Nihimaya 5:12 - DAWAN BÎLA AISKA12 Bara witin nani sut win: “Yang nani baha sut kli yabamna, diara kumi dukiara sin karna aisi banhwamna apia. Dîa man wisma ba kat dauki banhwamna.” Bara prîs nani ba paiwri balan, bara witin nani mawanra yabri dîa aisan ba kat daukaia win. အခန်းကိုကြည့်ပါ။ |
Baku sin upla sât wala nani diara wauhi atki ba dukia nani, piaia dukia nani ris briaia yua ra bri balbia kaka, yang nani diara kumi sin atkamna apia; baku sin 7 mani aimaki bani insla daukamna apia, tasba ba ris yaia dukiara; baku sin, yang nani pana aikuya wisi diara yabri traska ba, ban swih tiki banhwi kamna.
Baku yang bui witin nani aikuki aisi blauhri bara lahtubri. Witin nani tila nani ba lika prukri bara tâwa sin daikri, bara taibi munri Gâd nina ra swer taki aisaia, ai luhpia mairin bara ai luhpia waitna nani ba upla sât wala nani ba wal kli maya baikaia apia, mairka nani ba luhpia waitna nani maya baku bribiara, luhpia nani mita sin mairka nani ba ai maya bribiara.