Nihimaya 8:10 - DAWAN BÎLA AISKA

¹⁰ Ba purkara Esdras naku win: “Man nani was, plun aihwa pis, wain damni sin dis, bara ani uplika plun ridi daukan âpu sa kaka, man nani plun piaia brisma ba wina yas, kan wan Dawanka ra yaia yua bâk sakan bamna. Man nani sari kapara, liliam bas, Dawan liliaka ba wan karnika bamna.”

Nihimaya 8:10 ပူးပေါင်းရင်းမြစ်များ

1 King Nani 8:66

Bara yapra wala ba, upla nani lakula wisi mahka wan, bara upla nani bui king ra yamnika yaban bara mahka ai watla nani ra liliakira wan, diara sut yamnika Dawan wina Debit bara Israel tawanka ra daukan ba dukiara, ai kupia pah impaki wan kata.

1 Kronikas 16:27

¡Ai mawanra prana tara bâra sa! ¡Witin ai iwaika sunukira ra karnika bâra sa, lilia lâka sin bâra sa!

Nihimaya 8:11

Bara Libait nani aisin, upla nani ba ai bîla prakbia, bara karna aisin witin nani sâp takbia, inbia apia, yua na Dawan yua bâk sakan bamna.

Nihimaya 8:12

Bara upla nani ba plun piaia bara diaia wi banhwan, ai walka nani ra sin plun yabaia bara ai lilia tara pali briaia, baha bîla nani smalkan ba, witin nani tânka kasak brin bamna.

Ester 9:19

Bahamna, Ju nani tawan sirpi nani ra, kau tawanka kutbras iwi kan nani ba lika, Adar kati yua 14 ra, lilia tara brin, pana pana prisant yaban.

Ester 9:22

Ju nani ai waihla nani wina kupia kumi lâka brin yua kulkaia, baha katka ba kupia wirha katka kan, bara âuyapah yua daukan kabia; baku sin baha yua ba upla bani ai lamara iwi nani ra diara pana pana bliki kabia, ba purkara sin umpira nani ra diara mana luha yabi kabia.

Lawana Nani 149:2

Liliam bas, Israel luhpia nani Saion tawanka ba, kan Gâd ba man papaskrikam bara king sa.

Lawana Nani 89:17

Kasak sa, man ai karnika sma bara prana sin; yawan wan karnika ba kau tara takisa, man kupiam lâka ba mita.

Sins Lâka 17:22

Wan kupia liliakira ba sîka pain pali sa; kuna wan spiritka kriwan ba wan karnika tiwisa.

Smasmalkra 11:2

Dîa brisma ba sip sma ba kat yui bas, kan man kaikras dîa saura kuntrikam ra aula ba.

Smasmalkra 2:24

Upla ba diara kau yamni daukaia ba sika piaia bara diaia, bara ai rayaka ba lilia daukbia ai warkka mâ nani ba wal, baku sin kaikri, naha ba Gâd mihta wina sa.

Smasmalkra 3:13

Baku bamna yawan pibia, dibia bara wan mihta warkka daukan nani ba kaikisa kaka, baha ba Gâd wankan sa.

Smasmalkra 5:18

Yang tânka briri, diara kau yamni ba sika piaia, diaia, bara liliaka briaia warkka ba mana, naha tasba ra, Dawan bui wan piua prahni wankan ba tilara, kan baha sika wan sirka sa.

Smasmalkra 9:7

¡Bamna, kaisa! Plun pisma ba piua ra, wain disma ba piua ra liliam bris; kan Gâd bui yamni kaikan man daukankam nani ba.

Yamni Kulki Lawana 5:1

Giadinki ra pat bal dimri sa, laikra lupia, wal kut taki mairka, sîka mâka kîa painkira bara isint kîa auhni nani brisna ba pat briri sa, nasmiki laya ba pat dabi kaikri sa, wainki laya bara bîpki tialka laya sin pat diri. Pâinika nani, pi banhs bara sin di banhs, nahki din mai dauki ba kat dis.

Aiseya 49:5

Yang Dawan Gâdki mawanra kulkanka briri, kan witin ba sika yang karniki. Dawan ba ai paskan kan yaptiki biara ra kapri wina witin ai dukia dadaukra kaia dukiara bara yarka Israel ba, Jekob uplika nani ba, kli balbia bara witin ra asla takbia.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Joel 2:23

¡Saion ra iwi uplika nani, man nani sin liliam bas, Dawan Gâdkam ra liliam pali bas! Lî ailal ai piua kat witin mita yaban auhisa, kauhla piua ra bara baku sin lî piua ra yaban auhisa, blasi lî ai piua kat auhi kata ba, nanara sin kli baku yan auhisa.

Sakaraya 14:21

Dikwa nani sut Jerusalem ra, Juda ra bâra ba, karnika sut bri Dawanka dukia aihka sakan kabia. Ya ya sakripais daukaia wabia ba dikwa nani ba bribia, wîna nani Dawan ra yaban ba piakbia. Baha yua ra diara wauhi âiatkra nani Dawan karnika sut bri ba tempelka ra âpu kabia.

Luk 11:41

Sakuna man nani mita umpira nani ra diara yabi bas bîla tani ra bâra ba wina, bara baku mika diara sut klin daukan kabia.

2 Korint 8:2

Witin nani trabil manis brin ba mita tânka ba pliki pain kaikan sa, bara baha nani lilia pali sa. Witin nani umpira pali sa, sakuna ai prisantka ai kupia aiska ni diara hilp munan yuyakira kan baku.

Pilipai 3:4

Ban sakuna, yang sin sip sna baha dukia nani ra kasak lukaia. Ya ya bahmuna dukia mita swaki sâkbia lukanka brisa kaka, yang kau bahara kasak lukaia lâ brisna.

Param Marikanka 11:10

Tasba ra iwi uplika nani ba naha wâl pruan na dukiara lilia baman kabia. Witin nani lilia tara dauki, pana pana ai walka ra prisant blîkbia; kan baha witniska wâl Gâd dahra aisi nani kan ba mita, witin nani ra uya rausauhki kan bamna.

1 Samuil 25:8

Albikam nani ra makabi walaia sip sma, witin nani bui kasakka ba mai wibia. Bahamna yang bui man ra makabisni, nanara man wiria luki kaikma naha wahma nani dukiara, piua yamni ra witin nani man ra balan sa, bara yawan ra diara wankma man mihtam ra brisma ba wina, witin nani ai dukia, yang duki sin, kan yang na man luhpiam kum baku sna.”