Nihimaya 2:8 - DAWAN BÎLA AISKA

⁸ bara wauhtaya wala kum sin ulbi aikbia Asaf ra yaia, witin lika unta ra dus nani pâwi ba king bui yan pura kaiki kan ba, witin tat aikbia tempel kan kahbaika pliska getka nani, utla nani, yang dimaia playka nani ba paskaia dukiara. Bara dîa makabri ba, king baha sut aikan, Gâd kupia yamnika makabri ba yang purira kan ba mita.

Nihimaya 2:8 ပူးပေါင်းရင်းမြစ်များ

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Esdras 5:5

Ban sakuna, Ju tâ uplika nani ba Gâd mita kaina kahbi kan bamna, witin nani mita baha warkka nani ba sip takaskras kan, bara baha dukiara king Darío ra ulbi maisa pakan warkka dauki ba, witin dîa wibia ba walaia.

Esdras 6:22

Witin nani brit îs âpu dauki, yu 7 baha yua liliaka ba dauki kan, Dawan mita Persia kingka kupia swapni daukan, bara yaban witin nani ra umpira kaikan, bara sin kau ni tâ baikan, Gâd, Israel Gâdka tempelka mâkan liliaka dauki ba ra.

Esdras 6:8

Naha na yang adarki nani maikisna, naha Ju nani tâ uplika nani ba tâ baikaia sma, witin nani Gâd tempelka ba kli mâkbia mata. Bara Éufrates awala muna tani tasbaya wina lal mana nani king bri ba, baha lalahka ba wina diara nani atki bri ba mana piua kat sut aibapi kabia, baha warkka ba alki takaskbiara.

Esdras 7:6

Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Nihimaya 7:2

Baha ningkara muihki Hananí bara Hananías wal ra adar yabri, witin nani ba Jerusalem tawanka bilara kan kahbaika pliska ba kamandantika kaia, witin ba waitna kasakkira, upla witin nani ra kulkanka yabi kan bara Gâd ra sibrinka bri kan.

Sins Lâka 21:1

King lukanka ba Dawan mihta ra sa; tingni nani lî plapi ba baku nina blikisa Dawan yabalka ra brin dauki ba kat.

Smasmalkra 2:5

Dusi mâ nani mangkaia giadinka sin paskri, bara bahara dus mâira mangkaia sâtka sut ba mangkri.

Smasmalkra 2:6

Lî alkaia watla nani sin paskri, insla mangkri ba lî laikaia dukiara.

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Daniel 1:9

Gâd ai warkka dauki ba mita, Aspenaz Daniel ra yamni kaikan.

Apastil Nani Sturka 26:22

Sakuna Dawan hilpka ba mita, ban nanara kat bapi buisna, bara sip sna upla sut ra Dawan sturka yamni ba wiaia. Moses bara prapit nani mita dîa takbia aisin ba, diara sât wala kumi sin yang aisaras.

Apastil Nani Sturka 7:10

Bamna Gâd mita trabil nani sut wina swaki saki kan, sins lâka ba yan, ban sin Idsip kingka fero mita yamni kaikaia ba sin. Bara Josep lika Idsip wihtka tara mangkan, bara king fero dukia aiska wihtka sin.

2 Korint 8:16

Bamna Gâd ra tingki wisna, yang kupi ra dîa man nani dukiamra luki kapri ba, baha sim lukanka witin Taitus kupia ra sin mangkan.