Nihimaya 5:8 - DAWAN BÎLA AISKA

⁸ Bara witin nani ra naku wîri: “Yang nani nahki sip katna ba kat wan muihni Ju nani ba swaki sakaia daukri, upla sât wala nani ra atkan kan ba mihta wina; ¿bara nanara man nani mita kli muihkam nani ba alba kaia atkisma, bara yang nani bui witin nani ba atki pri sakaia sna ki?” Bara baku witin nani ai bîla praki sâp banhwi kan, diara kumi sin aisaia âpu kan.

Nihimaya 5:8 ပူးပေါင်းရင်းမြစ်များ

Nihimaya 5:9

Bara kau wîri: “Man nani daukisma ba yamni apia sa. Man nani wan Gâdka sibrinka ra tauki banhras sma, upla sât wala wan waihla nani ba mita wan swira paski kaia apia dukiara.

Job 29:10

Wihta nani ba sut ai bîla baikra ba mâyara aisi kan, twisa ba darkaya ra alki kan.

Job 32:15

Job, naha waitnika yumhpa na aimawahki banhwan sa, witin nani man mampara diara aisaia ba tânka briras sa.

Impakan Sturka 21:16

“Ani uplika bui upla kum ra alki priski lâka ra bri si, pâtkas atkan wan sa kaka, witin ba sin pât ra laki ikan kaia sa.

Matiu 22:12

Bara witin ra win: ‘Upliki, ¿nahki kan man marit kwalka dimras si nâra ban bal dimram?’ Sakuna wala ba diara kumi sin aisaras.

Matiu 25:15

Kumi ra lalah mâ 5,000 yaban, wala ra 2,000 bara wala ra 1,000 prais; kumi bani ra ai sinska prais ba kat yan, bara witin lika mahka impakan.

Matiu 25:29

Kan ya bri ba ra, kau yaban kabia, bara witin pura lui bri kabia; sakuna ya âpu ba wina lika, wiria lupia bri ba sut mihta dakban kabia.

Roman 14:15

Bamna man ani pata pima ba mita muihkam mina batakisa kaka, ba kat lika man latwan lâka âpu sma tânka marikisma. Baku bamna, plun sât kum kum piaia want sma ba mita, yarka upla kumi sin tiwbiara, kan baha tâwan sin Kraist pruan.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

1 Korint 8:11

Bara baku, naha uplika swapan na, witinka ba muihkam bara witin dukiara sin Kraist pruan ba, man diara tânka kakaira sma ba mita tanis tiwbia.

2 Korint 8:12

Bamna upla kumi wilin pali diara yan daukisa kaka, Gâd mita baha prisantka bri ba pain bribia. Gâd bui upla dîa briras ba makabras.

Galesha 6:10

Bamna ani piua yawan sip ba ra, upla sut ra diara pain nani dauki kap, bara kau aiska pali lika, kasak lukan lâka ra wan muihni nani ba sut ra.

Kli Smalkanka 24:7

“Israel uplika kum mita ai tasbaya uplika ra impliki alba natka ra lakbia, apia kaka atkka wabia, baha ba pruaia pâtka ra lakbia. Baku lika man nani tilamra saurka lâka bâra âpu daukbia.