Nihimaya 1:6 - DAWAN BÎLA AISKA

⁶ Mamkabisni, tihmia ra bara kakna ra man ra puri sunisna na, man nampakan Israel luhpia nani tâwan, kiamam pri tniki yang ra wals. Kaikisni yang nani Israel luhpia nani, man mamwanra saura daukri ba, yang bara aisiki watla uplika nani sut sin saurka dauki banhwan sa.

Nihimaya 1:6 ပူးပေါင်းရင်းမြစ်များ

1 King Nani 8:30

Baku bamna, albikam pura sunra ba walma, bara uplikam Israel luhpia nani sin, naha watla ra bal ai pura suni ba walma. Man iwaikam kasbrika purara pali ba wina wali kama, pâtka ba sin ban swih tikma.

1 King Nani 8:47

bara witin nani priski brih wan tasbaya ba kat ai kupia lakbia kaka, ai pura man ra sunbia priski brih wan ba tasbaya wina, witin nani ai saurka daukan ba tânka bribia bara saura daukan ba sin,

2 Kronikas 28:10

Baku sin luki banhwisma Juda bara Jerusalem uplika nani ba albikam waitna bara albikam mairin nani briaia. Sakuna, ¿man nani pali sin Dawan Gâdkam mapara saura daukras ki?

2 Kronikas 29:6

Kan wan almukka nani ba Dawan yabalka wina tnaya ra kan, ai daukanka nani sin Dawan nakra ra saura kan bamna, Dawan ra sin swih banhwan. Ai nakra Dawan wina tnaya ra lakan bara Dawan bâra ba pliska saura kulki banhwan.

2 Kronikas 6:40

“Bamna nanara, man, yang Dawanki, mamkabisni pura sunra nani naha pliska wina aisabia ba walma.

Esdras 10:1

Esdras Gâd tempelka ra dimi aisi ai pura suni ai dahra saki kan ba ra, ai lula kriki ai mawan ra kauhi ini, baha dauki kan ba ra Israel luhpia nani dakni kum taki, ai lamara wan: waitna, mairin bara tuktan nani, baha nani sin ai kupia wirha pali ini banhwi kata.

Esdras 10:11

Baku bamna, man nani nanara aisikam nani Dawanka bara Gâdka ba mawanra pâtkira banhwisma ba damra wals, baku bamna Dawan lâka ba alki dauks, idan uplika nani lâka ba wina dakwi taks, baha purkara tringsar mairin nani ba wina sin.

Nihimaya 1:11

Dawan, yang bui man ra mamkabisna puri sunra na man wali kaiks, nampakan nani makabi ba sin, witin nani brin dauki ba sika naha baman sa: man ra yamni mai kulkaia. Bamna yang sin mamkabisna, diara sut yang ra yamni takaia ba aik, king ba sin tatuks bûi yang ra luki tniwaia.”

Lawana Nani 102:17

Hilpkas nani pura sunra ba walma, bara man, witin makabanka ba walras kapara.

Lawana Nani 106:6

Yang nani aisiki nani wal baku saura daukri, yang nani warha lâka daukri, yang nani saura daukri.

Lawana Nani 130:2

¡Dawan, yang bîli baikra ba wals!, ¡man kiamam nani yarka aman walbia yang puri suni kira winisna ba!

Lawana Nani 32:5

Saurki daukri dahra, yang bui man ra param mai wîri; watawi daukri ba, man ra yukukras kupi wal lâ daukri ba, lâ krikanka daukri daihra ba sut man ra sakri, bara Dawan, man, pâtki nani ba sut ban swih tikram.

Lawana Nani 34:15

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Lawana Nani 55:17

Yang titan ra, tutni ra bara tihmia ra sin brukwi bara ini maimna lulki kamni, bara witin bîli baikra ba walbia.

Lawana Nani 88:1

Dawan, Gâdki bara Sasakriki, kakna ra bara tihmia ra hilpkam makabisni,

Aiseya 6:5

Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Inanka Nani 5:7

Papiki nani mita saura daukan, bara witin nani nâra âpu sa; bara witin nani ai saurka pâtka ba yang nani brisni.

Daniel 9:15

‘Dawan wan Gâdka, man karnikam tara ba wan marikram sa, Idsip wina uplikam nani sakram ba piua ra, baku daukram ba mita tasba aiska ra ninam ba plapi tawan sa, baha yua ra bara naiwa yua ra sin, ban sakuna yang nani saura bara watawi sin dauki banhri.

Daniel 9:20

“Yang ban puri suni kapri bara saurki nani dukiara aisi katna, upliki Israel luhpia nani dukiara sin, Dawan Gâdki ilka holikira ba dukiara makabi katna.

Daniel 9:4

Dawan Gâdki ra puri sunri, bara naha dahra na wîri: ‘Dawan, man lika Gâd karnakira pali sma ba, piua bani man dîa aisisma ba daukisma, bara man lamtwanka lâka tânka ba pliki kaikisma ya man ra latwan mai kaikisa, bara lâmka bîla nani kat sin dauki ba:

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Daniel 9:8

Bamna Dawan, yang nani na wan kingka, wan tâ uplika nani bara wan almukka nani kan ba baku sna, yang nani swiri ai daukisa, kan man mampara saura dauki banhri ba mita.

Luk 18:7

¿Ban kra lukisma Gâd bui ai uplika nani bâk saki brin ba, kakna bara tihmia witin ra wini banhwi ba wapnika daukbia apia? ¿Hilp munaia ba wina wihka takaskbia lukisma ki?

Luk 2:37

bara nanara piarka ba mani 84 bri kata. Witin sin tempel wina uya takras, ban bahara Dawan dukia dauki kan, kakna bara tihmia Gâd ra luki plun piras kira ai pura suni.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

1 Timoti 5:5

Ani mairka kasak pali piarka ba, upla kumi mita sin main kaikaia âpu ba, witin lika ai kainara diara briaia ba, Gâd ra luki, bara witin ra ai hilpka yabia dukiara ban kakna bara tihmia ra ai pura suni makabi kaia sa.

2 Timoti 1:3

Yang puri sunisna piua nani ra mai lukisna ba ra, tihmia bara kakna ra yang bui Gâd ra tingki wisna, witinka ra kupi lukra klin ni ai warkka daukisna ba, almukki nani ai warkka daukan ba baku.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.

1 Samuil 15:11

—Yang sari sna Saúl king mangkri ba, witin bui yang wina tnaya tawan bara bîli kat wali daukras. Samuil kupia ra trabil munan bamna, witin tihmia aiska Dawan ra ai pura suni lalawan.