Nihimaya 2:20 - DAWAN BÎLA AISKA

²⁰ Sakuna yang pana witin nani ra naku wîri: —Gâd kasbrika purara bâra ba, yang nani daukisna na sut yamni takaia daukbia. Yang nani witin ai warkka dadaukra nani, naha kutbanka tara kli paski banhwamna. Man nani lika nâra diara kumi sin daukaia lukras sma, diara paskaia smatka âpu nani sma, bara raitkam sin âpu Jerusalem dukiara lukaia.

Nihimaya 2:20 ပူးပေါင်းရင်းမြစ်များ

2 Kronikas 26:5

Trai munan Dawan lâka daukaia Sakaraya raya kata ba ra, kan witin bui smalkan Dawan ra kulkaia ba. Bara Dawan ra luki kan ba ra pâwanka nani manis brin kata.

Esdras 4:3

Bara Zorobabel, Jasua bara Israel aisika nani bui pana naku win: —Aitani apia kabia yang nani na man nani wal Gâdki watla ba mâkaia, kan Persia kingka Ciro bui ai blikan, yang nani yakan naha na mâkaia, Israel Gâdka watla ba.

Nihimaya 1:4

Baha sturka nani walri ba ra, yang mahka iwi inri, kupi sin kriwan bara baku yu ailal kasak sari briri, plun sin piras kasbrika purara Gâdka ra puri sunri.

Nihimaya 2:4

Bara king ba yang ra makabi walan: —¿Dîa sip sna man dukiamra daukaia? Baku bamna, yang lika kasbrika pura Gâdka ra puri sunri,

Ester 4:11

“King dukia dadaukra nani sut ra, bara king tasbaya ra iwi uplika nani aiska tânka brisa, ani uplika king mita paiwras kan kaikaia wisi wabia bara king watla tasbaya pîska ba ra dimbia kaka, naha uplika mapara lâ kumi baman bâra sa, baha uplika ba pruaia sa. Apia kaka, king ba mita ai dusa gul ni paskan ba ni baha uplika ra sâkbia kaka lika, sip kabia rayaka ba swaki sakaia. Bamna yang ra kau ai winras sa naha yua nani, yu 30 na bilara king ai mawanra waia.”

Lawana Nani 102:17

Hilpkas nani pura sunra ba walma, bara man, witin makabanka ba walras kapara.

Lawana Nani 122:6

Man nani kupiam aiska ni wis: “Jerusalem, man ra kupia kumi lâka ba bâra kabia. Baha nani man ra latwan mai kaiki ba ai âuyapah kabia.

Lawana Nani 20:5

Bara man pura luram ba, yang nani liliaka daukamna, yang nani Gâdki nina ba mâki, plakinki nani sin bapamni. ¡Man diara nani makabram ba, sut aiska Dawan maikbia!

Lawana Nani 35:27

Baha nani yang puri lubia bara ai kaikaia luki nani ba, aiwani lilia kabia; witin nani takaskras kau aisi kabia aima bani: “Dawan ba tara pali kulkan sa; witin ai napakanka diara sut dauki ba yamni pali kaikisa.”

Lawana Nani 51:18

Saion ra yamni muns, kupiam aiska ba kira; Jerusalem kutbanka nani ba kli paskaia.

Impakan Sturka 28:29

Bamna baku, Eran Dawan watla holi pliska ra wih dimbia. Bara ai lama prakan ba purara, lâ dauki dukia nani ba ra, Israel luhpia nani nina ba sin bri kabia Dawan mawanra, baku Dawan bui witin nani ra luki ba ban kabia.

Smasmalkra 7:18

Kau yamni sa naha na dutki pali alkaia wan mihta alkan ba wina baha ba lanhkaia apia. Gâd ra kulki ba naha diara nani sut na wina pain takbia.

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Libait Lâka 2:2

Baha ningkara witin bri si, Eran luhpia waitna prîs nani ba ra yabia, bara witin nani wina kum balbia, bara plawarka ba wina, batana laya ba wina, kîa pain daukaia dukia nani ba wina sin, ai mihta banhki kum bribia, bara altar purara angkbia. Baku Dawan ra ai kupia kraukaia prisantka dauki yabia, kîa pain Dawan kiawali ba.

Libait Lâka 24:7

Britka nani kumi bani ba purara kîa pain angkaia dukia nani ba mangkbia, wan kupia kraukaia prisantka dauki angki Dawan ra yabi ba baku.

Sakaraya 6:14

Bara kraun nani ba Dawan tempelka ra suni swibia, Heldai, Tobías, Jedaías, Josías Sofonías luhpia ba, naha nani ra tara kulkanka yabi ba wan kupia krauki kaia dukiara.’ ”

Kulki Kaikanka 10:10

Man nani lilia daukaia yua ra sin trumpit ba puhs, kati raya yua liliaka daukaia, daiwan aiska angkaia yua, Dawan wal kli uplika takaia yua. Bara baku yang bui man nani ra kupi krauki kamna. Yang sika man nani Dawan Gâdkam.”

Apastil Nani Sturka 10:31

Bara naku ai win: ‘Cornelio, Gâd lika man puram sunra ba walan, bara ai kupia sin krawan man mita upla umpira nani ra hilp munisma ba.

Apastil Nani Sturka 10:4

Bamna Cornelio sibrinkira pali insal kat ban kaiki, makabi walan: “Dawan, ¿dîa ki?” Bara insal ba bila: “Gâd bui pain kaikan man puram sunram ba, bara Ju uplika umpira nani ra sin hilp munisma ba sut.

Apastil Nani Sturka 8:21

Yang nani warkki na tilara, man dukiam briaia wiria sin âpu sa, kan man kupiam ba Gâd tani ra kasak apia sma bamna.