Nahum 3:15 - DAWAN BÎLA AISKA

¹⁵ Bahara pauta klauhan mita angki âpu mai daukbia, bara sordkam ba sin, kruhkru baku danh âpu mai daukbia. ¡Kruhkru tara nani baku ailal sahwi banhs! ¡Tristrisia baku ailal sahwi banhs!

Nahum 3:15 ပူးပေါင်းရင်းမြစ်များ

Aiseya 66:15

Kan Dawan ba pauta klauhan tilara aula, ai waginka ba alhkablakat baku sa; ai kupia baiwanka laptika ba yakabaia bara pauta klauhan laknika laptika klalka ba sin.

Aiseya 66:16

Âu, Dawan ba pauta klauhan ni lâ kasak daukaisa, sordka ba ni tasba aiska lâka aisi daukbia; upla manis sin yaka prubia.

Jirimaya 51:14

Dawan karnika sut bri ba ai rayaka ni swer taki aisin: “¡Man waihlam nani ailal tristrisia nani baku bri balaisna, bara man nani puram luan lawana ba aiwanbia!”

Joel 1:4

Kruhkru nani ba kli bal plun mâ nani ba pih danh daukan, bara dîa kau piras swin kan ba wala nani balan baha nani mita pih âpu daukan.

Joel 2:25

“Yang bui man nani mampara kruhkru nani blikri rau mai sauhki banhwaia dukiara, kruhkru daknika tara, klala maikaia blikri ba tâka, man nani namsla bîla wina mâ nani sakras kapram ba, baha mana aiska sut yang kli mai aibapamna.

Emus 7:1

Dawan, witin dîa daukaia kan ba mairikan, bara yang kaikri. King ai nasla disang ra, mâ nani mangkan ba dâki brin. Ningkara klisnika nani mangkan ba kainara, Dawan ba kaikri tristrisia nani paski kan,

Nahum 2:13

Dawan karnika sut bri ba kasak aisisa: “Kaiks, yang Dawan, man nani mampara buisna. War aiklabaia waginka nani brisma ba, yang mita angki kiasma man daukaisna; layankam luhpia nani sut ikamna; tasbayam ra implikan lâka nani bâra ba âpu daukamna, bara kau dahra twatwilkra bîla baikra ba wali kama apia.”

Nahum 3:13

War aiklaklabra nani man brisma ba mairin baku man sa; tawankam kutbanka durka nani ba, waihlam nani mawanra param sakan sa, bara pauta klauhan mita, getka prakaika nani sut ba angki tikan sa.

Sofonías 2:13

Witin ai mihta yahbra tani mapara sakban kabia, Asiria sauhki tikaia, Ninibi tawanka ba sin âpu daukan kabia, tasba lâwan upla iwras baku daukbia.