Nihimaya 1:3 - DAWAN BÎLA AISKA

³ Bara witin nani naku ai wi banhwan: “Baha nani priski brih waras, upla iwras pliska wina swak takan nani ba, ai tasbaya ra witin nani saura pali swira lâka tara tilara bâra banhwisa. Bara Jerusalem sin, walpaya kutbanka kata ba sin aiska pali batakan sa, bara getka nani ba sut sin pauta ni angkan luan sa.”

Nihimaya 1:3 ပူးပေါင်းရင်းမြစ်များ

1 King Nani 9:7

yang bui Israel ba baha tasbaya yâri ba wina sakamna, bara naha watla yang nini ra yamnika yâri na, yang maiwan wina âpu daukamna, bara Israel luhpia nani ba nisan wala nani mita lawaska kiki kaiki kabia piua bani ra.

2 King Nani 25:10

Bara Caldea aiklaklabrika nani witin wal tauki kan nani ba lika Jerusalem kir kutbanka ba aiska slingban.

2 Kronikas 36:19

Baha purkara Gâd tempelka ba angkan, Jerusalem kutbanka nani kan ba slingban, king watla nani ra sin pauta angkan, bara diara manakira nani kan ba sut sauhki tikan.

Esdras 2:1

Naha sika Israel luhpia nani Juda tasbaya ra aisubi takan nani ba, king Nabucodonosor mita alki Babilon tasbaya ra brih wan kan ba, baha wina witin nani kli tawi Jerusalem ra balan, bara plis wala nani ra sin. Witin nani ai tâura aimaki balan Zorobabel, Jasua, Nihimaya, Seraías, Reelaías, Mardoqueo, Bilsán, Mispar, Bigvai, Rehúm bara Baaná sin, bara naku kata:

Nihimaya 11:3

Bara baku natka ra wihta tara nani kli tawi balan ba witin nani sin Jerusalem ra iwan. Juda tawanka nani ra lika Israel luhpia nani, prîs nani, Libait nani, tempel ra wark dauki nani kan ba, Salaman warkka taki kan uplika nani kiamka ba sin, kumi bani ai uplika nani tilara ai dukia nani bri kan ba lama kat iwan.

Nihimaya 2:13

Baha sim tihmika yang buri, il bîla ra waia getka bâk taki, Piuta laya ra waia bara Tâski yakabi ba getka ra waia yabalka ra kaiki wari, Jerusalem kutbanka batakan ba, bara getka nani angkan ba sin.

Nihimaya 2:17

Bamna witin nani ra wîri: —Man nani pain nu sma naha wan dauki wan swin na kat wan trabilka na tara, kan Jerusalem na sut sauhki tikan sa, bara getka nani ba sin sut pali pauta ni angki sauhkan. Bamna yang ra bal asla taks Jerusalem tawan kutbanka na kli paskaia, kau ban wan swira daukan lâka ra iwi kaia sip apia.

Nihimaya 2:3

bara yang bui king ra wîri: —¡King tara, piu bani raya ban kama! ¿Nahki muni yang maiwan ba ban lilia kabia, kan yang aisiki nani bikan tawanka ra raitika ba sut slingban, bara getka nani ba sin sut pauta ni angki sauhkan ba?

Nihimaya 7:6

“Naha sika Israel luhpia nani nina, priski tasbaya wina saki brih wan kan wina kli balan nani ba, Nabucodonosor Babilon kingka ba mita alki brih wan kan ba; witin nani ai pliska kat kumi bani kli tawi balan, Jerusalem ra bara Juda tasbaya wala ra sin, bara tâ brih balan uplika nani ba sika Zorobabel, Jasua, Nihimaya, Azarías, Raamías, Mardoqueo, Bilsán, Mispéret, Bigvai, Nehúm bara Baaná:

Ester 1:1

Naha na Asuero yua nani ra takan, Asuero India tasbaya ba wina, Etiopía tasbaya ba kat tasba nani 127 kingka aimaki bara tâ bri kan piua ra.

Lawana Nani 79:4

Wan lamara iwi uplika nani ba, yang nani laiwaska kikisa, wan tnaya kir iwi nani ba sin kikisa.

Sins Lâka 25:28

Tawan kaina kutbras baku sa bara pât dimaia ba sin isi sa, baku sa ya ai spiritka sip alki takaskras ba.

Aiseya 43:28

Man wihta nani brisma ba tempelki ba tâski daukan, baha mita yang wîri, Jekob tawanka, Israel ba, swira dauki, sauhki tikaia.

Aiseya 5:5

Man nani ra mamrikamni, nanara yang wainki nasla ra daukamna ba: kutbanka ba sakamni, bara bal sauhki tikan kabia; kutbanka ba krikamni, upla ai mina ra taibi sauhki daukbia.

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Jirimaya 39:8

Bara Caldea uplika nani ba mita king watla ba angkan, tawan ra utla nani ba sin, Jerusalem kutbanka ba sin slingban.

Jirimaya 42:18

“Dawan karnika sut bri ba, Israel Gâdka, aisisa: ‘Yang lawanki kupi baiwanka laptika Jerusalem uplika nani ra alkan ba, baha baku man nani mampara sin takbia, ban Idsip ra wama kaka. Man nani ninam ba lahtuban uplika nani mâkbia, upla ra sirang ikaika takma, naha tasbaya ra sin kli tawi balma apia.’

Jirimaya 5:10

¡Bamna ai waihla nani ba bal nasla ra dimi wain kiwka nani ba palkbia, sut pali sauhki tikras kabia kra! ¡Tnawa nani ba krikbia, kan yang wainki nasla apia takan bamna!

Jirimaya 52:14

bara Caldea suldiarka nani witin wal balan nani ba mita Jerusalem kutbanka ba batakan.

Inanka Nani 1:7

Jerusalem ai kupia kraukisa baha yua nani kata ba, yakan bâra takaskan bara sari baman kan; ai kupia ra lukisa nahki yuyaka ailal bri kata ba dukiara piua luan nani ra; ai kupia kraukisa waihla nani mihta ra kauhan piua ra, bara upla kumi sin waras kan hilp munaia, ai waihla nani kaikan bara lawaska kikan ai kauhanka ba dukiara.

Inanka Nani 2:9

Tawan getka nani sut tasba ra baman kauhan sa, ¡waihla nani alki takaskaia kutbanka kan ba sin sut kriki tiwan sa! Ai wihta tara nani bara ai kingka nani sin idan nani tilara sa; Dawan lâka bîla nani sin âpu sa. ¡Witin nani tilara, prapit nani sin kli diara aihka nani kaikras sa Dawan wina!

Inanka Nani 3:61

Wals, Dawan, swiri dauki bara witin nani ai kupia wina kunin paski, maipara ai munaia luki ba.

Inanka Nani 5:1

Âmya ra luki bas Dawan, dîa yang nani ra takan ba; tawi wan kaiks, bara kaiks nahki wan swira paski ba.

Libait Lâka 26:31

tawankam ba slingbi swimna, aidulka tempelka nani ba yuyaka baman, kîa pain nani bri balma ba kiawalamna apia.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.