Nahum 2:8 - DAWAN BÎLA AISKA

⁸ Lî watla tara baiwan wina lî karna plapi ba baku, Ninibi uplika nani ba taki plapi kan. “¡Takaski banhs! ¡Kli tawi bal!” upla bui wini kan, sakuna kumi sin tawi balras kata.

Nahum 2:8 ပူးပေါင်းရင်းမြစ်များ

Blasi Sturka 10:11

Baha Sinar tasbaya wina Asur ra taki wan bara witin sin tawan tara wala nani paskan. Ninibi, Rehobot-ir bara Quélah tawanka ba sin.

Aiseya 13:14

“Upla nani ba snapuka lupia nina bliki ba baku sa apia kaka bara upla kumi sin âpu sa wal asla daukaia, daiwan daknika kum turwi takan kangbi asla daukaia upla kum âpu ba baku. Kumi bani ba ai kuntrika ra wabia, ai tawanka ra plapi wabia.

Aiseya 38:14

Suki tara baku, plipli baku sin yang brukwi katni; butku baku maimna lulki kapri. Naikra nani kasbrika purara kaiki swapan. ¡Dawan, yang na ai taiban sa, man bui yang dukira pana aisas!

Aiseya 47:13

Lâ smalki, kupiam krauki nani ailal bri katma tilara, ban swapni takram. ¡Witin nani nanara bal bubia bara tâmwan aisabia, kasbrika pura tânka plaplikra nani ba mawanra, diara nani puramra aula ba kaikan dahra mai wiaia dukiara!

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Aiseya 59:11

Yang nani wingku tara nani ini ba baku inisna, bara yang nani maimna lulkisna butku nani sarkira pali ai mamna lulki ba baku; swaki wan sakaia bîla kaiki banhwisna, sakuna balras; swaki sakan lâka baha sin yawan wina laihura taki wan.

Jirimaya 46:5

“Sakuna, ¿kaikisna ba dîa? Sirang tara iwi kli ai ninara tawi auya ba, aiklaklabrika nani ba pura luan yakabrira takan; taki plapi banhwisa, ai ninara tawi kaikras. ¡Tnaya kir sibrin tara bâra sa! Yang, Dawan, kasak aisisna.

Jirimaya 47:3

Aras nani plapi ba walbia, wagin nani taya binka ba wilwaika nani pruki ba binka sin, aisika nani karnika âpu takbia, ai luhpia nani ba lulki swibia.

Jirimaya 50:16

Man nani upla kumi sin Babilon ra swipara, saumuk mangkaia, apia kra dâkaia sin. Aiklabi sasauhkra ba kaikbia ba ra tringsar nani ba sut ai tasbaya ra tawi wabia, kumi bani ai tasbaya ra waia taki plapbia.

Jirimaya 51:13

Babilon, man, awala tara nani ailal lamara iwisma, diara ailal kuki brisma, ¡man kau raya kaia piuam ba danh takan!

Jirimaya 51:30

Babilon aiklaklabra nani ba aiklabras takaskan, ai kan kahbaika pliska nani ra diman; aiklabaia karnika âpu takan, mairin nani baku takan. Tawanka nani ba bal brin watla nani ba pauta ni angkan.

Nahum 1:1

Nahum, Elcós tawanka wina ba, Gâd bui witin ra param taki dahra aisanka wauhkataya yan ba. Naha bîla nani sika Ninibi tawanka ra aisaia blikan ba:

Nahum 3:17

Wihta tara nani brisma ba, tristrisia daknika tara kauhla piua ra ai yukuwaika ra uli yukuwi ba baku sa, lapta piua aula bara baha nani sut pâlisa; witin nani sin baku pâli wabia, bara anira auya ba sin kli kaikma apia.

Param Marikanka 17:1

Bara insal 7 kâp 7 bri kan ba wina kumi ba bal, yang ra naku ai win: “Bal, bara yang mairin rugkira tara klala briaia ba mamrikamna, witin lî nani purara iwi ba.

Param Marikanka 17:15

Insal ba sin ai wisata: “Lî nani kaikram ba, baha nani purara mairin rugkira iwi ba lika upla nani atia, kwâra nani, bîla sât sât aisi nani, bara nisan sâtka nani sin.