukaia.

Nihimaya 13:1

Baha yua ra Moses lâka wauhkataya ba aisi kaikan tawan uplika nani wali kan ba ra. Bahara ulban kan, Amón uplika nani bara Moab uplika nani ba sip apia sa, Gâd uplika nani daknika ra kaia.

Nihimaya 8:1

Bara upla nani ba sut aidrubi asla takan baha katka pas yua ra, pulaia pliska kum ra, lî watla getka ba lamara. Bara smasmalkra Esdras ra win, Moses ulbanka lâka wauhkataya ba bri balbia, Dawan mita Israel luhpia nani ra yaban ba.

Nihimaya 8:18

Bamna witin nani yu 7 baha yua liliaka ba dauki kan; bara yua pas ba wina Esdras yu bani Gâd lâka ulban ba wina wiria aisi kaiki kan, bara yu 8 aimakan ba ra upla asla takan, baha liliaka tara ba daukaia dukiara lâ ra ulban ba kat daukaia.

Nihimaya 8:4

Bara dus ni plis kum paskan kata, bahara uli lâ aisi kaikaia pliska. Bara smasmalkra Esdras ba, baha pliska ra bûi aisi kaikan. Witin ai aihkika ra Matatías, Sema, Anías, Urías, Hilquías bara Maaseías sin bâra bûi kan. Bara ai smihka tani ra lika Pedaías, Misael, Malquías, Hasum, Hasbadana, Sakaraya bara Mesulam kat bûi kan.

Nihimaya 8:5

Bamna upla nani sut kaiki kan lâ wauhkataya ba bukutban, taya pura ba upla sut kaikan bîla ba kwâkan, bara upla nani sut ba buan.

Mark 12:37

¿Bamna nahki Misaya ba Debit kiamka kabia, kan Debit pali bui witin ra Dawan wisa kaka? Upla nani, ailal kan ba, ai kupia liliakira ni Jisas ra wali kan.

Luk 19:48

Sakuna nahki ikaia yabalka ba sip witin nani sakras kan, upla sut mita Jisas ra aman pali wali kan bamna.

Luk 8:18

“Baku bamna, pain wals; ya diara bri ba, witin ra kau yan kabia, sakuna ya âpu ba lika, witin dîa brisa luki ba sut ai mihta dakban kabia.”

Apastil Nani Sturka 13:15

Bamna Moses lâ ulban wauhkataya, bara prapit nani ulban wauhkataya nani ba aisi kaikan ningkara, prias watla wihtka nani ba mita naku maisa pakaia blikan: —Muihki nani, upla nani ra kupia kraukanka bîla brisma kaka, sip sma nanara aisaia.

Apastil Nani Sturka 13:27

Bamna baha nani Jerusalem ra iwi kan ba, ai wihtka nani sut aikuki Jisas ba ya sapa tânka briras kan, bara prapit nani wauhkataya wina ris yua bani Ju nani priaska watla aisi kaiki banhwi kan ba sin tânka briras kan. Baku mika Jisas pât ra lulki banhwan ba ra, prapit nani dîa aisin ba tnata alkan.

Apastil Nani Sturka 15:21

Bamna patitara piua ba wina tawan bani ra upla bâra sa, Moses lâka ba dukiara smalkisa, bara saba yua bani ra sin Ju nani priaska watla nani ra aisi kaikisa.

Apastil Nani Sturka 16:14

Witin nani wina kumi ba nina Lidia, Tiatira tawanka wina, kwala painkira mapla balianta wauhi âiatkra kan. Mairka ba Gâd ra mayuni kan, bara witin sin bâra wali kata; Dawan mita ai kupia ba ilingkan, Pal dîa aisi ba aman pali walaia.

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

Apastil Nani Sturka 20:11

Baha ningkara, Pal mita utla purara kli uli wih brit kriki pin. Witin kau ban smalki kan; bara titan kat witin mahka wan.

Apastil Nani Sturka 20:7

Wik yua pas pali ra, wan muihni nani asla takan brit krikaia; bahara Pal mita smalki kan. Witin yu wala ba mahka waia kan bamna, tihmia wâl bakriki kat ban aisi kan.

Apastil Nani Sturka 28:23

Bamna yu kumi mangki yan, bara baha yua ra upla ailal pali balan Pal takaski kan ba watla ra. Titan wina tutni kat baha nani ra aisin Gâd King aimaki Lâka ba dukiara. Bara Pal baku Jisas tânka aisi baha nani ba kupia lakaia muni kan, Moses lâka wina, bara prapit nani Ulbanka ba wina sin.

Kli Smalkanka 31:9

Moses naha lâka ulbi mangkan, bara Libait nani, prîs nani kan ba ra yaban, witin nani ai warkka kan Dawan lâka nani auhbaika ba twilki waia. Bara Israel almukka sut ra sin,

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

Jasua 8:35

Moses lâka bîla nani win ba sut pali aisi kaikan, kumi sin aisi kaikras swiras kan, Israel luhpia nani sut, mairin nani, tuktan nani, tringsar nani witin nani ai tilara iwi kan ba, sut pali wali kan witin aisi kaiki kan ba.

Param Marikanka 2:29

¡Ya ai kiama bri kaka, Spirit bui dîa serts nani ra wi ba walaia sa!’

Param Marikanka 3:22

¡Ya ai kiama bri kaka, Spirit mita serts nani ra dîa wi ba walaia sa!’ ”