Nihimaya 3:15 - DAWAN BÎLA AISKA

¹⁵ Salum, Colhozé luhpia waitna ba, Mispá tasbaya wihtka aimaki ba, Lî kârma plapi ba getka paskan: durka purara dista yabi kaia ba paskan, bara prakaika dusa nani ba sin paskan, baku sin Siloé ra, king tangnika giadinka ra, lî watla walpaya kutbanka slingwan kan ba sin paskan, tawan wina mina mangka kum Debit Tawanka bâk iwi ba kat paski brih wan.

Nihimaya 3:15 ပူးပေါင်းရင်းမြစ်များ

2 Samuil 5:9

Baha ningkara, Debit lika kan kahbaika pliska ra takaskan, bara tawanka nina ba Debit Tawanka mâkan, bara tasbaya aiska ba kutbi lakan, tasba yakabi daukan pliska wina king watla dimaika ba kat.

2 King Nani 25:4

Bara kutbanka ba ra unta kumi klauhbi war aiklaklabra nani ba sut taki plapan. Yabal dimaika kutbanka wâl bâk witin nani taki plapan tihmia ra, naha ba king watla latka lama kat kan. Caldea uplika nani ba lika tawan ba ban kutbi bri kan, bara aiklaklabra nani ba Jordan ilka bîla tani ra impakan.

2 Kronikas 32:30

Ezequías mita sika yaban Guihón ra lî kârma ba prakan, bara yaban mâya tani ra plapan Debit Tawanka muna tani ra. Baku bamna, diara sut Ezequías daukan ba yamni baman takan.

Nihimaya 12:37

Bara witin nani Lî Watla ra waia durka lama bâk wih Debit Tawanka mina mangka nani bâk uli banhwan, baha tawan kutbanka ulaika bâk, Debit Watla ba wina laih Lî Watla durka lalma tani kat wan.

Nihimaya 2:14

Baha wina kau ban kainira wari, Lî Kârma getka ba tani ra bara King laya watla ra sin waia; sakuna biriku ba bahak luaia sip apia kan.

Nihimaya 2:17

Bamna witin nani ra wîri: —Man nani pain nu sma naha wan dauki wan swin na kat wan trabilka na tara, kan Jerusalem na sut sauhki tikan sa, bara getka nani ba sin sut pali pauta ni angki sauhkan. Bamna yang ra bal asla taks Jerusalem tawan kutbanka na kli paskaia, kau ban wan swira daukan lâka ra iwi kaia sip apia.

Nihimaya 3:12

Baha wina kutbanka pîska wala ba Salum, Halohés luhpia waitna, Jerusalem tasba pîska wala kum ra wihta aimaki kata ba, ai lupia mairin nani aikuki bal paskan.

Nihimaya 3:14

Malquías, Recab luhpia waitna, Bet-haquérem tasbaya wihtka ba bal, tawan wina Tâski sakaia getka baha durka nani paskan, prakaika dusa nani ba sin.

Nihimaya 3:19

bara baha tâka ba wina Éser, Jasua luhpia waitna, Mispá ra wihta ba bal paskan aiklabaia dukia nani auhbaia watla lama bâk tawi kutbanka ba paski banhwan.

Nihimaya 3:7

Baha wina kutbanka pîska wala ba, Melatías, Gabaón wina ba, bara Jadón, Meronot wina ba, baku sin Gabaón bara Mispá wina uplika nani ba aikuki bal mâkan. Baha pliska nani ba sika Éufrates awala muna tani ra tasbaya wihtka ba lâka munhtara iwi banhwi kan, baha nani bal paskan.

Nihimaya 3:9

Baha wina kutbanka pîska wala ba Refaías, Hur luhpia waitna, Jerusalem ra tasbaya pîs kum wihta aimaki kan ba, bal aisawanka ba paskan.

Smasmalkra 2:6

Lî alkaia watla nani sin paskri, insla mangkri ba lî laikaia dukiara.

Aiseya 8:6

“Naha uplika nani ra Resín sîa, Remalías luhpia waitna ba sîa, Siloé ra lî lamni aubi ba lulki swin bamna,

Jirimaya 40:6

Jirimaya Guedalías wal Mispá ra wan, witin ai watla ra iwan upla nani Juda ra kau takaskan nani ba tilara.

Luk 13:4

Apia kaka Siloé tawerka kauhi upla 18 ikan ba, ¿man nani lukisma baha uplika nani ba kau upla saura nani kata Jerusalem tawanka tilara?

Jan 9:7

Ningkara witin ra win: —Siloé laya madakura ra wih aihtas (baha nina tânka ba lika: “Blikan”). Blain ba wih aihtaban, bara kli tawi balan ba ra, witin sip kan diara kaikaia.

Wihta Nani 20:1

Benjamín kiamka luhpia nani baha sturka ba walan ba ra, witin nani sin Dan tasbaya wina Beerseba tasbaya kat bara Galaad tasbaya sin sut Dawan mawanra, Mispá ra asla takan war aiklabaia.

Wihta Nani 20:3

Benjamín kiamka ba walan ai taya nani Israel kiamka wala nani ba, Mispá ra aidrubanka daukan ba. Witin nani Libait ba ra makabi walan, nahki muni baha lâ krikanka tara ba, baku daukan ba baha tânka ba walaia win.