Nihimaya 12:43 - DAWAN BÎLA AISKA

⁴³ Baha yua daiwan ailal pali iki angki Dawan ra yaban, upla nani ba ai lilia tara brih banhwan, Gâd ai liliaka tara upla nani ra yaban bamna. Mairin nani bara tuktan nani sut lilia pali takan, bara Jerusalem lilia dauki ba laih wina binka ba wali kan.

Nihimaya 12:43 ပူးပေါင်းရင်းမြစ်များ

2 Kronikas 20:13

Juda aiska Dawan mawanra bûi kan, mairin nani, luhpia nani sin bara tuktan kau sirpi nani sut.

2 Kronikas 20:27

Baha ningkara, Juda bara Jerusalem uplika nani sut lilia pali kli tawi balan, Josafat ai tâura aimaki kan, Dawan bui lilia daukan ai waihla nani pura luanka bâk.

2 Kronikas 7:10

Kati 7 yua 23 ba kat uplika nani kli watla ra blikan, bara witin nani ai kupia liliakira Dawan ai kupia yamnika lâka Debit wal Salaman wal sin daukan ba dukiara, baku sin ai uplika Israel wal sin daukan ba liliaka ra.

Esdras 3:13

Ba mita upla nani na inisa sapa, apia kaka lilia mita ai pura winisa sapa sip tânka briras kan, kan baha binka ba laih wina walaia sip kan.

Nihimaya 12:27

Jerusalem tawanka walpaya kutbanka ba liliaka daukaia yua aimakan ba ra, Libait nani ani anira bâra kan nani ba sut pliki, Jerusalem ra brih balan mayunaia, aiwanaia, pân taya nani binka daukaia, arp pulaia, bara drum kungbi lilia daukaia dukiara.

Nihimaya 12:42

Maaseías, Semaías, Eleazar, Uzí, Johanán, Malquías, Elam bara Éser. Bara aiwawanra nani ba lika aiwani kan, bara Izraías witin nani tâ bri kan.

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Lawana Nani 27:6

Bara sip kamni laila ba purara bukaia waihli nani ba purara; bara sip kamni, Dawan watla ra mayunra sakripaiska dauki yaia; lilia mita puri wini, lawana nani Dawan ra aiwanamna.

Lawana Nani 28:7

Dawan sika yang karniki, yang kaini kahbaika sin; kupi witin ra luki tniwan, bara witin hilp ai munan. Baku ba ra kupi ba lilia pali sa; aiwanamni bara Dawan ra tingki wimni.

Lawana Nani 9:2

Purara pali sma ba, man ra luki winan ai daukisa, liliakira ni; ¡man ninam mayunra nani aiwanaia brin ai daukisa!

Lawana Nani 92:4

Man Dawan, man bui warkkam daukram ba mita, lilia ai daukram sa; man mihtam warkka nani daukram ba, lilia ni ai banhkram sa.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Jirimaya 31:13

Tiara nani ba dans pulan kabia liliakira, baku sin wahma nani bara dama nani sin. Yang maikamni maisa nihkra: inaia lâka ba lilia ra lakamni, lilia lâka kau tara kum yamna latwan bri ba wal.

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Kulki Kaikanka 10:10

Man nani lilia daukaia yua ra sin trumpit ba puhs, kati raya yua liliaka daukaia, daiwan aiska angkaia yua, Dawan wal kli uplika takaia yua. Bara baku yang bui man nani ra kupi krauki kamna. Yang sika man nani Dawan Gâdkam.”

Matiu 21:15

Sakuna prîs wihtka bara Lâ Smasmalkra nani lawan sain nani aihka daukan ba kaiki, bara tuktan nani tempel ra naku wini kan ba walan: “¡King Debit Luhpia ra Prana Tara Kabia!”

Matiu 21:9

Upla nani tâura wapi kan ba bara ninara aula kan ba sin kwâra tara kan bara mahka naku winan: —¡King Debit Luhpia ra Prana Tara Kabia! ¡Yamni pali sa witin Dawan nina mâki aula ba! ¡Gâd ra prana kabia laih purara!

Jan 16:22

Baku sin, man nani nanara sari sma, sakuna yang kli bal mai kaikamna ba ra, man nani kupiam lilia pali kabia, liliaka kum upla kumi mita sin mai dakbi briras kabia ba.

Epesus 5:19

Man nani pana pana walkam wal Pura Sunra Lawana nani baman aisi bas, spirit lawana nani aiwani bas, bara kupiam aiska kira ni Dawan ra aiwani mayuni bas.

Jems 5:13

Man nani tilamra upla kum pât wahwisa kaka, ai pura sunaia sa. Ya ai kupia lilia kaka, Gâd ra mayunra lawana nani aiwanaia sa.

1 Samuil 4:5

Bamna baku Dawan lâka auhbaika ba kiamp ra brih wan, bara Israel luhpia nani ba lilia tara daukan, ai bîla baikra karna winan ba mita tasba sin nikban.