Nihimaya 8:2 - DAWAN BÎLA AISKA

² Bara prîs Esdras ba, lâ wauhkataya ba bri balan upla nani aslika ba mawanra; bâra kan waitna, mairin bara tuktan sut.

Nihimaya 8:2 ပူးပေါင်းရင်းမြစ်များ

Nihimaya 10:29

ai taya nani aikuki, wihtka nani sut aikuki asla takan, bara swer takan Gâd lâka kat dauki kaia, baha Gâd napakan Moses mita lâ yaban ba, Dawan adarka nani, smalkanka nani ba, lâka nani ba sin alki daukaia.

Nihimaya 13:1

Baha yua ra Moses lâka wauhkataya ba aisi kaikan tawan uplika nani wali kan ba ra. Bahara ulban kan, Amón uplika nani bara Moab uplika nani ba sip apia sa, Gâd uplika nani daknika ra kaia.

Nihimaya 8:18

Bamna witin nani yu 7 baha yua liliaka ba dauki kan; bara yua pas ba wina Esdras yu bani Gâd lâka ulban ba wina wiria aisi kaiki kan, bara yu 8 aimakan ba ra upla asla takan, baha liliaka tara ba daukaia dukiara lâ ra ulban ba kat daukaia.

Nihimaya 8:9

Lâ aisi kaiki ba wali upla sut ini kan, Nihimaya wihta tara ba, prîs smasmalkra Esdras sin; bara Libait nani bui lâ tânka param saki aisi kan nani ba mita upla nani sut sari bri ini kan ba ra win baha yua ba holi kulkaia sa, Dawan ai Gâdka yua sa, bamna sari brih inbia apia.

Nihimaya 9:1

Baha sim katka ra lapta yua 24, Israel luhpia nani plun piras asla taki banhwan, ai kupia kriwan sari tukinka kwalka ba dimi, yamhpus ai purara yakaban;

Aiseya 28:9

Witin nani ba yang wina walan wisi daihra aisi si, bara wisa: “¡Yawan ra aula smalkan wankaia, wan smalki wan marikaia! ¡Yawan na tuktan lupia bamna,

Libait Lâka 23:24

“Israel luhpia nani ra naku wis: Kati 7 yua pas ba ris yua liliaka daukma, trumpit nani puhbi aidrubi balma.

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Kulki Kaikanka 29:1

“Kati 7 pas yua ba, man nani aidrubanka holikira kum daukma. Baha yua ba man nani wark wala daukpara, trumpit nani ba puhbi upla sut ra maisa paks.

Apastil Nani Sturka 15:21

Bamna patitara piua ba wina tawan bani ra upla bâra sa, Moses lâka ba dukiara smalkisa, bara saba yua bani ra sin Ju nani priaska watla nani ra aisi kaikisa.

Kli Smalkanka 17:18

“King ba ai pliska ra iwbia piua ra, prîs, Libait nani ra naha lâ smalkanka tâura smalkan main kaiki bri ba wina, blîkka ulbi saki briaia.

Jasua 8:35

Moses lâka bîla nani win ba sut pali aisi kaikan, kumi sin aisi kaikras swiras kan, Israel luhpia nani sut, mairin nani, tuktan nani, tringsar nani witin nani ai tilara iwi kan ba, sut pali wali kan witin aisi kaiki kan ba.