Nihimaya 1:5 - DAWAN BÎLA AISKA

⁵ Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Nihimaya 1:5 ပူးပေါင်းရင်းမြစ်များ

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

1 Kronikas 17:21

Israel man uplikam ba dukiara lika, ¡witin baku wala âpu sa, nisan sin wala âpu sa naha tasba ra! ¡Ay, Gâd, man bui sika pri sakram uplikam kabia dukiara, bara ninam ba tara bukram, wark tara aihkakira nani daukram ba mita! Idsip wina pri sakram, ban sin nisan wala nani ba wina sin.

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Nihimaya 2:4

Bara king ba yang ra makabi walan: —¿Dîa sip sna man dukiamra daukaia? Baku bamna, yang lika kasbrika pura Gâdka ra puri sunri,

Nihimaya 4:14

Sakuna yang kaikri upla nani ba sibrin dauki kan, bara yang mita wihtka nani ra, wark tâ bri nani ra bara tawan uplika nani ra sin naku wîri: “Man nani lika witin nani mawan ra sîa bripara, kupiam krauks Dawan tânka ba, nahki tara sibrinkira ba, bamna man nani luhpiam waitna nani, luhpiam mairin nani, mairin nani bara wamtla uplika nani tâwan pât taki banhwi bas.”

Nihimaya 4:8

Bamna witin nani mahka asla taki aisi kaikan nahki bal Jerusalem ba mapara aiklabi sauhki tikaia.

Nihimaya 9:32

“Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Lawana Nani 47:2

Kan Dawan Laih Purara pali iwi ba, aihka sibrinkira sa bamna; witin ba king tara sa naha tasba aiska ra.

Lawana Nani 76:8

Kasbrika purara ba wina, man lâmka nani kaikaia marikisma; tasba ba sibrin daukisa bara sâp takisa.

Lawana Nani 89:2

Upla nani ra wimni, lamtwanka ba ban kaia ra bâra sa; kasakkam lâka ba aihka takras, kasbrika pura ba aihka takras ba baku.

Lawana Nani 89:3

Debit wal lâ kum daukram; man nampakan bâk sakram ba wal pramis daukram:

Lawana Nani 89:8

Dawan Gâd, karnika sut brisma ba, karnika sut ba man dukiam, bara kasakka lâka ni kir mai kutbi brisa; ¡man baku wala âpu sa!

Impakan Sturka 20:6

Sakuna baha nani latwan ai kaiki, lâika bîla nani kat dauki nani ba, kiamka tausin nani ra latwan kaikisna.

Kli Smalkanka 7:12

“Naha lâ man nani walma ningkara, trai kaiki dauki banhs bara Dawan Gâd bui man nani damikam nani wal ai lâka wal aisi daukan ba kasak daukbia.

Kli Smalkanka 7:21

Witin nani mawanra tatatpara, kan Dawan Gâdkam, Gâd tara sibrinkira ba man nani wal sa.

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,