Nihimaya 10:32 - DAWAN BÎLA AISKA

³² Baku sin yang nani kumi bani aitani lukisna, lâ kumi baku daukaia mani bani, silbar 8 paun yabi kaia, yang nani Gâdki tempelka warkka ba daukaia dukiara:

Nihimaya 10:32 ပူးပေါင်းရင်းမြစ်များ

Blasi Sturka 28:22

Naha walpaya playa bapanka kum bapi swisna na, naha na Gâd watla kabia; bara diara nani sut aikisma ba wina, mânka matawalsip bani ba wina, mânka kumi ba man ra maiki kamna piua sut ra.”

1 Kronikas 26:27

Baha dukia nani ba war aiklabi wina brin kan, bara baha dukia nani ba tempel watla ba yamni briaia dukiara swin kan.

Nihimaya 13:15

Bara baha yua nani ra Juda ra yang kaikri, tila upla nani wain mâ taibi laya saki kan, ris briaia yua ra wain daukaia. Baha purkara sin, plawar mâ nani sin twilki kan, bara muyul nani ba sin wain mâ wihta nani, kwah damni mâ nani bara diara sât sât nani karbanka sut pali twilki kan, ris briaia yua ra baha dukia nani ba Jerusalem ra brih wi kan. Yang bui witin nani ra lawi daukri baha yua ra witin nani diara bri si atki ba tâwan.

Nihimaya 13:18

Man nani damikam nani baku daukan ba tâwan sika, wan Gâdka ba mita wan purara pât saura nani blikan naha tawanka purara. ¿Bara man nani kau Gâd kupia sauhkan mai daukisa ki Israel luhpia nani purara, ris briaia yua kulkanka ba yabras tâka mita?

Nihimaya 13:21

sakuna yang bui witin nani aikuki karna aisi wîri dîa muni witin nani tawan kutbanka lamara takaskisa, bara kli aima wala daukbia kaka silak ra wabia. Baha wina witin nani kli balras kan ris briaia yua ra.

Nihimaya 5:10

Yang taiya nani sin, yang wal wark taki nani ba bara yang sin, witin nani ra lalah bara plawar lin munri; baku bamna, ¡yawan kaisa witin nani traska ba ban swika tiwaia!

Nihimaya 9:14

Bara witin nani ra sin smalkram, man yuam ra ris briaia ba aihka saki sunu pali kulkaia, bara lâ smalkanka nani ba sin yaram albikam Moses mita smalkan ba.

Impakan Sturka 23:11

sakuna mani 7 aimakbia ba ra, wark daukpara: namsla nani swis ailal kabia upla umpira nani tasbayam ra iwi nani ba baha wina piaia, bara daiwan wail nani sin kau dîa ailal ba pibia dukiara. Wainkam nasla nani bara albikam nasla nani wal sin baku dauks.

Sins Lâka 3:9

Dawan ra kulkanka yas man yuyakam nani ba wal, dusam mâ tawahkia nani sut ba wal sin.

2 Korint 8:12

Bamna upla kumi wilin pali diara yan daukisa kaka, Gâd mita baha prisantka bri ba pain bribia. Gâd bui upla dîa briras ba makabras.