Nihimaya 12:24 - DAWAN BÎLA AISKA

²⁴ Libait nani wihtka nani ban naha nani kata: Hasabías, Serebías, Jasua, Binuy bara Cadmiel, bara ai pânika nani ba lika aikuki witin nani ai warkka kan ba Dawan ra mayuni tingki wiaia, Debit, Gâd waitnika dîa win kan ba kat daukan, witin nani kumi bani ai piua ba kat ai warkka daukaia.

Nihimaya 12:24 ပူးပေါင်းရင်းမြစ်များ

1 King Nani 17:24

Bamna mairin ba mita Ilayas ra win: —Nanara kaikisna man ba Gâd waitnika kumi sma, bara man dîa aisisma sut ba kasak sa.

1 Kronikas 16:4

Debit bui Libait nani wahbi sakan Gâd lâka auhbaia watla mawanra wark dauki kaia, witin nani bui tâ briaia, kulkanka yabaia ba dukiara tingki wiaia, Dawan Israel Gâdka ra mayunaia ba sin.

2 Kronikas 8:14

Prîs nani ai awarka daukan, ai warkka daukaia dîa ai aisika Debit daukata baku, bara Libait nani ai warkka kat Dawan ra mayuni kan, bara prîs nani ra tâ baiki kan, dîa dauki ba sut ai piua kat. Baku sin dur main kakaira nani dur bani ra ai adarka kat aihwaki kan, baku sika daukan Gâd waitnika ba.

Esdras 2:40

Libait nani Jasua bara Cadmiel kiamka, bara sim taimka ra Hodavías kiamka nani ba, 74.

Nihimaya 11:17

Matanías, Micaías luhpia waitna kan ba, Zabdí luhpia waitna kan ba, Asaf luhpia waitna kan ba, witin sika aiwawanra daknika tâ brabrira kata, bara tingki bîla nani aiwani, pura sunra dauki ba yua ra yabi kan; Bacbuquías, ai taika nani tilara sekan ba, bara Abdá, Samúa luhpia waitna kan ba, Galal luhpia waitna kan ba, Jedutún luhpia waitna kan ba.

Nihimaya 12:23

Libait nani ai taika wihtka nani aimaki kan ba lika, nina nani wauhtaya ra kli ulbi mangkan ba yua wina, Johanán Eliasib mulika yua kat bâra ban kan.

Nihimaya 12:36

baku sin ai muihni nani Semaías, Azarel, Milalai, Guilalai, Maai, Natanael, Juda bara Hananí, witin nani lika Gâd waitnika Debit mayunra daukaia dukia nani bri kan ba brih wan. Bara Esdras smasmalkra ba lika witin nani tâura wapi kan.

Nihimaya 8:7

Bara Libait nani Jasua, Baní, Serebías, Jamín, Acub, Sabtai, Hodías, Maaseías, Quelitá, Azarías, Jozabad, Hanán bara Pelaías, baha nani ba lâ tânka ba laki upla nani ra smalki kan. Bara upla sut lika ai pliska kat ban bâra kan,

Nihimaya 9:4

Baha ningkara Libait nani Jasua, Binuy, Cadmiel, Sebanías, Binui, Serebías, Baní bara Quenaní kat, bûi aisaia pliska paskan ba ra uli, witin nani sut ai bîla tara aisi Dawan ra winan;

Kli Smalkanka 33:1

Moses Gâd waitnika ba pruaia lamara, Israel luhpia nani ra yamni munan,

1 Timoti 6:11

Sakuna man, Gâd uplika sma ba, naha dukia nani sut wina sîa bri plaps. Kasakka lâka ba nina blîks, Gâd ra luki kaia lâka ba, kasak lukan lâka, latwan lâka, ban bapi buaia lâka, bara wan kupia swapni bri kaia lâka ba sin.

2 Timoti 3:17

Gâd uplika ba pain lan kabia bara ridi sin pain daukan kabia, wark yamni sâtka nani sut daukaia dukiara.

Jasua 14:6

Juda kiamka nani ba Guilgal ra Jasua wal aisaia wan, bara Caleb Jefuné luhpia, quenezita ba, Jasua ra win: “Kupiam krauki bas Dawan ai napakan Moses ra win ba Cadés-barnea ra, man bara yang wal wan dukiara.