Nihimaya 6:3 - DAWAN BÎLA AISKA

³ Bara yang pana upla wala wal bîli bliki wîri, yang wark tara kumi daukisna, bamna sip apia kamna waia, kan yang wamna kaka warkka na takaskbia.

Nihimaya 6:3 ပူးပေါင်းရင်းမြစ်များ

Nihimaya 4:13

Ba mita yang wîri ani pîska mâyara kan ba ra, kutbanka wala ra, bara ani tani ra param kan ba ra sin, upla nani ba kiamka bani wina bara aihwakaia mangkri, ai sordka nani bri, ai langsika nani bri bara ai trisbaya nani ba sin brih aihwakaia.

Nihimaya 6:2

bara Sambalat wihki Guesem wal ai bîla blikan, wamna wisi, bara Onó twiya tawanka sirpi kum ra asla takaia dukiara. Sakuna witin nani ai lukanka ba lika saura ai munaia luki kan.

Nihimaya 6:4

Bara witin nani bui yang ra aima walhwal ai paiwan sim sturka wal, bara yang sin pana dîa aisari ba kat wîri.

Sins Lâka 14:15

Taniskira ba diara sut witin aisi ba ra baman kasak lukisa, tânkira watauki ba, ai mina nani taibi ba pain laki kaikisa.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Luk 14:30

bara naku wibia: ‘Naha waitnika utla kum mâkaia munan, sakuna sip paski sakras.’

Jan 9:4

Kau kakna na ra, ai blikan ba warkka yawan daukaia sa; kan tihmia ba aula, bara bahara upla sip wark daukras sa.