Nihimaya 12:31 - DAWAN BÎLA AISKA

³¹ Baha ningkara Juda wihtka nani ra wîri, tawan kutbanka purara ulbia, bara aiwanaia uplika nani dakni tara wâl sakri, baha purara wapi aiwani kaia. Daknika pas ba aihkika tani ra wapi kan, walpa kutbanka pura bâk, tawan wina Tâski Yakabaika getka tani ra.

Nihimaya 12:31 ပူးပေါင်းရင်းမြစ်များ

1 Kronikas 13:1

Debit war wihtka nani bara tâ brabrira nani sut aikuki aisi kaikan, wibia kaka war lalka tara nani sut aikuki.

1 Kronikas 28:1

Debit Jerusalem ra Israel luhpia nani lalka nani ba sut asla daukan: kiamka bani lalka nani ba, war aiklaklabra daknika nani ai lalka bani aikuki, king dukia dauki kan ba, war aiklaklabra daknika tara lalka nani bara daknika sirpi lalka nani ba, tasba aiska pura kaiki nani, king bara ai luhpia nani bîpka main kaiki nani ba, waitna nani kulkanka kau tara bri ba, war aiklaklabra nani kau yamni nani ba sut sin asla daukata.

2 Kronikas 5:2

Bara Salaman Israel almuk nani asla daukan Jerusalem ra, kiamka bani lalka nani ba, bara Israel luhpia nani watla uplika tâ bri nani ba sin, baha lika Dawan lâka auhbaia watla ba Saion wina Debit Tawanka ra lakaia dukiara.

Nihimaya 12:32

Bara baha nani ninara Hosaías, Juda wihtka nani tarbaik aikuki auya kan, wibia kaka,

Nihimaya 12:38

Bara dakni wala ba lika smihka tani ra auya kan. Bara yang lika baha ninara auna kapri, tawan uplika wala nani ba aikuki, tawan walpaya kutbanka pura bâk, utla purara pali paskanka ba, pauta mukaia watla bâra ba wina laih walpa paskanka tara pali ba kat;

Nihimaya 12:40

Baha ningkara, baha daknika wâlsut Gâd tempel kat wan, bara yang sin wihtka nani tila aikuki wari.

Nihimaya 2:13

Baha sim tihmika yang buri, il bîla ra waia getka bâk taki, Piuta laya ra waia bara Tâski yakabi ba getka ra waia yabalka ra kaiki wari, Jerusalem kutbanka batakan ba, bara getka nani angkan ba sin.