Nihimaya 10:36 - DAWAN BÎLA AISKA

³⁶ baku sin luhpi nani tawahkia nani bani ba, bara daiwan nani tawahkia ba sin, lâ ra ulban ba baku, bîp tawahkia nani, sîp tawahkia nani sut, Gâd watla ra bri balbia, prîs nani Dawan warkka dauki ba lamara.

Nihimaya 10:36 ပူးပေါင်းရင်းမြစ်များ

2 Kronikas 31:5

Lâka ba mahka param takan ba ra, Israel luhpia nani diara ailal brin ba wina yan: wain, batana laya, nasma bara diara sâtka sut mangkan pâwan ba wina sin. Baku sin, matawalsip wina kum ba brih balan mâ sât bani sakan ba wina.

Nihimaya 12:44

Baha piua ra tila upla nani ba nina mâki bâk sakan kan, yuyaka nani auhbi swiaia watla, tempel ra bâra ba, plun mâ disang nani tâura sakan ba, matawalsip mânka nani bri bal ba pura kaikaia dukiara, waitna nani bâk sakan. Tawan uplika nani ai nasla wina plun saki bri balan nani ba baha plun watla ra auhbi kan, lâ ra ulban ba kat dauki kan, prîs bara Libait nani dukia. Juda uplika nani ai nasla wina bri bal kan, witin nani prîs bara Libait nani warkka dauki ba, ai âuyapah kan ba mita.

Nihimaya 13:5

tempel bilara rum kum ra dus mâka kîa pain nani ba, dîa watla dikwa nani sâtka ba, plawar matawalsip mânka yabi nani ba, wain, batana laya, Libait nani ra, aiwani nani ra, tempel durka ra aihwaki nani ra yabaia dukia nani, baha rumka ra auhbi kan rumka ba witin ra yaban.

Impakan Sturka 13:2

“Luhpia tawahkia bani ba aihka saki yang ra bri bal. Upla bara daiwan luhpia tawahkia bani ba, yang duki sa.”

Impakan Sturka 23:19

“Patam mâ tawahkia kanra yamni nani ba, Dawan tempelka watla ra brih waia sma. “Guts lupia ba, ai yaptika tialka laya ra mangki piakpara.

Impakan Sturka 34:19

“Luhpiam tawahkia bani aisubi taki ba, yang ra aikaia sma. Baku sin bîpkam nani tawahkia ba, sîpkam tawahkia ba wainhka bani ba sut yang ra aikaia sma.

Malaquía 3:10

Man nani diara 10 bani wina kumi, yang duki ba tempel ra lalahki watla ra brih bal, baku yang waitla ra plun ailal bâra kabia. Man nani baku dauki tâinka kaiks, man nani kaikma kasbrika purara windarka nani ba bukutbi, yamnika ailal man sut puramra yakabras kamna sapa.

Kulki Kaikanka 3:13

tawahkia nani sut ba lika yang briri, Idsip tasbaya ra tawahkia nani sut ikri ba yua wina, bara Israel ra tawahkia bani ba, upla nani bara daiwan nani tawahkia sin sut. Bamna tawahkia nani ba yang briri. Yang sika Dawan.”

Galesha 6:6

Ani uplika sturi yamni smalkanka lan taki ba, dîa dîa witin bri ba wina ai smasmalkra ra hilp yaia sa.

Kli Smalkanka 12:6

Bahara witin ai nina ra luki daiwan nani angki sakripais dauki kama, bara matawalsip mânka nani, mihtam warkka, wan kupia wina prisantka nani brih wama, baku sin daiwram tawahkia nani wina sin.